Orkupakki Íslands

Herbert Herbertsson veltir fyrir sér orkumálum og framtíð Íslands í umheiminum.

Auglýsing

Það er lær­dóms­ríkt að fylgj­ast með umræð­unni um 3. orku­pakk­ann. Hver af öðrum stíga öld­ungar fram og vara við hon­um. Það er enda skilj­an­legt, því ef öld­ungar geta komið sér saman um eitt­hvað, þá er það óbreytt ástand. Helst samt að stíga eins og nokkur skref aftur í tím­ann sem var svo góður og skilj­an­leg­ur. Eig­in­lega ætti ég að vera með í þessum hópi ald­urs­ins vegna, en ég get alla­vega enn hugsað út fyrir rammann í svona mál­um. Að minnsta kosti tel ég mér trú um það sjálf­ur.

Ef við sleppum nú umræð­unni um 3. orku­pakk­ann og veltum fyrir okkur hver sé fram­tíð þessa lands í umheim­in­um, því hvort sem öld­ung­arnir trúa því eða ekki. Þá munu veð­ur­fars­breyt­ingar á jörð­inni ekki ganga fram­hjá Íslandi. Ekki frekar en öðrum stöðum hér á jörð­inni.

Áður en mörg ár líða mun botn­inn detta úr „túrista­síldar­æv­in­týr­inu” eins og öðrum síldar­æv­in­týrum á Íslandi. Þar átti að grípa skyndigróð­ann af því sem eng­inn vissi hvort end­ast myndi út árið. Öllu er nú eins og þá veðjað á einn hest, sem þegar er far­inn að lasnast. Innan fárra ára verða settar tak­mark­anir á hversu fólk má fljúga  mik­ið. Það mun fækka ferðum til og frá land­inu um marga tugi pró­senta, og þá aðal­lega útlend­inga. Eftir munu standa tóm hót­el, eins og gömlu síld­ar­verk­smiðj­urn­ar. Óhemju fjár­fest­ingar fara í súg­inn og fjöldi fólks stendur uppi gjald­þrota og atvinnu­laust. Þetta eru útlínur hins íslenska hag­kerfis gegnum árin. Þá er nú gott að hafa bless­aða krón­una sem getur virkað eins og yoyo, upp og nið­ur, en þó aðal­lega nið­ur.

Auglýsing

Eins og ég skil fram­tíðar veð­ur­spár, munu stormar og úrkoma aukast mikið hér vegna lægða­gangs yfir Atl­ants­hafi og lægð­irnar strika beint yfir Ísland, en háþrýsti­svæði, hita­bylgjur og þurrkar þá plaga Vest­ur­-­Evr­ópu. Lægða­gang­ur­inn verður þá fram­tíðar veð­ur­far frá Suð­aust­ur­landi og vestur um land. Nema Golfstraum­ur­inn taki upp á því að sökkva, sem von­andi verður ekki í náinni fram­tíð. En ég er nú ekki mennt­aður veð­ur­fræð­ing­ur, e.t.v. frekar eins og sjó­menn og bændur hér áður fyrr sem höfðu sína eigin reynslu­bundnu veð­ur­spá.

Ég höfða til ungs fólks á Íslandi. Að það taki ábyrga afstöðu til fram­tíðar lands­ins í alheims­víðu sam­hengi. Það er komið nóg af staðn­aðri „heima er best” póli­tík gam­al­menna. Íslend­ingar eiga að axla ábyrgð á fram­tíð jarð­ar­innar með því að nota þá gíf­ur­lega sterku aðstöðu sem Ísland hefur til þess að bæta ástand jarð­ar­innar og um leið að tryggja fjár­hags­lega fram­tíð þjóð­ar­inn­ar. Það á að leggja eins marga sæstrengi til bæði Evr­ópu og Amer­íku og þarf til, þegar búið verður að virkja hvern ein­asta bæj­ar­læk og hverja ein­ustu jök­ulsá meðan þær end­ast (e.t.v. 100 ár). Það á ekki að sleppa einum ein­asta vatns­dropa til sjávar nema hann hafi verið full­nýttur til raf­magns­fram­leiðslu. Það á að setja upp eins margar vind­orku­stöðvar og mögu­legt er til þess að nýta þá auknu storma sem hér munu senni­lega ráða ríkjum til fram­tíð­ar. Alla orku­strengi á að leggja í jörðu, ekki aðeins til bættrar ásýndar lands­ins, en miklu fremur til öruggrar afhend­ingar raf­magns til sjávar á öllum árs­tím­um.

Útflutn­ingur vist­væns raf­magns mun verða upp­spretta mik­illar vel­meg­unar á Íslandi til ófyr­ir­sjá­an­legrar fram­tíð­ar. Geta Íslend­ingar þar litið til olíu­sjóðs Norð­manna, sem mun þó löngu verða upp­ur­inn meðan vist­vænt raf­magn mun enn mala gull fyrir Ísland.

Aðeins verður að gæta þess að allar virkj­anir verði eign þjóð­ar­inn­ar, eins og olíu­vinnslan hjá Statoil Norð­manna. Það yrði þó að fá aðstoð erlendis frá við upp­bygg­ingu kerf­is­ins. Það gerðu Norð­menn einnig þegar þeir byggðu upp sitt olíu­vinnslu­kerfi. Stóru alþjóð­legu olíu­fé­lögin fengu hlut­deild í hagn­að­inum með því að leggja til sína þekk­ingu og fjár­magn við borun og úrvinnslu olí­unn­ar. Sá samn­ingur var þó aðeins í gildi í ákveðin ára­fjölda, eða þar til þau fyr­ir­tæki höfðu fengið sitt fram­lag end­ur­greitt í formi olíu og útlagðs fjár­magns. Í dag er Statoil einrátt í olíu­vinnslu við Noreg og allur hagn­aður hennar rennur beint til norsku þjóð­ar­inn­ar.

Með bestu kveðjum og áskor­unum til ungra Íslend­inga um að sækja fram og virkja auð­legð Íslands til hags­muna fyrir land og þjóð.

Samvinna er möguleg - Kjarasamningar sköpuðu farveg fyrir traust
Nefndarmaður í peningastefnunefnd Seðlabanka Íslands segir að nú sé tilefni til þess að bregðast við breyttri stöðu, með viðspyrnu sem er eins og teiknuð upp úr kennslubók.
Kjarninn 26. maí 2019
Karolina Fund: Breiðdalsbiti – Matvælaþróun úr afurðum svæðisins
Guðný Harðardóttir er sauðfjárbóndi í húð og hár sem vill koma afurðum sínum og öðrum afurðum úr Breiðdalnum á þann stall sem þær eiga heima á.
Kjarninn 26. maí 2019
Búin að finna kjallara undir botninum á siðferði í íslenskri pólitík
Þingflokksformaður Pírata segir að munurinn á ofteknum akstursgreiðslumálum þingmanna í Noregi og á Ísland sé að þar sem málið rannsakað og pólitísk ábyrgð tekin. Hér sé málið ekki rannsakað og pólitísk ábyrgð sé engin.
Kjarninn 26. maí 2019
Bára Huld Beck
Í frelsi felst ábyrgð – og í orðum einnig
Kjarninn 26. maí 2019
Segir að Björk hafi skorið upp herör á óupplýstan hátt gegn Magma
Rekstrarhagnaður HS Orku jókst um tæpan milljarð króna í fyrra. Ross Beaty mun líkast til yfirgefa félagið fljótlega og í síðasta ávarpi hans í ársskýrslu fer hann yfir hæðir og lægðir.
Kjarninn 26. maí 2019
Lars Løkke Rasmussen forsætisráðherra Danmerkur og Mette Frederiksen leiðtogi jafnaðarmanna.
Óvissa í dönskum stjórnmálum
Þingkosningar verða í Danmörku eftir tíu daga, skoðanakannanir benda til stjórnarskipta. Málefni innflytjenda og flóttafólks hafa mjög sett svip sinn á kosningabaráttuna, kosningar til Evrópuþings fá litla athygli.
Kjarninn 26. maí 2019
Vonast eftir frjálslyndri ríkisstjórn eftir næstu kosningar
Þórhildur Sunna Ævarsdóttir segir að núverandi ríkisstjórn sé síðasta vígi gamla flokkakerfisins. Skýrustu víglínurnar á Alþingi í dag séu á milli frjálslyndis og íhaldssemi.
Kjarninn 25. maí 2019
Metani breytt í koltvíoxíð
Hvatinn fjallar um líkan af nokkurs konar metanbindandi loftræstingu sem vísindahópur við Stanford University hefur gert til þess að koma í veg fyrir að metan fari beint út í andrúmsloftið.
Kjarninn 25. maí 2019
Meira úr sama flokkiAðsendar greinar