Harðlífi varðmanna Landsréttar

Jóhann Hauksson skrifar um Landsréttarmálið og segir að þegar Alþingi gerir samninga sé það að nota heimildir fullveldis sér til hagsbóta en ekki að afsala sér fullveldinu.

Auglýsing

Ára­tugum saman varð öllum ljóst sem hófu laga­nám við Háskóla Íslands að til þess að eiga von um ein­hvern frama sem dóm­ari, sýslu­mað­ur, fógeti, lög­reglu­stjóri, hátt­settur emb­ætt­is­maður í stjórn­kerf­inu o.s.frv. yrðu menn þegar á öðru ári í námi að ganga í Sjálf­stæð­is­flokk­inn. Til að byrja með dygði að vera virkur í Heimdalli eða SUS.

Mér heyr­ist þessi elíta, sem H.Í. fram­leiddi,  nú hafa stigið einu skrefi of langt í bræði sinni vegna dóms Mann­rétt­inda­dóm­stóls Evr­ópu um Lands­rétt. Tónn­inn er þessi: Hvernig vogar þetta yfir­gangs­sama alþjóð­lega vald að traðka á full­veldi okkar og reyna að segja Sjálf­stæð­is­flokknum hvernig skipa eigi dóm­ara á Íslandi?

Ha, inn­rás... óskapn­að­ur?

Jón Steinar Gunn­laugs­son fyrr­ver­andi hæsta­rétt­ar­dóm­ari er hvat­vís eins og oft áður og ham­ast gegn þeim sem vilja una dómi MDE frekar en að áfrýja til æðra stigs. Á Eyj­unni segir hann 19. mars: „Ráð­herr­ann má ekki láta undan þessu. Við verðum að gefa þessum dóm­stól þar ytra tæki­færi til að leið­rétta villu sína. Verði nið­ur­staðan sú að stað­festa inn­rás­ina sem und­ir­deildin gerði í full­veldi Íslands, hljótum við að þurfa að hugsa okkar mál. Viljum við vera áfram sjálf­stætt og full­valda ríki eða viljum við fela yfir­ráð okkar mála í hendur erlendra stofn­ana?“

Auglýsing

Fram á völl­inn kom einnig sama dag Arnar Þór Jóns­son hér­aðs­dóm­ari í Morg­un­blað­inu og sagði: „Að íhug­uðu máli leyfi ég mér að efast um að afgreiðsla MDE sé rétt­ar­fars­legt gust­uka­verk, heldur tel ég að nið­ur­staðan sé ný teg­und óskapn­að­ar, sem aðild­ar­þjóðir hljóti að sam­ein­ast gegn í þeim til­gangi að verja full­veldi sitt.“

Undir þessa þjóð­rembu taka menn eins og Sig­urður G. Guð­jóns­son lög­maður sem bað menn nú endi­lega að lesa þessa „lög­fræði“ Arn­ars í Mogg­an­um. Svo bregð­ast kross­tré sem önnur tré.

Við þessa menn og þjóð­remblana sem stofna senn flokk Sannra Íslend­inga eða Þjóð­vina­flokk vil ég segja eft­ir­far­andi:

Bara anda rólega

Eðli­lega leiðir af fram­an­sögðu að eng­inn lög­lærður maður íslenskur hefur um langt skeið þorað að segja sann­leik­ann um full­veldið og samn­inga við erlend ríki.

Sam­kvæmt stjórn­ar­skrá gerir Alþingi samn­inga við erlend ríki. Þjóð­rembu­menn hafa jafnan gengið út frá því að slíkir samn­ingar séu þjóð­inni hættu­legir og skað­sam­leg­ir. Stað­reyndir sýna hið þver­öf­uga enda er ávinn­ingur þjóð­ar­innar ástæðan til þess að samn­ingar eru gerð­ir. Ef eitt­hvað breyt­ist og samn­ing­ur­inn þykir ekki hag­felldur þjóð­inni lengur er hægt að segja honum upp. EES samn­ing­ur­inn, sem pirrar svo mjög öfga­fyllstu Sjálf­stæð­is­menn, er grund­völlur vel­meg­unar almenn­ings á Íslandi. Þetta hefur meira að segja utan­rík­is­ráð­herra Sjálf­stæð­is­flokks­ins við­ur­kennt.  

Þegar Alþingi gerir samn­inga er það að nota heim­ildir full­veldis sér til hags­bóta en ekki að afsala sér full­veld­inu. Það er Alþingi sem metur hag eða óhag af samn­ing­um, en ekki Jón Steinar Gunn­laugs­son eða dóm­arar Hér­aðs­dóms. Sem betur fer.

Sá stóri meiri­hluti Íslend­inga sem ekki er í Sjálf­stæð­is­flokknum hefur aug­ljósa og mikla hags­muni af því að geta leitað til Mann­rétt­inda­dóm­stóls Evr­ópu þegar þeir ná ekki lögum hér heima.

Þessi mögu­leiki fer óum­ræði­lega í taug­arnar á Flokknum sem ræður dóms­vald­inu á Íslandi. Sá mögu­leiki, að skjóta málum út fyrir frum­stætt ban­ana­lýð­veldi Sjálf­stæð­is­flokks­ins, er hald­reipi almenn­ings á Íslandi.

Höf­undur er blaða­maður búsettur í Dan­mörku.

Ekkert nýtt úr gömlu
Ekkert lát er á mótmælum almennings í Alsír. Eftir að forsetinn lét af völdum hefur reiði mótmælenda beinst að ráðherrum og öðrum valdamönnum.
Kjarninn 21. apríl 2019
Basil hassan
Dani undirbjó mörg hryðjuverk
Tilviljun réði því að hryðjuverk, sem Dani að nafni Basil Hassan undirbjó, mistókst. Ætlunin var að granda farþegaþotu. Basil Hassan hafði, ásamt samverkamönnum sínum, mörg slík hryðjuverk í hyggju.
Kjarninn 21. apríl 2019
Flóttafólk mótmælti 13. febrúar síðastliðinn.
Skert aðgengi fyrir flóttafólk að íslensku menntakerfi
Af 82 flóttamönnum sem tóku þátt í þarfagreiningu Rauða krossins í Reykjavík eru einungis 5% í námi, en 43% eiga í erfiðleikum með að komast í nám.
Kjarninn 20. apríl 2019
Guðni Karl Harðarson
Í krafti fjöldans
Kjarninn 20. apríl 2019
Skoða skattalegt umhverfi þriðja geirans
Starfshópur á að skoða hvort að skattalegar ívilnanir geti hvatt einstaklinga og fyrirtæki til að styrkja félög sem falla undir þriðja geirann. Dæmi um félög sem gætu notið góðs af mögulegum breytingum eru björgunarsveitir, íþróttafélög og mannúðarsamtök.
Kjarninn 20. apríl 2019
Það helsta hingað til: WOW air fer á hausinn með látum
Kjarninn tók saman helstu fréttamál íslensks samfélags á fyrstu mánuðum ársins 2019. Ein stærsta frétt ársins hingað til er án efa gjaldþrot WOW air eftir langvinnt dauðastríð sem fór fram fyrir opnum tjöldum.
Kjarninn 20. apríl 2019
Koma svo!
Koma svo!
Koma svo - Salt og ... paprika
Kjarninn 20. apríl 2019
Advania
Ríkið greiddi Advania rúman milljarð vegna tölvukerfa í fyrra
Upplýsingatæknifyrirtækið Advania fékk greiddan rúman milljarð fyrir rekstur og hýsingu tölvukerfa ríkisins árið 2018. Þar af greiddi ríkið 635 milljónir vegna tölvukerfisins Orra.
Kjarninn 20. apríl 2019
Meira úr sama flokkiAðsendar greinar