Eiga aflóga risaeðlur að taka ákvarðanir í bakherbergjum stofnana?

Ragnheiður Sveinþórsdóttir segir að aflóga risaeðlur sem komnar eru á eða að komast á eftirlaunaaldur taki einhliða ákvarðanir í bakherbergi Sjúkratrygginga og hlusti hvorki á rök né rannsóknir.

Auglýsing

Þegar kemur að opin­berri stjórn­sýslu hélt maður að orða­til­tækið „eftir höfð­inu dansa lim­irn­ir” ætti 100% við. En svo er nú aldeilis ekki, ekki á Íslandi amk. Við sjáum það ítrekað þegar við lesum fjöl­miðla upp á síðkast­ið, og get ég í fljótu bragði nefnt Seðla­bank­ann, Fiski­stofu og MAST sem ekki hafa þjónað hlut­verkum sínum eins og stjórn­völd hafa ætl­ast til. For­eldrar lang­veikra barna hafa ítrekað þurft að stefna Sjúkra­trygg­ingum Íslands (SÍ) til að fá rétt­indi barna sinna við­ur­kennd, nú hefur nýr for­stjóri SÍ sýnt að sú lína mun ekki breyt­ast þrátt fyrir yfir­lýs­ingar ráð­herra sem er hennar yfir­mað­ur.

Það muna kannski ein­hverjir þegar við for­eldrar skarða­barna snerum bökum saman í haust og vöktum athygli á að innan við 10% barna sem fæð­ast með skarð í góm fá ekki greiðslu­þátt­töku sam­þykkta á nauð­syn­legum með­ferðum og hvernig fæð­ing­ar­göllum sé mis­munað með því að taka örfá börn út úr og segja; því mið­ur, þinn fæð­ing­ar­galli er ekki nógu alvar­leg­ur. Þrátt fyrir aðgerðir og afleið­ing­ar. Þau börn sem fæð­ast með klof­inn góm (og einnig þau sem fæð­ast líka með klofna vör) fara í aðgerð á unga aldri þar sem skarð­inu er lokað en afleið­ingar þess­konar aðgerðar eru að hinn til­búni gómur verður alltaf stuttur og stífur því það er mik­ill örvefur sem mynd­ast. Þessi örvefur heldur aftur af vexti efri kjálkans þannig að ef ekk­ert er að gert þá vex neðri kjálk­inn eðli­lega en efri kjálk­inn mun minna, að end­ingu fá börn með þennan fæð­ing­argalla skúffu og tölu­verðar líkur eru á að þau þurfi í kjálka­að­gerð þar sem kjálk­arnir eru lag­aðir svo að þeir passi hvor við ann­an. Afleið­ing­arnar ef ekk­ert er að gert geta verið útlits­leg­ar, það getur orðið erfitt fyrir þau að nær­ast og tal­erf­ið­leikar geta fylgt.

Nú er staðan þannig að heil­brigð­is­ráð­herra lýsti yfir vilja til að jafna hlut þess­ara skarða­barna síð­ast­liðið haust. Og í fram­haldi breytti hún reglu­gerð­inni sem um ræðir (451/2013) og skv. þeim þing­mönnum í Vel­ferð­ar­nefnd sem fylgja okkar máli eftir hefur ráð­herra svarað því til að nú eigi þessi börn sem út af stóðu að falla undir reglu­gerð­ina.

Auglýsing

Sem sagt; ráðu­neytið sem er yfir­maður Sjúkra­trygg­ina og hefur stjórn­sýslu- og eft­ir­lits­heim­ildir með stofn­un­inni hefur tal­að. Stofn­unin sem er lægra sett stjórn­vald með nýjan for­stjóra í brúnni hunsar fyr­ir­mæli síns yfir­manns. Aflóga risa­eðlur sem eru komnar á eða að kom­ast á eft­ir­launa­aldur taka ein­hliða ákvarð­anir í bak­her­bergi Sjúkra­trygg­inga og hlusta hvorki á rök né rann­sókn­ir. Þeir virð­ast ekki getað tekið því að fræðin segi annað í dag en þegar þeir voru í námi og að við eigum mennt­aða sér­fræð­inga sem hafa annað álit en þeir, við höfum meira að segja leitað út fyrir land­stein­ana eftir sér­fræði­á­liti. Risa­eðl­urnar huns­uðu það álit líka.

Ef ekk­ert er að gert þá enda þessi börn í kjálka­að­gerð þar sem kjálk­arnir eru lag­aðir til að þeir passi sam­an. Þessa aðgerð, sem er mun dýr­ari, borga Sjúkra­trygg­ingar mögl­un­ar­laust. Sitt­hvor vas­inn sem krón­urnar eru teknar úr. Og vas­inn sem neitar þessum börnum um nauð­syn­lega með­ferð við alvar­legum fæð­ing­argalla hefur víst skilað afgangi sein­ustu ár svo það er ekki eins og það séu ekki til fjár­munir til að greiða fyrir þessa með­ferð örfárra lang­veikra barna.

Ég held að flestum sé ljóst hvernig það virkar ef maður fylgir ekki fyr­ir­mælum síns yfir­manns. Og hunsar vilja hans sem hefur verið settur fram fyrir alþjóð. Að halda í nei-ið af því sem virð­ist þrjóska og þver­móðska og ætla ekki að gefa sig er óásætt­an­legt þótt maður vilji ekki tapa. Að okkar mati er kom­inn tími á að ráðu­neytið segi; hingað og ekki lengra!

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Kórónaveiran breiðist út – Viðbúnaður aukinn í Bandaríkjunum
Alþjóðaheilbrigðisstofnunin WHO hefur lýst því yfir, að nauðsynlegt sé að auka viðbúnað til að hefta útbreiðslu kórónaveirunnar.
Kjarninn 21. febrúar 2020
Magnús Halldórsson
Ekki gleyma listinni í stjórnmálabröltinu
Kjarninn 21. febrúar 2020
Áslaug Arna Sigurbjörnsdóttir dómsmálaráðherra setti tvo dómara við Landsrétt í dag.
Sandra og Ása settar dómarar við Landsrétt
Dómsmálaráðherra hefur ákveðið að setja tvö af þeim þremur umsækjendum sem metnir voru hæfastir til að gegna embætti dómara við Landsrétt í embætti við réttinn. Niðurstaða dómnefndar tók breytingum frá því að hún lá fyrir í drögum og þar til hún var birt.
Kjarninn 21. febrúar 2020
Pottersen
Pottersen
Pottersen – 30. þáttur: Minning um helkrossa
Kjarninn 21. febrúar 2020
Tæknivarpið
Tæknivarpið
Tæknivarpið – Allt um nýju Samsung símana
Kjarninn 21. febrúar 2020
Sólveig Anna Jónsdóttir, formaður Eflingar.
Greiða atkvæði um samúðarverkfall
Verkföll Eflingarfélaga hjá einkareknum skólum og nágrannasveitarfélögum Reykjavíkurborgar verða sett í atkvæðagreiðslu eftir helgi.
Kjarninn 21. febrúar 2020
Þórður Snær Júlíusson
Stöðu hverra þarf raunverulega að „leiðrétta“?
Kjarninn 21. febrúar 2020
Frosti hættur hjá ORF Líftækni
Forstjóri ORF Líftækni hefur sagt upp störfum hjá fyrirtækinu, en mun sinna starfinu áfram þar til eftirmaður verður ráðinn. Vinna við að finna þann aðila er þegar hafin.
Kjarninn 21. febrúar 2020
Meira úr sama flokkiAðsendar greinar