Neyðaraðstoð til þeirra best settu!

Stefán Ólafsson spyr hvers vegna sé verið að lækka skatta á vel stætt efnafólk sem hefur aukið eignir sínar stórlega á síðustu árum.

Auglýsing

Þó stjórn­völd hafi gert sumt ágæt­lega til að bregð­ast við krepp­unni sem Kóvid hefur orsakað þá vekur annað furð­u. 

Þannig eru stjórn­völd nú að áforma umtals­verða lækkun fjár­magnstekju­skatts, sem einkum nýt­ist efna­fólki. Þau eru einnig að stór­auka skatt­frelsi hagn­aðar vegna nýt­ingar kaup­réttar á hluta­bréf­um, sem einkum gagn­ast æðstu stjórn­endum í einka­fyr­ir­tækj­um. Einnig er verið að létta skatt­byrði af þeim sem safna sparn­aði á gjald­eyr­is­reikn­ing­um, en þeir koma flestir úr sömu hóp­um. Þetta eru skatta­lækk­anir upp á hátt í 2 millj­arða króna á ári.

Loks hafa stjórn­völd þegar lækkað veiði­gjöld til útvegs­manna, sem hafa stór­aukið eignir sínar á liðnum árum (um hátt í 500 millj­arða frá 2010). Þær lækk­anir nema um 6,5 millj­örðum frá 2018.

Er þetta fólkið sem hefur orðið fyrir mestum áföllum vegna Kóvid-krepp­unn­ar? Nei, þarna er verið að lækka skatta á þá sem almennt standa best í sam­fé­lag­inu, hvað eignir og tekjur varð­ar. 

Árið 2019 juk­ust hreinar eignir rík­asta 0,1 pró­sents­ins um heila 22 millj­arða – 22 þús­und millj­ónir (sjá grein Kjarn­ans um það hér). 

Auglýsing
Þessi fámenni hópur átti um síð­ustu ára­mót 282,2 millj­arða króna í skuld­lausar eignir og hann mun nú njóta góðs af þessum nýju skatta­lækk­un­um. 

Maður hefði haldið að stjórn­völd teldu sig hafa nóg við að vera í að verja þá sem hafa orðið fyrir mesta tjón­inu af völdum krepp­unn­ar, en það eru einkum fólkið sem hefur misst vinn­una.

Atvinnu­lausir þurfa skatta­lækkun – en ekki þeir rík­ustu

Alls voru 20.906 ein­stak­lingar atvinnu­lausir í almenna bóta­kerf­inu í lok nóv­em­ber­mán­aðar og 5.448 í minnk­aða starfs­hlut­fall­inu, eða sam­tals 26.354 manns. Hátt í 10.000 manns hafa verið atvinnu­lausir í 6 mán­uði eða meira og þurfa nú að stóla á flatar atvinnu­leys­is­bæt­ur. 

Það fólk fær nú 289.500 krónur á mán­uði og greiðir tæpar 43.000 krónur af því í tekju­skatt. Eftir standa um 235.000 krónur til fram­færslu (eftir frá­drátt skatts og líf­eyr­is­ið­gjalda). Það er vel undir fram­færslu­kostn­aði.

Hvers vegna er verið að skatt­leggja sann­kall­aða neyð­ar­að­stoð til atvinnu­lausra, þegar flatar atvinnu­leys­is­bætur eru vel undir fram­færslu­kostn­aði?

Hvers vegna er verið að lækka skatta á vel stætt efna­fólk sem hefur aukið eignir sínar stór­lega á síð­ustu árum? Þurfa þau neyð­ar­að­stoð?

Kostn­að­ur­inn við lækkun fjár­magnstekna einna færi langt með að greiða fyrir fulla nið­ur­fell­ingu tekju­skatts af flötum atvinnu­leys­is­bótum næstu 6 mán­uð­ina. Ef stjórn­völd hefðu sleppt því að lækka veiði­gjöld hefði mátt nota það fé bæði til að greiða fyrir meiri hækkun flatra atvinnu­leys­is­bóta og fullt skatt­frelsi þeirra allt næsta árið. Pælið í því!

Stjórn­völd eru greini­lega með ranga for­gangs­röð­un. Þau eiga að hjálpa þeim sem á þurfa að halda – en ekki þeim sem best eru sett­ir.

Höf­undur er pró­fessor við HÍ og sér­fræð­ingur í hluta­starfi hjá Efl­ingu – stétt­ar­fé­lagi.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Á meðal þeirra sakborninga sem setið hafa á bak við lás og slá í Nambíu frá því undir lok árs 2019 er Bernhard Esau, fyrrverandi sjávarútvegsráðherra landsins.
Tvö mál orðin að einu í Namibíu
Í nýju ákæruskjali í sameinuðu sakamáli vegna Fishrot-skandalsins í Namibíu eru engir Íslendingar á meðal sakborninga, en alls eru 10 manns og 18 félög sökuð um margvísleg brot í tengslum við kvótaviðskipti Samherja í landinu.
Kjarninn 26. október 2021
Þjóðhættir
Þjóðhættir
Þjóðhættir – Gamla höfnin í Reykjavík, örverur, kombucha og súrdeig
Kjarninn 26. október 2021
Gagnrýnir aðstöðuleysi fyrir ungmenni í Laugardalnum
Borgarfulltrúi Sjálfstæðisflokksins segir að ungmenni í Laugardal þurfi alvöru aðstöðu til íþróttaiðkunar „ekki fleiri vinnuhópa eða góðar hugmyndir á blaði“.
Kjarninn 26. október 2021
Stefán Jón Hafstein sendifulltrúi með orðið á veffundinum í dag.
Ísland lýsir yfir vilja til að halda áfram að styðja við úttekt FAO
Sendifulltrúi Íslands lýsti því yfir á veffundi Alþjóðamatvælastofnunarinnar (FAO) að Ísland vildi halda áfram að styðja við framkvæmd rannsóknarverkefnis sem lýtur að viðskiptaháttum útgerða í þróunarlöndum.
Kjarninn 25. október 2021
Rósa Bjarnadóttir
Enn eitt stefnulaust ár
Kjarninn 25. október 2021
Skortur er á steypu í landinu þessa stundina, samkvæmt framkvæmdastjóra Sementsverksmiðjunnar.
Sementsskortur á landinu
Hrávöruskortur í Evrópu hefur leitt til þess að innflutningur á sementi hefur dregist mikið saman á síðustu vikum. Framkvæmdastjóri Sementsverksmiðjunnar segir að það sé áskorun fyrir fyrirtækið að standa við skuldbindingarnar sínar.
Kjarninn 25. október 2021
Aðalsteinn Kjartansson, blaðamaður á Stundinni, og Árni Guðmundsson, framkvæmdastjóri Gildis.
Framkvæmdastjóri Gildis neitar að mæta á fund um Init-málið
Framkvæmdastjóri Gildis hafði áður fallist á boð um að koma á fund Eflingar um Init-málið en samkvæmt stéttarfélaginu dró hann það til baka þegar honum var tilkynnt að Aðalsteinn Kjartansson blaðamaður yrði fundarstjóri.
Kjarninn 25. október 2021
Samtal við samfélagið
Samtal við samfélagið
Samtal við samfélagið – Staða ungs fólks á Íslandi
Kjarninn 25. október 2021
Meira úr sama flokkiAðsendar greinar