Þjónusturof í röngu rekstrarlíkani

Smári McCarthy fjallar um fluggeirann í aðsendri grein en hann telur að þar sé þörf fyrir breytingar.

Auglýsing

Það gildir um flesta hluti að maður tekur ekki eftir því að þeir virki ekki nema maður þurfi að nota þá. Inn­an­lands­flug hefur mikið verið til umræðu und­an­farna mán­uði einmitt vegna þess að vax­andi sam­staða er um að það virki ekki. Efna­hags­legur grund­völlur inn­an­lands­flugs er tak­mark­að­ur, stofn­ana­legur strúktúr gall­aður og inn­við­irnir eru að grotna nið­ur. Það versta er að þeir sem bera ábyrgð á því að laga þetta ástand geta það ekki, sem skapar pirr­ing og ásaka­na­gleði á alla bóga.

Nokkrum sinnum í sumar hafa flug­sam­göngur um Reykja­vík­ur­flug­völl legið niðri að ein­hverju eða öllu leyti, nú síð­ast sl. föstu­dag. Þeim sem hlusta á sjálf­virku ATIS-­þjón­ust­una (sími 424 4225) bregður þá að heyra að lokað sé fyrir til dæmis almanna- og kennslu­flug vegna mann­eklu. Stundum gengur það enn lengra, að ekki einu sinni áætl­un­ar­flug fær að fara um völl­inn. Þannig geta óvænt veik­indi eins flug­um­ferð­ar­stjóra raskað mik­illi starf­semi með til­heyr­andi tæki­fær­is- og raun­kostn­aði.

Það er ekki við flug­um­ferð­ar­stjór­anna sjálfa að sakast – þessi mann­ekla verður ekki til í tóma­rúmi. Isa­via, sem rekur flug­völl­inn, er gert að veita þessa þjón­ustu, en hefur ekki sér­stök fjár­ráð til þess og hefur tak­mark­aðar heim­ildir til að ráð­stafa tekjum af öðrum rekstri (t.d. hagn­aði af Leifs­stöð) til að tryggja að þjón­usta flug­valla sé veitt. Sé ein­hver veikur þá eru ekki til réttir pen­ingar í réttum potti til að ræsa út stað­gengil, og fyrst klippt á þá þjón­ustu sem skilar ekki tekj­um.

Auglýsing

Vanda­málið ein­skorð­ast auð­vitað ekki við Reykja­vík­ur­flug­völl. Við­hald lít­illa lend­ing­ar­staða til dæmis verður að auka­at­riði þrátt fyrir mik­il­vægi þeirra fyrir flug­ör­yggi og þjálf­un.

Isa­via er opin­bert hluta­fé­lag, og er því rekið í hagn­að­ar­skyni. En að taka út hagnað sam­ræm­ist ekki alltaf mark­miðum almanna­þjón­ustu. Inn­an­lands­flug hefur því verið oln­boga­barn rekst­urs­ins, þar sem ekki nema lít­ill hluti þess ber nokkra arð­semi, og þá litla.

Hluti vand­ans kann að vera að Isa­via er í eigu Fjár­mála­ráðu­neyt­is­ins, meðan það starf­rækir inn­an­lands­flugið eftir þjón­ustu­samn­ingi við Sam­göngu­ráðu­neyt­ið. Ef þessu fyr­ir­komu­lagi væri hrókerað gæti margt batn­að. Skipun að ofan, hvort heldur í formi eig­anda­stefnu eða útvíkk­aðs þjón­ustu­samn­ings, gæti leitt af sér meiri þjón­ustu bæði við almanna­flug og aðrar teg­undir flugs.

Önnur nálgun væri að færa flug­rekstur og flug­leið­sögu­þjón­ustu burt frá Isa­via, og láta í hefð­bundn­ari rík­is­stofnun sem hefur fyrst og fremst það hlut­verk að tryggja almanna­þjón­ustu. Með þessu væri mögu­legt að breyta lend­ing­ar­gjöldum og flug­leið­sögu­gjöldum til að koma til móts við þær almenn­ings­sam­göngur sem fara um him­in­inn.

Í öllu falli virð­ast allir sam­mála um að það er vanda­mál til staðar og að full­reynt sé að reyna að finna lausn ein­göngu með greið­vikni og þol­in­mæði að vopni. Breyt­inga er þörf á til­högun í flug­geir­an­um; margar hverjar koma fyrir í nýrri græn­bók um fram­tíð flugs, en aðrar snúa að rekstri Isa­via sjálfs. Því fyrr sem farið er í þær breyt­ing­ar, því betra.

Höf­undur er þing­maður Pírata.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ásgeir Haraldsson
Landspítali háskólasjúkrahús?
Kjarninn 9. ágúst 2022
Noregur er einn stærsti raforkuframleiðandi í heimi.
Noregur gæti neyðst til að takmarka útflutning á rafmagni
Stjórnvöld í Noregi segja til greina koma að draga úr áformuðum útflutningi á rafmagni til meginlands Evrópu. Orkuskortur blasir við vegna þess að uppistöðulón hafa ekki fyllst. Óvenjulegum þurrkum er um að kenna.
Kjarninn 9. ágúst 2022
Donald Trump fyrrverandi Bandaríkjaforseti.
Fordæmalaus húsleit í Mar-a-Lago
Bandarískir alríkislögreglumenn framkvæmdu í gær húsleit á heimili Donalds Trump í Flórída og höfðu þaðan með sér einhver gögn. Aldrei fyrr hefur verið farið í löggæsluaðgerð af þessu tagi gegn fyrrverandi forseta Bandaríkjanna.
Kjarninn 9. ágúst 2022
Hygge
Hvað þýðir danska hugtakið hygge? Er það stig sem nær hærra en bara að hafa það kósí? Nær eitthvað íslenskt orð yfir það? Eða er um að ræða sérstaka danska heimspeki?
Kjarninn 9. ágúst 2022
Eitt og annað ... einkum danskt
Eitt og annað ... einkum danskt
Hygge
Kjarninn 9. ágúst 2022
Rúmlega þriðjungur heimila á ekkert eftir í veskinu í lok mánaðar
Næstum átta af hverjum tíu í lægsta tekjuhópnum ná ekki að leggja neitt fyrir, ganga á sparnað eða safna skuldum í yfirstandandi dýrtíð. Hjá efsta tekjuhópnum geta næstum níu af hverjum tíu enn lagt fyrir, sumir umtalsvert.
Kjarninn 9. ágúst 2022
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Meira úr sama flokkiAðsendar greinar