Góð ráð frá Stúfi 😀 Núvitund yfir hátíðirnar

Svandís Sturludóttir segir að núvitund snúist um að vera opin og vakandi fyrir því sem er að gerast núna, að vera með því sem er að gerast hvert augnablik. Með því að ástunda hana sé hægt að auka hamingju en draga úr streitu og kvíða.

Auglýsing

Aðventan er tími til að njóta en margir finna líka fyrir streitu á þessum tíma. Hér eru nokkrar núvit­aðar aðferðir sem auka vellíðan og draga úr streitu sem þú getur prófað á aðvent­unni.

Núvit­und snýst um að vera opin og vak­andi fyrir því sem er að ger­ast núna, að vera með því sem er að ger­ast hvert augna­blik. Rann­sóknir sýna að ástundun núvit­undar eykur ham­ingju og sam­kennd og dregur úr streitu og kvíða.

  1. Æfðu virka hlust­un. Þegar margir koma saman og skemmta sér getur verið erfitt að ein­beita sér að því sem hver og einn er að segja en reyndu að sýna eft­ir­tekt með því að nota virka hlust­un. Sýndu for­dæmi í sam­skiptum með því að slökkva á sím­anum og virki­lega hlusta á þá sem þú ert að tala við. Taktu eftir því sem þeir segja, hvaða tón þeir nota og hvernig lík­ams­beit­ing þeirra er. Það er alveg ótrú­legt hvað virk hlustun er gef­andi í öllum sam­skiptum og þú verður eflaust hissa á því sem þú átt eftir að upp­götva.
  2. Vertu opinn fyrir til­finn­ingum ann­arra. Með því að vera opinn og mót­tæki­legur fyrir fólk­inu í kringum þig teng­ist þú þeim líka bet­ur. Taktu eftir hvernig fólki líður yfir hátíð­irnar og vertu til­bú­inn til að mæta þeim þar sem þeir eru staddir.
    Auglýsing
  3. Vertu opinn fyrir alls­konar til­finn­ingum hjá sjálfum þér. Hátíð­irnar geta vakið upp alls­konar til­finn­ing­ar- bæði góðar og erf­ið­ar. Hjá mörgum eru hátíð­irnar áminn­ing um missi, sorg og ein­mana­leika. Þú gætir upp­lifað þessar erf­iðu til­finn­ing­ar, sér­stak­lega þegar ást­vinir eru fjar­ver­andi, svo gefðu þeim rými og pláss og við­ur­kenndu þær, en ekki bæla þær nið­ur.
  4. Slepptu taki á gömlum hefðum sem gætu verið að halda aftur af þér. Hátíð­irnar snú­ast um hefðir og minn­ing­ar, en stundum geta gamlar hefðir við­haldið ein­hverri nei­kvæðni. Það er auð­velt að falla í kunn­ug­leg mynst­ur. Kannski ertu pirr­aður út í tengda­for­eldra þína fyrir að segja sömu sög­urnar aftur og aftur eða kvíð­inn í kringum ákveð­inn vinnu­fé­laga sem er í sam­keppni við þig. Taktu eftir þeim til­finn­ingum sem eru að ger­ast núna og sýndu því for­vitni sem er að ger­ast, í stað þess að vera fastur í hugs­unum og til­finn­ingum úr for­tíð­inni. Þetta opnar á mögu­leik­ann um nýja reynslu í sam­skiptum þínum og getur dregið úr til­finn­ingum eins og  p­irr­ing­i og leið­indum hjá þér sjálf­um.
  5. Spurðu þig hvernig þú sýnir umhyggju. Það er til siðs að gefa gjafir á jól­unum og það er bara gaman en það eru margar leiðir til að sýna vænt­um­þykju og umhyggju. Kann­aðu hvernig þú sýnir umhyggju með því að ­spurja ­sjálfan þig spurn­ingar áður en þú kaupir eitt­hvað. Hvað ertu að reyna að koma á fram­færi með gjöf­inni? Eru aðrar leiðir til að sýna þá til­finn­ingu eða umhyggju, eins og að njóta gæða­stunda sam­an, tala beint við við­kom­andi eða gera eitt­hvað gott og styðj­andi fyrir hann?
  6. Slepptu því að dæma — bæði fyrir þig og aðra. Á­grein­ing­ur við fjöl­skyldu og vini yfir hátíð­irnar leiðir oft til sjálfs­gagn­rýni og dóma yfir öðr­um. Hvort sem þú ert pirr­aður út í mak­ann fyrir að hjálpa þér ekki við jóla­und­ir­bún­ing­inn eða von­svik­inn út í sjálfan þig þegar þú horfir til baka á árið sem er að líða, þá skaltu taka eftir því hvernig þú dæmir þig og aðra í kringum þig. Taktu skref til baka og reyndu að losa þig við til­finn­ing­una að þú sért ekki nógu góður eða ófull­nægj­andi á ein­hvern hátt. Taktu eftir því sem er að ger­ast og leyfðu hugs­unum og til­finn­ingum að vera án þess að flækja þær og gefðu þér smá fjar­lægð frá þeim.
  7. Hafðu jafn­vægi á milli „ég ætti“ og „hvað þarf ég á að halda“. Skyldur yfir hátíð­irnar geta verið margar og mik­il­vægar en vertu viss um að hafa jafn­vægi á þeim og þínum eigin þörf­um. Að reyna að þókn­ast öllum í kringum þig leiðir bara til gremju og leið­inda fyrir þig. Frekar en að ein­beita þér ein­göngu að því að ­skipu­leggja hinn full­komna kvöld­mat eða finna hinu full­komnu gjöf, taktu eftir hvernig þessar vænt­ingar hafa áhrif á þig. Vertu viss um að taka þér þann tíma og rými sem þú þarft til að næra sjálfan þig yfir­ há­tíð­irn­ar.
  8. Æfð­u ­sjálfsum­hyggju. Á meðan á hátíð­unum stendur skaltu ekki gleyma að hugsa vel um þig sjálf­an. Pass­aðu að sofa nóg og hreyfa þig reglu­lega. Taktu frá tíma til að slaka á og gera skemmti­lega hluti svo þú getir end­ur­hlaðið batt­er­í­in. Að hugsa vel um sjálfan þig gerir þér kleift að vera meira til staðar fyrir þitt fólk og jóla­and­inn með allri sinni gleði verður ríkj­andi hjá þér.

Höf­undur er MSc í hag­nýtri jákvæðri sál­fræði og MSc í náms- og starfs­ráð­gjöf.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiAðsendar greinar