Að koma óorði á heila þjóð

Logi Einarsson, formaður Samfylkingarinnar, skrifar um afstöðu íslenskra stjórnvalda gegn fólki á flótta.

Auglýsing

Afstaða íslenskra stjórn­valda gegn fólki á flótta hefur harðnað mjög á síð­ustu árum. Það skýtur skökku við þegar bar­átta gegn þeim ógöngu sem mann­kynið hefur komið sér í er á ábyrgð allra jarð­ar­búa; líka Íslend­inga.

Fátækt, stríð og ham­fara­hlýnun eru allt ástæður þess að fólk flýr heim­kynni sín. Mörgum eru það þyngstu skrefin sem stigin eru um ævina. Fæstir for­eldrar leggja í hættu­lega óvissu­för með börn sín nema brýn hætta steðji að eða lífið sjálft liggi við. Mjög lít­ill hluti þessa fólks kemur hingað til okkar og þráir öryggi fyrir börnin sín í því frið­sæla, jafna og ríka sam­fé­lagi, sem leið­togar þjóð­ar­innar guma svo af á alþjóða­vett­vangi.



Rík­is­stjórn­inni ber engin skylda að vísa frá börnum í leit að öryggi og vernd. Hún velur aftur á móti að gera það. Bara á þessu ári hefur 75 börnum verið neitað um alþjóð­lega vernd - þar á meðal þeim Mahdi, Ali, Zaineb og Amir sem fjallað hefur verið um í fjöl­miðlum að und­an­förnu, og á að senda út í óvissu og óör­yggi til Grikk­lands. Við getum að sjálf­sögðu valið að veita þessum börn­um, og öðrum börnum í sömu stöðu, vernd.

Nú seg­ist ráð­herra vilja end­ur­skoða fram­kvæmd útlend­inga­lag­anna þegar kemur að börnum - en hversu mörgum börnum ætlar rík­is­stjórnin að vísa héðan burt á meðan hún skipar enn eina nefnd­ina? Hvernig hjálpar það þeim áhyggju­fullu börnum sem eiga nú yfir höfði sér lögregluheimsókn?

Auglýsing




Í frum­varpi sem rík­is­stjórnin ræddi á fundi þann 2. apríl og lagt var fyrir Alþingi nokkrum dögum síð­ar, liggur fyrir að eigi að herða útlend­inga­lög­gjöf­ina - þrátt fyrir for­sæti flokks með yfir­lýsta stefnu um mann­úð­legri mót­t­töku fleira fólks á flótta. Þá á að þrengja enn frekar að rétt­indum fólks í leit að alþjóð­legri vernd og auð­velda jafn­vel brott­vís­anir til landa eins og Grikk­lands.

Það er í raun sár­ara en tárum taki ef ekki hefur þurft nema rúm hund­rað ár fyrir íbúa eins rík­asta lands í heimi að gleyma því að Íslend­ingar sjálfir flúðu í þús­unda­tali vestur um heim. Þessum nöt­ur­lega kafla Íslands­sög­unnar gerir Hall­dór Lax­nes skil í Brekku­kotsan­nál og lætur sögu­mann bók­ar­innar Álf­grím m.a. segja þessi orð:

„Í það mund sem ég var að verða til, þá var þar í kot­inu mikil örtröð af því fólki sem nú á dögum heitir flótta­menn; það er að flýa land; það leggur á stað með tárum úr heim­kynnum sínum og ætt­bygð af því svo illa er að því búið heima­fyrir að börn þess ná ekki þroska heldur deya.“



Þessi orð eru vissu­lega upp úr skáld­sögu en lýsa þó nöprum veru­leika þess tíma á Íslandi.

Þau nísta inn að beini, ekki síst vegna þess að það er svo stutt síðan for­feður okk­ar, jafn­vel afar og ömm­ur, gátu almennt ekki tryggt börnum sínum öryggi og mikil óvissa var um hvort þau kæmust yfir­höfuð á legg.



Það er aumt ef rík­is­stjórn þjóð­ar, sem bjó við slíkar aðstæður fyrir örfáum ára­tug­um, kýs að vísa börn­um, sem jafn­vel hafa myndað hér tengsl og fest ræt­ur, út í full­komið óör­yggi. Það er hneisa sem rík­is­stjórnin ber auð­vitað ábyrgð á en kemur þó óorði á alla þjóð­ina.



Höf­undur er for­maður Sam­fylk­ing­ar­inn­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira úr sama flokkiAðsendar greinar