Nýlega bár­ust fréttir um að tólf aðstoð­ar- og yfir­lög­reglu­þjónar hjá rík­is­lög­reglu­stjóra og einn hjá lög­regl­unni á Suð­ur­nesjum hefðu fengið 50 yfir­vinnu­tíma fellda inn í fasta­laun sín þannig að eft­ir­launin yrðu mun hærri – en líf­eyrir í B-deild LSR er reikn­aður af dag­vinnu­launum ein­göngu. Vita­skuld vilja aðr­ir, óbreytt­ir, lög­reglu­menn fá hið sama en það yrði ekki auð­sótt. Hér er nefni­lega ekki um eðli­lega gjörn­inga að ræða.

Á þessu ári brast öðrum lög­reglu­mönnum loks­ins þol­in­mæðin gagn­vart Har­aldi Johann­essen, þess sem gegnir emb­ætti rík­is­lög­reglu­stjóra. Til hans bera menn ekki lengur opin­ber­lega traust, þótt það hafi vænt­an­lega verið löngu farið áður. 

Lausnin sem dóms­mála­ráð­herra fann til að setja mann­inn á eft­ir­laun er sú að stokka upp í skipu­lag­inu, sam­eina emb­ætti rík­is­lög­reglu­stjóra og lög­regl­unnar á höf­uð­borg­ar­svæð­inu. Ein­hverra hluta vegna er til­lagan líka sú að færa hluta af emb­ætt­inu á Suð­ur­nesjum undir höf­uð­borg­ar­svæðið og fækka í yfir­stjórn.

Ég er ekki í vafa um að til­laga þessi verði til bóta. Við­brögð í emb­ætt­unum sem verða einkum fyrir barð­inu — ef svo má segja — á þessum skipu­lags­breyt­ingum eru hins vegar for­kast­an­leg. Yfir­menn­irnir sem lík­leg­astir eru til að verða settir af ná skyndi­lega og fyr­ir­vara­laust fram breyt­ingum á launa­kjörum sínum þannig að 50 fastir yfir­vinnu­tímar eru settir inn í fasta­laun­in. Það hefur engin áhrif á launin nú, en því meiri á eft­ir­laun­in. Yfir­vinnu­tími reikn­ast sem 1,0385% af mán­að­ar­laun­um.

Þegar þeir fara á eft­ir­laun, sem vænt­an­lega verður fljót­lega (en þó örugg­lega ekki fyrr en eftir 2 ár – því þannig eru regl­urn­ar), fá þeir því um 52% hærri eft­ir­laun en þeir hefðu fengið fyrir breyt­ingu. Og alveg ókeypis – þar sem þeir hafa hingað til aðeins greitt iðgjöld til B-deildar líf­eyr­is­sjóðs opin­berra starfs­manna (LSR) af dag­vinnu­laun­un­um.

Þetta er leyfi­legt, segir dóms­mála­ráð­herra. Það er hins vegar ekk­ert eðli­legt hér á ferð­inni.

Við hin sem árið 1997 völdum á milli þess hvort við vildum vera í A-deild LSR frekar en áfram í B-deild­inni vorum grun­laus um að þau okkar sem standa nærri sið­ferð­is­þreklausum yfir­mönnum gætu á síð­ustu stundu fengið vænt eft­ir­laun hækkuð um 52% án þess að hafa meira fyrir því en eina und­ir­skrift.

„Launa­samn­ing­ar“ þessir sem Har­aldur Johann­es­sen og Ólafur Helgi Kjart­ans­son hafa gert við þrettán und­ir­menn sína eru að mínu mati eins og hvert annað sið­laust sam­særi við­kom­andi lög­reglu­for­ingja um sjálftöku úr opin­berum sjóð­um. Ólík­legt er lögum verði komið yfir 15-­menn­ing­anna. Það er hins vegar lág­marks­krafa að þeir verði allir látnir hætta störfum taf­ar­laust.

Höf­undur hefur greitt 4% af heild­ar­launum til LSR síðan 1997.