Orðlaus maður með biblíu

Trump veifað biblíunni framan í ljósmyndara í Washington á meðan borgin logaði af mótmælum. Blökkukonan Muriel Bowser, borgarstjóri Washington, hefur nefnt eina af götum miðborgarinnar „Black Lives Matter Plaza“ – Trump til mikillar mæðu.

Auglýsing

Það er sjald­gæft að sjá sitj­andi for­seta Banda­ríkj­anna, Don­ald Trump, verða kjaft­stopp, en það gerð­ist þegar hann tók það sem kalla mætti „bibl­íu­göng­una“ þann 1.júní síð­ast­lið­inn. Þá labb­aði Trump frá Hvíta hús­inu, til lít­illar kirkju í mið­borg Was­hington, St.Johns, til að láta taka mynd af sér, en kirkjan er kölluð „for­seta­kirkj­an“ vegna sögu sinn­ar.

En fyrst hafði óeirð­ar­lög­regla á hest­um, með táras­gasi, flass­bombum og öllum hugs­an­legaum „óeirð­argræj­um“ rutt burtu bæði starfs­mönnum kirkj­unnar og mót­mæl­end­um, sem voru að mót­mæla dráp­inu á George Floyd, en Banda­ríkin hafa und­an­farna daga logað stafn­anna á milli vegna þess.

Enda ekki að undra þar sem svartir í Band­ríkj­unum virð­ast fá sífellt verri með­ferð af hendi yfir­valda, lög­reglu og slíkra aðila. Meðal ann­ars í gegnum tíð morð á svörtum mönnum und­an­farin ár, sem skotnir hafa verið til bana eða drepnir með öðrum hætti af lög­reglu­mönnum í hinum ýmsu borgum lands­ins.

Auglýsing

Kirkju­leik­rit sjón­varps­manns­ins Don­alds Trumps verður að setja í það sam­hengi að í byrjun nóv­em­ber síðar á þessu ári verður kosið til for­seta í Banda­ríkj­unum á milli Trumps og Joe Biden, fram­bjóð­anda Demókra­ta­flokks­ins og Trump þarf sár­lega „hið kristna fylgi“ til þess að vinna.

Fyrir aðeins nokkrum vikum virt­ist útlitið vera Trump veru­lega í hag, blússandi gangur í efn­hags­líf­inu og atvinnu­leysi í lág­marki. Svo kom kór­óna­veiran og Banda­ríkin fóru hrein­lega í klessu. Og eru nán­ast enn í klessu vegna far­ald­urs­ins, en yfir 110.000 manns hafa nú lát­ist þar vegna kóvid19.

En aftur að kirkj­unni. Trump og helstu ráð­herrar (m.a. dóms og varn­ar­mála­ráð­herra), yfir­maður her­ráðs­ins og helstu ráð­gjafar þrömm­uðu að henni, þegar táragas­inu hafði slotað og óhætt var að vera á ferli. Þetta var að loknu ávarpi Trumps til þjóð­ar­innar frá „Rósa­garði“ Hvíta húss­ins.

Og allt í beinni útsend­ingu, enda þegar svona dramat­ískir atburðir ger­ast, þá verður „veisla“ í fjöl­miðlum og gjarnan talað um „gott sjón­varp“ („good TV“), nokkuð sem Trump þekkir vel í gegnum feril sinn, meðal ann­ars í þátt­unum um „Lær­ling­inn“ (The App­rent­ice), sem hann átti og stjórn­aði.

Trump kom ark­andi að kirkj­unni og stillti sér framan hana miðja – leik­sýn­ingin var að ná hámarki. Ivanka, dóttir hans og einn nán­asti ráð­gjafi er sögð hafa rétt honum bibl­í­una. Þarna stóð því Trump með hina heilögu bók í hend­inni, en þetta var allt eins og illa gerður hlutur ein­hver­veg­inn. Því þetta hafði ekk­ert með trú­ar­brögð, kristni eða dálæti Trumps á orði Guðs og bíbl­í­unnar að gera – bara alls ekki neitt. Hér var bara Trump að sýna Trump.

Þög­ull sem gröfin

Enda kom ekki orð úr munni Trumps þar sem hann stóð og veif­aði bibl­í­unni, aldrei slíku vant. Hann stóð bara þarna, þög­ull sem gröfin – maður sem í raun er alltaf með kjaft­inn út á öxl!

Þetta var nefni­lega bara „ljós­mynda­til­felli“ („photo-op“) – sagan segir að Trump sé nú log­andi hræddur um að missa úr ,,kristna fylg­inu“ í kringum hann, sér­stak­lega þeirra sem flokka sig sem „evang­elista“ en einn fræg­asti slíkra í Banda­ríkj­unum var predik­ar­inn Billy Gra­ham (lést 2018). Þarna fyrir framan kirkj­una vildi Trump sýna sig sem „hinn sterka leið­toga“ en kvöldið áður var hann færður af örygg­is­á­stæðum í neð­an­jarð­ar­byrgið í Hvíta hús­inu, vegna mót­mæl­anna. Talið er að það hafi hann litið sem veik­leika­merki og því viljað snúa hlut­unum sér í hag.

Hvíta húsið víg­girt

For­set­inn sjálf­ur, „leið­togi hins frjálsa heims“ – Don­ald Trump, hafði sem sagt engin skila­boð til handa lýðnum þar sem hann stóð með bók­ina góðu í hendi sér. Hefði hand­ritið verið betur skrif­að, hefði hann að sjálf­sögðu lesið nokkur vel valin orð, en hann klikk­aði alger­lega á því.

Að hans mati hefur senni­lega myndin eins og sér átt að duga. „Frels­ar­inn“ með bíbl­í­una. Þetta „bibl­íu­at­riði“ tók því ekki langan tíma og síðan var þram­mað aftur að Hvíta hús­inu, sem nú er búið að víg­girða með um 3ja metra hárri girð­ingu allt um kring. Það er því orðið eins­konar „kreml“ (virki).

En súr­r­eal­ískt var þetta, þetta absúrd leik­rit, þar sem for­seti Banda­ríkj­anna þótt­ist vera „bibl­íu­mað­ur“ – maður trú­ar­inn­ar. Nokkuð sem hann hefur sjaldan eða aldrei verið talin vera, fyrr en hann þurfti á því að halda í kosn­inga­bar­áttuni árið 2016. Þá hitti hann valda­mikla, kristna trú­ar­leið­toga á fundi í New York, þar sem repúblík­an­inn Mike Hucka­bee stjórn­aði fund­in­um. Hann er fyrrum fylk­is­stjóri Arkansas og faðir fyrrum fjöl­miðla­full­trúa Trumps, Söru Hucka­bee.

Hyl­dýpið

Í frétt NPR sagði fá því að mark­mið fund­ar­ins hafi verið að trú­ar­leið­tog­arnir vildu hitta mann­inn sem átti að þeirra sögn „að bjarga Banda­ríkj­unum úr hyl­dýp­in­u“, vænt­an­lega frá „hinum vonda“ Barack Obama, sem Trump á sínum tíma sak­aði um að vera ekki Banda­ríkja­mað­ur.

Því ef þú vilt verða for­seti, þá er það nán­ast nauð­syn­legt að vera með þennan hóp fólks með þér, hina kristnu, sér­stak­lega fyrir repúblík­ana. Meðal hinna kristnu eru líka mestu íhalds­menn­irnir og þessum hópi fylgja gjarnan miklir pen­ing­ar.

Nú má kannski segja að ákveðið hyl­dýpi sé milli Trumps og (að minnsta kosti) hluta banda­rísku þjóð­ar­inn­ar, sér í lagi svartra. Skila­boð Trumps eftir morðið á blökku­mann­inum George Floyd hafa ein­göngu verið á einn veg; meiri harka, meiri vald­beit­ing, já, jafn­vel raun­veru­legir her­menn á göt­urn­ar, nokkuð sem aðeins örsjaldan hefur gerst í sögu Banda­ríkj­anna.

Trump hefur enga til­raun gert til þess að lægja öld­urnar og eða dempa ástand­ið. Engin til­raun til sátta, mála­miðl­ana eða álíka, bara harkan sex og leik­sýn­ing­ar. Það er hörku­tólið Don­ald Trump sem Don­ald Trump vill að heims­byggðin sjái.

Höf­undur er stjórn­mála­fræð­ing­ur.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Eldgosið í Meradölum er mikið sjónarspil, en nú bannað börnum yngri en 12 ára.
Umboðsmaður Alþingis vill fá skýringar frá lögreglustjóra á barnabanninu við eldgosið
Umboðsmaður Alþingis hefur sent bréf á lögreglustjórann á Suðurnesjum með ósk um útskýringar á umdeildu banni við umferð barna yngri en 12 ára upp að gosstöðvunum í Meradölum. Lögreglustjóri hefur sagt ákvörðunina reista á ákvæðum almannavarnarlaga.
Kjarninn 11. ágúst 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Ekki allur munurinn á að kaupa af bankanum eða byggja jafn dýrt hinu megin við götuna
Fjármála- og efnahagsráðherra segir að þegar upp sé staðið þá haldi hann að nýjar höfuðstöðvar Landsbankans, á dýrasta stað í borginni, muni vel geta staðið undir sér. Hann sjái þó ekki neina rökbundna nauðsyn á því að höfuðstöðvar bankans rísi þar.
Kjarninn 11. ágúst 2022
Meira úr sama flokkiAðsendar greinar