Ráð­gjafa­fyr­ir­tæk­ið Cor­eMotif hefur nú tvö ár í röð fram­kvæmt rann­sókn­ina Fjár­fest­ingar í upp­lýs­inga­tækni. Könn­unin var nú gerð meðal 1075 æðstu stjórn­enda fyr­ir­tækja á íslenskum mark­aði og var svar­hlut­fallið 4,83%. Í henni eru við­horf stjórn­enda gagn­vart rekstri kom­andi árs eru könnuð en helsti áherslu­punktur rann­sókn­ar­innar er að varpa ljósi á tengsl milli afkomu­spár fyr­ir­tækja og fjár­fest­ingum í upp­lýs­inga­tækni.

Ánægju­legt er að sjá á nið­ur­stöð­unum að eftir allt sem á undan hefur gengið síð­ast­liðið ár búast um 55% stjórn­enda við tekju­aukn­ingu árið 2020 ­sam­an­borið við 2019. Vænt­ing­arnar eru þó hóf­stillt­ari nú en þær voru fyrir árið 2019 þegar 68% bjugg­ust við tekju­aukn­ingu. Flestir stjórn­endur búast einnig við auknum útgjöldum í upp­lýs­inga­tækni en stærstur hluti áætlar auka útgjöld um allt að 10 pró­sent.

Eva Dögg Þór­is­dóttir ráð­gjafi hjá Cor­eMotif bendir á að þar sem búið sé að fram­kvæma rann­sókn­ina tvisvar megi lesa úr nið­ur­stöð­unum áhuga­verðra fylgni milli afkomu­spár og væntra ­út­gjalda til upp­lýs­inga­tækni. Þannig muni til að mynda bæði í spám fyrir árið 2019 og 2020 um 10 pró­sentu­stigum milli vænt­inga til auk­inna tekna og auknum útgjöldum í upp­lýs­inga­tækni og sama mynstur megi sjá í öðrum svar­flokk­um.

Nið­ur­stöður sýna einnig að fjöldi starfs­manna sem vinna við upp­lýs­inga­tækni muni hald­ast óbreyttur hjá flestum fyr­ir­tækjum en að aukin áhersla verði lögð á þjálfun starfs­fólks. Það helst vel í hendur við það að aðeins 65% stjórn­enda telur fyr­ir­tæki sitt búa yfir allri eða megn­inu af þeirri þekk­ingu sem þarf til þess að klára þau verk­efni far­sæl­lega sem nú eru í gangi eða stendur til að ráð­ast í árið 2020. Þetta bil virð­ast stjórn­endur þó einnig ætla að brúa með verk­tökum og ráð­gjöfum en rúm­lega fjórð­ungur áætlar að nýta sér ráð­gjafa og verk­taka í auknum mæli árið 2020. Upp­lýs­inga­tækni virð­ist því spila stærra hlut­verk í rekstri fyr­ir­tækja með hverju ári og fyr­ir­tæki eru að bregð­ast við því með auk­inni fjár­fest­ingu á ýmsum svið­um.

Þessar nið­ur­stöður und­ir­strika sívax­andi mik­il­vægi upp­lýs­inga­tækni í rekstri fyr­ir­tækja segir Jón Grétar Guð­jóns­son ráð­gjafi hjá Cor­eMotif. Hann bend­ir enn­frem­ur á það að skilin á milli hefð­bund­inna fyr­ir­tækja og upp­lýs­inga­tækni­fyr­ir­tækja séu sífellt að verða óljós­ari, sér­stak­lega nú þegar svo mörg fyr­ir­tæki hafa stigið stór skref í átt að staf­rænni umbreyt­ingu.

Frek­ari nið­ur­stöður og skýrslu um rann­sókn­ina sjálfa má sækja á vef­síð­u Cor­eMotif, www.cor­emotif.com undir hlekkn­um Res­e­arch. Cor­eMotif er ráð­gjafa­fyr­ir­tæki sem sér­hæfir sig í stjórn­enda­ráð­gjöf til stærri fyr­ir­tækja með áherslu á upp­lýs­inga­tækni og nýsköp­un. Fyr­ir­tækið var stofnað árið 2013 og hefur nú starfs­stöðvar bæði í Reykja­vík og Stokk­hólmi.

Höf­undur er búsettur í Stokk­hólmi og er stofn­andi og for­­stjóri ráð­gjafa­­fyr­ir­tæk­is­ins Cor­eMotif ehf.