Síð­ast­liðið haust var fyrsta Nýsköp­un­ar­stefna fyrir Ísland kynnt af Þór­dísi Kol­brúnu Reyk­fjörð Gylfa­dótt­ur, ferða­mála- iðn­að­ar- og nýsköp­un­ar­ráð­herra sem skip­aði stýri­hóp og verk­efn­is­stjórn­ ­fyrir verk­efnið fyrir rétt rúmu ári síð­an. Í stýri­hópnum voru full­­trúar atvinn­u­lífs, háskóla- og vís­inda­­sam­­fé­lags, sprota- og tækn­i­­fyr­ir­tækja og þeirra stjórn­­­mála­­flokka sem eiga sæti á Alþingi og tók innan við ár að mynda stefn­una.

Nú höfum við í fyrsta sinn stefnu til að styðja okkur við sem þjóð. Draum­ur­inn er að fólk, fyr­ir­tæki og stofn­anir geti notað þessa stefnu sem leið­ar­ljós þegar þau skoða með hvaða hætti þau gætu nýtt nýsköp­un, því það er ekki nokkur spurn­ing að við þurfum á nýsköpun að halda á þessum tímum breyt­inga og nýrrar tækni.

Síð­ustu ár hefur fjöldi þeirra sem hefur séð mögu­leik­ana í nýsköpun vaxið tölu­vert. Það hjálpar líka heil­mikið að stjórn­a­sátt­máli nú­ver­andi rík­is­stjórnar inni­heldur mörg mark­mið hvað varðar nýsköp­un. Sam­tök Iðn­að­ar­ins hefur einnig breytt skipu­lagi inn­an­búðar hjá sér þannig að einn af þremur stoðum þeirra er nú hug­verka­geir­inn, fjöl­mörg sprota­fyr­ir­tæki eru að verða til og áfram mætti telja.

MIT há­skól­inn í Boston hefur sett fram nokkuð skýrar leið­bein­ingar fyrir það hvað þurfi til svo að nýsköpun blóm­stri hjá þjóðum og lands­svæð­um. Þeir hafa sett fram svo­kall­að 5 stakehold­er model. Í stuttu máli snú­ast þeirra leið­bein­ingar um mik­il­vægi þess að halda uppi sam­tali á milli fimm hags­muna­að­ila nýsköp­un­ar. Þessir fimm hags­muna­að­ilar sem eru: Rík­is­stjórn, mennta­kerfi, fyr­ir­tæki, fjár­festar og frum­kvöðl­ar.

Í huga sér­fræð­ing­anna í MIT há­skól­anum ger­ist sam­talið um nýsköpun ekki í berg­máls­klefa, allir hags­muna­að­ilar verða að koma að þessu svo vel eigi að vera. Passað var upp á að allir hags­muna­að­il­arnir kæmu að vinn­unni við gerð nýsköp­un­ar­stefn­unnar og er það vel. Nú er stefnan klár, en við verðum að halda sam­tal­inu lif­andi og taka til aðgerða.

Um leið og við grípum til aðgerða og sjáum árangur er mik­il­vægt að við segjum umheim­inum frá okk­ar ­styrk­leik­um hvað varðar nýsköp­un. Styrk­leik­arnir hér­lendis liggja meðal ann­ars í orku­tengdri tækni, heil­brigð­is­tækni, sjáv­ar­út­vegs­tækni, upp­lýs­inga­tækni og listum svo eitt­hvað sé nefnt. Þar eigum við að leggja áherslur og bjóða sér­fræð­ingum heims í dans, án þess að loka á að ann­ars konar nýsköpun verði til og þar með meiri verð­mæta­sköp­un.

Breyta þarf við­horfi margra til nýsköp­un­ar. Nýsköpun er nefni­lega ekki bara eitt­hvað krútt­legt í íslensku atvinnu­lífi. Mar­el, Öss­ur, CCP og Nox ­Med­ical hefðu aldrei orðið til ef ekki væri fyrir nýsköp­un. Öll þessi fyr­ir­tæki, og fjöl­mörg minni fyr­ir­tæki, byggja sína starf­semi að stóru leyti á nýsköp­un­ar­starfi og ljóst er að nýsköp­un­ar­drifin fyr­ir­tæki búa til fjöl­mörg störf og umfangs­miklar útflutn­ings­tekjur — sem skiptir veru­legu máli í stóra sam­heng­inu.

Sið­ferði­leg sjón­ar­mið þurfa einnig að vera í fyr­ir­rúmi þegar sköp­un­ar­kraft­inum er beitt, því ­tækninýj­ung­arn­ar ­sem munu koma fram á næstu árum, á tímum fjórðu iðn­bylt­ing­ar­inn­ar, eru þess eðlis að við þurfum að muna að beita ­gagn­rýnn­i hugsun og tölu­verðri til­finn­inga­greind svo ekki fari illa.

Þór­dís Kol­brún, nýsköp­un­ar­ráð­herra, hefur þegar kynnt fyrstu aðgerð­irnar í þágu nýsköp­unar á Íslandi, aðgerðir sem munu styrkja, hvetja og hlúa að frum­kvöðla­starf­i á Íslandi.

En gleymum ekki að það geta allir verið með í þess­ari veg­ferð. Eins og segir í fyrsta leið­ar­ljósi Nýsköp­un­ar­stefn­unn­ar: Hug­vit ein­stak­linga er mik­il­væg­asta upp­spretta nýsköp­un­ar.

Bolt­inn er kom­inn til okk­ar.