Vangaveltur um veltu

Viðskiptastjóri hjá Nasdaq Iceland er orðinn leiður á því þjóðarsporti sem felst í að tala niður íslenskan hlutabréfamarkað.

Auglýsing

Það virðist vera orðið þjóðarsport að tala niður íslenska hlutabréfamarkaðinn þessa dagana. Veltan er of lítil, verðmyndunin léleg, of takmörkuð skoðanaskipti, skráð félög ættu að íhuga þann kost að fara af markaði o.s.frv. 

Í flestum tilfellum kemur þessi gagnrýni frá góðum stað. Öflugur hlutabréfamarkaður er hverju þróuðu hagkerfi nauðsynlegur til þess að skapa tækifæri, sýnileika og störf, auka gagnsæi og tengja saman hagsmuni almennings og atvinnulífsins. Sérstaklega í jafn litlu og einangruðu landi eins og Íslandi, þar sem skráning á markað eins og Nasdaq getur skapað traust og trúverðugleika á erlendri grundu, opnað ýmsar dyr og liðkað fyrir vexti sem væri annars ómögulegur. 

Það er mikið í húfi og því skiljanlegt þegar bent er á hvað megi betur fara, sem er vissulega eitt og annað. Slíkar ábendingar verða, aftur á móti, að grundvallast á staðreyndum. Annars er hætt við því að þær hafi þveröfug áhrif. Tökum sem dæmi veltu á íslenska hlutabréfamarkaðnum. Þegar litið er á veltu miðað við stærð fyrirtækja (veltuhraða), sem er einn besti mælikvarðinn á virkni markaða, er veltan það sem af er ári með lítil og meðalstór fyrirtæki að meðaltali mest hér á landi af öllum aðalmörkuðum Nasdaq á Norðurlöndunum, en mjög svipuð ef miðað er við stór fyrirtæki. 

Auglýsing
Nánar tiltekið er veltuhraðinn það sem af er ári 54% að meðaltali fyrir stór fyrirtæki á Íslandi en 54 – 62% á hinum norrænu kauphöllum Nasdaq. Þá er hann 71% í samanburði við 21 – 60% fyrir meðalstór fyrirtæki og 69% samanborið við 19 – 41% fyrir lítil fyrirtæki. Ef notast er við miðgildi þá er veltan í öllum tilfellum mest hér á landi.

Það er því varla hægt að kvarta undan veltu með hvert og eitt félag. Flest íslensk fyrirtæki teljast aftur á móti lítil á alþjóðlegan mælikvarða og skráð félög eru of fá, sem skýrir líklega þennan misskilning. Það vantar einfaldlega fleiri félög á markað til þess að auka heildarveltuna. Það vantar fleiri lítil og meðalstór nýsköpunarfyrirtæki á markað til þess að skapa áhugaverð störf og nýta þau fjölmörgu tækifæri sem leynast í íslensku hugviti. Það vantar fleiri stór fyrirtæki á markað til þess koma Íslandi betur á kortið hjá alþjóðlegum stofnanafjárfestum. Þetta mun seint gerast ef við höldum áfram að dreifa rangfærslum um lélega veltu og tala niður skráningar á markað. 

Íslenski hlutabréfamarkaðurinn stendur að mörgu leyti traustum fótum í dag en það er margt sem má betur fara. Við þurfum að greiða leið nýrra fyrirtækja inn á markað svo íslenskt atvinnulíf geti blómstrað og við þurfum að fá almenning og erlenda fjárfesta inn af meiri krafti til þess að fá fjölbreyttari skoðanaskipti og njóta betur „visku fjöldans“, svo dæmi séu tekin.

Það hefur sjaldan verið mikilvægara en nú að stjórnvöld, atvinnulífið og fjármálakerfið taki höndum saman um að efla hlutabréfamarkaðinn, þegar hagkerfið er komið á bremsuna og bankar eru farnir að draga úr útlánum. Hættum að tala niður það sem gengur vel og göngum strax í að bæta það sem bæta má. 

Höfundur er viðskiptastjóri hjá Nasdaq Iceland.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Bjarni Benediktsson fjármálaráðherra fékk 82 prósent atkvæða í fyrsta sætið í prófkjörinu, samkvæmt fyrstu tölum.
Bjarni, Jón og Bryndís efst samkvæmt fyrstu tölum
Kjörstöðum hefur nú verið lokað í prófkjöri Sjálfstæðisflokksins í Suðvesturkjördæmi. Bjarni Benediktsson, Jón Gunnarsson og Bryndís Haraldsdóttir skipa þrjú efstu sætin nú þegar tæpur þriðjungur atkvæða hefur verið talinn.
Kjarninn 12. júní 2021
Kári Árnason
Einkareknar forvarnir
Kjarninn 12. júní 2021
AGS býst ekki við að jafnmargir muni ferðast á næstu árum og á árunum fyrir faraldurinn.
Segir hátt vægi ferðaþjónustu og stífa kjarasamningagerð vera áhyggjuefni
Alþjóðagjaldeyrissjóðurinn segir að aukinn sveigjanleiki á vinnumarkaði, til dæmis með því að láta laun fylgja framleiðniþróun í meira mæli, gæti komið í veg fyrir að faraldurinn valdi langtímaskaða í hagkerfinu.
Kjarninn 12. júní 2021
Jón Gnarr
Hugmyndin um Ísland og menn sem giftast náfrænkum sínum
Kjarninn 12. júní 2021
Tæknivarpið
Tæknivarpið
Tæknivarpið – Uppfærslur hjá Apple á öllum stýrikerfum
Kjarninn 12. júní 2021
Ekkert komið fram sem kalli á breytingu á stefnu um hágæða Borgarlínu
Framkvæmdastjóri Betri samgangna svaraði á dögunum erindi sem þrýstihópur sem vill ódýrari Borgarlínu sendi á ýmsa aðila í vor. Í umfjöllun Betri samgangna er meðal annars bent á að það væri dýrast fyrir samfélagið að verja langmestu fé í stofnvegi.
Kjarninn 12. júní 2021
Stefán Ólafsson
Lágtekjuvandi lífeyrisþega
Kjarninn 12. júní 2021
Mona Lisa frímerkjaheimsins og frægasta frímerki Bandaríkjanna saman á uppboði
Á dögunum var mesta fágæti frímerkjaheimsins boðið upp, 165 ára gamalt einstakt frímerki frá Bresku Gvæjana sem seldist á milljarð króna. Á uppboðinu mátti einnig finna þekktasta prentgalla bandarískrar frímerkjasögu – flugvélina Jenny á hvolfi.
Kjarninn 12. júní 2021
Meira úr sama flokkiAðsendar greinar