Af íslenskum stjórnmálum um páska 2019

Sigurður Ingi Jóhannsson, formaður Framsóknarflokksins og samgöngu- og sveitarstjórnarráðherra, skrifar um störf ríkisstjórnarinnar, traustleysi gagnvart stofnunum og þriðja orkupakkann.

Auglýsing

Það birtir fyrr með hverjum degi. Við erum hætt að tala um klukkuna. Hún liggur okkur ekki jafnþungt á hjarta á björtum morgnum, bjartari kvöldum, og hún gerði þegar sól var lægst á lofti. Og meðan sólar nýtur mestan hluta sólarhringsins þá höfum við ekki áhyggjur af því hvort klukkan er hálf eitt eða hálf tvö á hádegi.

Slegið í gegn

Miðvikudag fyrir páska tók ég þátt í ánægjulegri stund vestur á fjörðum þegar ég „sló í gegn“ og rauf þannig haftið í nýjum jarðgöngum milli Arnarfjarðar og Dýrafjarðar. Þessi viðburður markar upphafið að stórsókn í samgöngumálum í fjórðungnum en á samgönguáætlun eru 25 milljarðar króna áætlaðir í samgöngur á Vestfjörðum og er þar á meðal hin margumtalaða leið um Teigsskóg sem á eftir að verða gríðarlega mikilvæg samgöngubót.

Árangur samhentrar ríkisstjórnar

Síðasta eina og hálfa árið hefur samhent ríkisstjórn unnið af krafti og ábyrgð. Það hlýtur flestum að vera ljóst að sá árangur sem náðist með lífskjarasamningi á almennum markaði með ábyrgri og framsýnni aðkomu stjórnvalda er stórt skref í því að bæta lífsgæði á Íslandi og tryggja betri afkomu þeirra sem eru á lægstu laununum í samfélaginu. 

Auglýsing
Flestum hlýtur einnig að vera ljóst að þessi árangur hefði ekki náðst án sterkrar ríkisstjórnar sem spannar litróf stjórnmálanna frá vinstri til hægri með sterkri áherslu á miðjuna.

Stefna Framsóknar verður að veruleika

Áherslumál Framsóknar í síðustu kosningum eru áberandi í aðgerðum stjórnvalda vegna kjarasamninga. Fyrst ber að nefna „svissnesku leiðina“ sem felst í því að fyrstu kaupendum sé gert kleift að nýta hluta af lífeyrissparnaði sínum til að kaupa sér íbúðarhúsnæði. Sérstakt baráttumál okkar í Framsókn í langan tíma, það að húsnæðisliðurinn sé tekinn út úr vísitölunni, er að verða að veruleika fyrir ný neytendalán og skref sem svo gott sem tryggja að verðtryggingin sé úr Íslandssögunni verða að veruleika á næstu misserum. Næstu ár verða framlög til samgangna 9,5 milljörðum hærri á ári en þau voru í upphafi kjörtímabilsins. Samkomulag við sveitarfélögin á höfuðborgarsvæðinu um 100 milljarða króna uppbyggingu á næstu fimmtán árum er í burðarliðnum. Skattar á lægstu laun lækka. Barnabætur hækka. Fæðingarorlof verður lengt í 12 mánuði.  Skerðingar á framfærslu námslána hafa verið lækkaðar og ný og byltingarkennd lög um Lánasjóð íslenskra námsmanna eru væntanleg. Mikilvægur stuðningur við íslenska bókaútgáfu hefur verið samþykktur. Stuðningur við leigufélög sem ekki eru hagnaðardrifin er stóraukinn. Og fleira og fleira.

Allt eru þetta gríðarlegar samfélagsbætur. Samfélag okkar verður betra í lok kjörtímabils en það var í byrjun þess. Og hafa þá stjórnmálin og stjórnmálamenn vonandi gert nokkurt gagn.

Þriðji orkupakkinn

En (því það er alltaf eitthvert en) það eru uppi miklar deilur um það sem nefnt hefur verið þriðji orkupakkinn og felst í frekari innleiðingu á orkutilskipunum Evrópusambandsins. Hefur ríkisstjórnin reynt að koma til móts við þá sem harðast hafa gagnrýnt pakkann með þingsályktunartillögu sem og fleiru sem á að taka af allan vafa um að orkuauðlindir Íslands verði undir yfirráðum Íslendinga og engra annarra. Þrátt fyrir álit fjölmargra lögspekinga þá hefur ekki náðst að sannfæra meirihluta þjóðarinnar um að nóg sé að gert með þeim fyrirvörum sem kynntir hafa verið.

Segja má að umræður um orkupakkann séu hatrammar. Er það að mörgu leyti skiljanlegt enda um eitt af fjöreggjum íslensku þjóðarinnar að ræða og líklega sú auðlind sem á eftir að skipta mestu máli fyrir lífsgæði komandi kynslóða. Það er því mikilvægt að leitað sé sáttar og niðurstöðu sem almenningur trúir og treystir að gæti hagsmuna þjóðarinnar í bráð og lengd.

Sárin eru ekki gróin

Þótt ríflega áratugur sé liðinn frá hruni þá hefur þjóðin ekki gleymt. Sárin eru ekki gróin. Stofnanir samfélagsins, stjórnmál og stjórnsýsla, hafa ekki endurheimt traust almennings. Fólk hefur auk þess horft upp á tilhneigingu Evrópusambandsins að taka sér stöðu með fjármála- og viðskiptavaldinu gegn lýðræðinu eins og við kynntumst í Icesave-málinu og sést einnig vel í ofbeldiskenndri framkomu Evrópusambandsins gagnvart grísku þjóðinni. Það er því ekki skrýtið að íslenskur almenningur vilji hafa varan á þegar kemur að samskiptum við þetta stóra veldi sem er reyndar draumaland einstaka stjórnmálahreyfinga hér á Íslandi.

Í meira en öld hefur Framsókn oft verið í því hlutverki að miðla málum. Ég tel mjög mikilvægt að í vinnu þingsins við orkupakka þrjú vinni allir þingmenn samkvæmt samvisku sinni að því að tryggja hagsmuni Íslands og gleymi ekki að hlusta eftir þeim röddum sem hljóma utan þinghússins. Þeim tíma sem fer í að skapa sátt og einingu er ætíð vel varið.

Höfundur er formaður Framsóknar og samgöngu- og sveitarstjórnarráðherra.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ari Trausti Guðmundsson
Faraldur er ekki fyrirsjáanlegur
Kjarninn 29. júlí 2021
Áslaug Arna Sigurbjörnsdóttir dómsmálaráðherra.
„Ekki má hringla með marklínuna“
Dómsmálaráðherra vonar að stjórnarandstöðunni „auðnist ekki að slíta í sundur þá einingu sem ríkt hefur meðal landsmanna í baráttunni gegn veirunni“. Samhliða útbreiddri bólusetningu þurfi að slá nýjan takt og „leggja grunn að eðlilegu lífi á ný“.
Kjarninn 29. júlí 2021
Þorsteinn Már Baldvinsson forstjóri Samherja.
Samherji kannar hvernig afsökunarbeiðnir leggjast í landann
Þátttakendur í viðhorfahópi Gallup fengu í vikunni sendar spurningar um Samherja. Fyrirtækið, sem baðst tvívegis afsökunar fyrr í sumar, virðist fylgjast grannt með almenningsálitinu.
Kjarninn 29. júlí 2021
Ríkisstjórnin héldi ekki þingmeirihluta sínum ef niðurstöður kosninga yrðu í takt við nýja könnun Maskínu.
Ríkisstjórnarflokkarnir fengju einungis 30 þingmenn samkvæmt nýrri könnun Maskínu
Í nýrri könnun Maskínu fyrir fréttastofu Stöðvar 2, Bylgjunnar og Vísis dalar fylgi Sjálfstæðisflokksins um tæp þrjú prósentustig. Ríkisstjórnin myndi ekki halda þingmeirihluta sínum, samkvæmt könnuninni.
Kjarninn 28. júlí 2021
Birna Einarsdóttir bankastjóri segir fyrri hluta þessa árs hafa verið viðburðaríkan.
5,4 milljarða hagnaður hjá Íslandsbanka á öðrum ársfjórðungi
Hagnaður bankans jókst umtalsvert á öðrum ársfjórðungi, og í raun á fyrri hluta ársins, miðað við sama tíma í fyrra. Útlán bankans hafa aukist um 8,2 prósent það sem af er ári vegna umsvifa í húsnæðislánum.
Kjarninn 28. júlí 2021
Benedikt Gíslason er forstjóri Arion banka og segir hann reksturinn ganga mjög vel.
Arion banki hagnaðist um 7,8 milljarða á öðrum ársfjórðungi
Bankinn hagnaðist um 7,8 milljarða á öðrum ársfjórðungi 2021 og arðsemi eigin fjár var 16,3 prósent.
Kjarninn 28. júlí 2021
Gunnar Alexander Ólafsson
Brunar lestin?
Kjarninn 28. júlí 2021
Stór hluti fólksfjölgunar hér á landi er tilkominn vegna fólksflutninga.
Færri Íslendingar flutt af landi brott í faraldri
Samsetning brottfluttra og aðfluttra hefur breyst töluvert í kórónuveirufaraldri. Í fyrra fluttu 506 fleiri íslenskir ríkisborgarar til landsins en frá því og hefur fjöldinn ekki verið meiri síðan 1987.
Kjarninn 28. júlí 2021
Meira úr sama flokkiAðsendar greinar