Uppbygging við Stekkjabakka, rafhjól og borgarhátíðir

Reglulegur pistill formanns borgarráðs Reykjavíkur á Kjarnanum með helstu fréttum úr borgarráði frá 4 júlí 2019.

Auglýsing

Yfir hásum­arið fer borg­ar­ráð með afgreiðslu­heim­ildir borg­ar­stjórnar sem ekki fundar í júlí og ágúst . Þetta fyr­ir­komu­lag er til þess gert að afgreiðsla mála innan borg­ar­kerf­is­ins tefj­ist ekki. Á sumrin eru það eru því einna helst skipu­lags­mál sem eru fyr­ir­ferða­mikil á fundum borg­ar­ráðs. Þrjú mál sem nokkuð hafa verið í almennri umræðu voru lögð fyrir borg­ar­ráð í síð­ustu viku en málin eru á ólíkum skipu­lags­stig­um. 

Ný byggð mun rísa í Furu­gerði 23 en búið er að aug­lýsa skipu­lagið og taka til­lit til umsagna og ábend­inga. Þá var ­deiliskipu­lag ­fyrir svæðið við Stýri­manna­skól­ann sam­þykkt til aug­lýs­ingar en nýtt skipu­lag vernd­ar, bæði Salt­fisk­mó­ann og Vatns­hól­inn og þar gerð græn svæði  auk þess sem skipu­lögð er lág­stemmd byggð á svæð­inu þar sem m.a. eru fyr­ir­hug­aðar íbúðir fyrir eldri borg­ara og stúd­enta. 

Græn og fram­sýn upp­bygg­ing við Stekkja­bakka

Þriðja og lík­lega stærsta málið er þróun svæðis við ­Stekkja­bakk­ann ­sem liggur ofna við Elliða­ár­dal­inn. Þar er um að ræða afar jákvæða og græna upp­bygg­ingu. Sjálf­stæð­is­flokk­ur­inn fer nú mik­inn í tengslum við það mál og reynir af öllum mætti að slá ryki í augu fólks, t.d. með yfir­lýs­ingum um flýti­með­ferð í borg­ar­ráði og óvönduð vinnu­brögð. Slíkar upp­hróp­anir eru langt frá stað­reyndum máls­ins. Þetta nýja skipu­lag hefur verið í vinnslu í nokkur ár og búið að aug­lýsa til­lög­una vel. Hald­inn var afar vel sóttur fundur með íbú­um, tekið var við mörgum ábend­ingum og umsögn­um, þeim svarað og tekið til­lit til þeirra eins og við á. Nákvæm­lega eins og vinna við deiliskipu­lag fer almennt fram. Hróp og köll um annað eru bara til þess fallin að draga athygl­ina frá þeirri góðu upp­bygg­ingu sem þarna mun verða.

Auglýsing

Deiliskipu­lagið byggir á grænni og sjálf­bærri hug­mynda­fræði. Um er að ræða gróð­ur­hvelf­ingar þar sem nýttur er jarð­varmi til að skapa ákveðna Mið­jarð­ar­­hafs­­stemn­ingu og fjöl­breytta upp­­lifun í fjöl­­skyld­u­vænu um­hverfi fyrir alla ald­ur­s­hópa, svo sem kaffi­­hús og mark­aðs­­torg þar sem m.a. verður hægt að kaupa ferskar mat­­jurtir sem rækt­aðar verða á staðn­um. Þá verður aðstaða fyrir kynn­ingar og mót­­töku hópa, t.d. frá skól­um, leik­­skólum og vinn­u­­stöð­u­m.  

Þessi upp­bygg­ing er  í anda þess sem margir íbúar Breið­holts og Árbæjar hafa einmitt kallað eft­ir. Að halda í græn svæði en einnig stuðla að auknu mann­lífi með auk­inni þjón­ustu, sal­ern­is­að­stöðu og stöðum til að hitt­ast á og eiga góðar stundir með fjöl­skyldu og vin­um.  

Þarna verður hvorki ljós­mengun né hávaða­meng­un. Elliða­árnar verða ekki meng­aðar og líf­ríki þeirra ekki sett í hættu. Þarna verður ekki bíla­um­ferð og ekk­ert rask á nátt­úru- eða söguminj­um. Öll upp­bygg­ing mun fara fram á órækt­uðu, rösk­uðu svæði í útjaðri Elliða­ár­dals­ins sem fáir hafa getað not­ið. Upp­bygg­ingin sem framund­an er mun ein­fald­lega styðja við dal­inn sem nátt­úruparadís, ólíkt því sem upp­hróp­anir aft­ur­halds­ins gefa til kynna. Allar þessar stað­reyndir koma fram í gögnum máls­ins sem ég hvet áhuga­sama til að skoða hér

Einnig hefur verið tekið saman fræð­andi listi af spurn­ingum og svör­u­m. 

Styðjum við nýja ferða­máta

Borg­ar­ráð sam­þykkti einnig verk­lags­reglur vegna starf­semi stöðvalausra hjóla- og raf­hjóla­leiga innan Reykja­vík­ur. Að und­an­förnu hefur orðið mikil aukn­ing á raf­hlaupa­hjólum í borgum nágranna­landa okkar og eru hjólin orð­inn mik­il­vægur þáttur í sam­göngu­kerfi þess­ara borga. Raf­hjól er hand­hægur og þægi­legur ferða­máti sem flestir ráða við og ljóst að þau nýt­ast vel sem sam­göngu­bót, t.d. síð­asta spöl­inn heim og að heim­an. Við viljum vera til­búin fyrir nýj­ungar í sam­göngum og til­gangur þess­ara reglna er því fyrst og fremst að tryggja gagn­sætt og opið verk­lag þegar þar að kemur enda von­umst til að sjá þennan nýja og þægi­lega ferða­máta ná fót­festu hér í borg. 

Borg­ar­há­tíðir 2020-2022 - atvinnu­lífið fær full­trúa í for­vali 

Það er deg­inum ljós­ara að borg­ar­há­tíðir setja mik­inn svip á mann­líf borg­ar­innar og hafa mikil og góð áhrif á borg­ina okk­ar. Sem dæmi má nefna Menn­ing­arnótt, Hinsegin daga, Reykja­vík­ Film ­Festi­val og Reykja­vík­ A­irwa­ves en allar hafa þessar hátíðir sett sitt mark á borg­ar­lífið á und­an­förnum árum og haft gríð­ar­leg áhrif á mann­líf og menn­ingu borg­ar­inn­ar. Samn­ingar sem gerðir voru um borg­ar­há­tíðir árið 2017 renna út á þessu ári og að und­an­förnu hefur því verið unnið að und­ir­bún­ingi þess hvernig standa skuli að vali borg­ar­há­tíða fyrir árin 2020-2022 en á fundi borg­ar­ráðs í síð­ustu viku voru sam­þykktar nýjar reglur um borg­ar­há­tíðir . Ákveðið var að fá inn í fag­hóp um borg­ar­há­tíðir full­trúa frá atvinnu­líf­in­u þ.e. einn full­trúa frá Sam­tökum versl­unar og þjón­ustu ásamt Sam­tökum ferða­þjón­ust­unn­ar. Þessi breyt­ing er í sam­ræmi við áherslur okkar um að tengja atvinnu­lífið bet­ur inn í um­gjörð og skipu­lag borg­ar­inn­ar. Það verður fróð­legt að fylgj­ast með störfum fag­hóps­ins og gaman að fylgj­ast með áfram­hald­andi jákvæðum áhrifum borg­ar­há­tíð­anna okkar á iðandi mann­líf Reykja­vík­ur.

Hér hefur ein­ungis verið fjallað um nokkur af um 40 málum sem komu á inn á borð borg­ar­ráðs í síð­ustu viku en þau sem vilja fylgj­ast með helstu ákvörð­unum borg­ar­innar geta gert það hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Klikkið
Klikkið
Klikkið – Viðtal við Héðinn Unnsteinsson
Kjarninn 7. apríl 2020
Snjólaug Ólafsdóttir
Hvað getum við lært af COVID-19 um sjálfbærni og loftslagslausnir?
Kjarninn 7. apríl 2020
Dagur án dauðsfalls af völdum COVID-19
Samkvæmt opinberum tölum hafa ríflega 83.600 manns greinst með veiruna í Kína og að minnsta kosti 3.330 hafa látist úr sjúkdómnum sem hún veldur.
Kjarninn 7. apríl 2020
Sigþrúður Guðmundsdóttir framkvæmdastýra Kvennaathvarfsins
Aukin hætta á heimilisofbeldi við aðstæður eins og nú eru
Tvö andlát kvenna undanfarna rúma viku má sennilega rekja til ofbeldis inni á heimilum. Framkvæmdastýra Kvennaathvarfsins minnti þjóðina á að úrræði fyrir bæði gerendur og þolendur eru í boði, á daglegum upplýsingafundi almannavarna.
Kjarninn 7. apríl 2020
Aðeins eitt jákvætt sýni hjá Íslenskri erfðagreiningu
Í dag er 1.021 einstaklingur með virkt COVID-19 smit en í gær voru þeir 1.096. Alls hafa 559 náð bata.
Kjarninn 7. apríl 2020
Hörður Arnarson, forstjóri Landsvirkjunar.
Landsvirkjun hnýtir í heimildarmenn Morgunblaðsins
Landsvirkjun hefur sent út yfirlýsingu vegna fréttar Morgunblaðsins í dag, en í fréttinni var meðal annars haft eftir heimildum innan úr Rio Tinto að þar væri í athugun að höfða mál gegn Landsvirkjun vegna vörusvika tengdum sölu upprunavottorða.
Kjarninn 7. apríl 2020
Keflavíkurflugvöllur
Fjórir milljarðar úr ríkissjóði í Isavia
Fjármála- og efnahagsráðherra hefur ákveðið að auka við hlutafé Isavia ohf. um 4 milljarða króna með því skilyrði að félagið ráðist í innviðaverkefni á Keflavíkurflugvelli strax á þessu ári.
Kjarninn 7. apríl 2020
Bjarni Benediktsson er fjármála- og efnahagsráðherra og formaður Sjálfstæðisflokksins.
Sjálfstæðisflokkurinn tapar fjórum prósentustigum milli kannana
Vinstri græn og Píratar bæta við sig fylgi milli kannana en Sjálfstæðisflokkurinn missir umtalsvert af þeirri fylgisaukningu sem hann mældist með í mars.
Kjarninn 7. apríl 2020
Meira úr sama flokkiAðsendar greinar