Ætlum við að gefa frá okkur Ísland?

Guðmundur Ragnarsson frambjóðandi Viðreisnar skorar á kjósendur um að kjósa viðspyrnu og breytingar í sjávarútvegsmálum.

Auglýsing

Nú þegar aðeins nokkrir dagar eru til alþing­is­kosn­inga ætlar hand­höfum veiði­heim­ild­anna í sjáv­ar­auð­lind­inni og þeim stjórn­mála­öfl­unum sem tryggt hafa þeim arð­inn af henni, að takast ætl­un­ar­verk sitt líkt og áður, að halda umræð­unni um breytt fyr­ir­komu­lag niðri fyrir kosn­ing­ar.

Þá er til­gang­inum náð og þeir munu einir sitja áfram að nýt­ingu sjáv­ar­auð­lind­ar­inn­ar. Á kjör­dag er staður og stund til að láta skoðun sína í ljós og hafna núver­andi fyr­ir­komu­lagi með því að greiða þessum stjórn­mála­öflum ekki atkvæði. Breyt­ingar verði gerðar þannig að eðli­legur afrakstur fari til eig­and­ans (þjóð­ar­inn­ar) en ekki allur til þeirra sem hafa nýt­ing­ar­rétt­inn.

Mér er fyr­ir­munað að skilja hvaða hvatir liggja að baki hjá þeim stjórn­mála­öflum sem byggðu upp þetta kerfi og vilja við­halda því án breyt­inga. Sér­stak­lega með til­liti til þeirra spennu sem núver­andi fyr­ir­komu­lag veldur í sam­fé­lag­inu. Það að ekki hafi verið meiri­hluti á Alþingi til að tryggja var­an­legan eigna­rétt þjóð­ar­innar á auð­lindum sínum og sjá til þess að nýt­inga­rétt­ur­inn verði í tíma­bundum samn­ingum ætti að nægja til að kjós­endur færu að skoða stöð­una og hafna þessum öflum sem ekki vilja gera þessar breyt­ingar fyrir þjóð­ina.

Auglýsing

Því ef kjós­endur ætla að kjósa þessa flokka áfram mun sú mikla umræða sem er í gangi um allan auð­inn sem hand­hafar veiði­heim­ild­anna eru að fá til sín halda áfram og ekk­ert breyt­ist.

Við verðum að spyrja okkur fyrir hvern eru þau að vinna. Sér­hags­muna­hópnum er sama um allt röflið meðan þeir sitja einir að kök­unni og fitna.

Viljum við svona sam­fé­lag?

Þær miklu breyt­ingar sem hafa orðið á eign­ar­haldi fyr­ir­tækja í atvinnu­líf­inu munu halda áfram að öllu óbreyttu og eru að verða flestum sýni­leg­ar. Við­reisn með stuðn­ingi ann­arra þing­manna kall­aði eftir skýrslu um fjár­fest­ingar sjáv­ar­út­vegs­fyr­ir­tækja í íslensku atvinnu­lífi ótengdu sjáv­ar­út­vegi.

Sjáv­ar­út­vegs- og land­bún­að­ar­ráð­herra sýndi ótrú­legan hroka með því að snúa út úr fyr­ir­spurn­inni og tryggði það að þessar upp­lýs­ingar kæmu ekki fyrir sjónir almenn­ings.

Með því var opin­berað að ráð­herra í rík­is­stjórn Íslands var til­bú­inn að hunsa vilja þings­ins og taka hags­muni sér­hags­muna­hóps fram yfir hags­muni almenn­ings. Staðan er orðin svo alvar­leg að þessi hópur er að leggja undir sig íslenskt atvinnu­líf. Hann munu nýta auð­inn af sjáv­ar­auð­lind­inni okkar til að kaupa upp annan atvinnu­rekstur í land­inu. Í raun mun hann kaupa upp Ísland með sama áfram­haldi. Er þetta virki­lega sam­fé­lag sem við vilj­um? Að nokkur sjáv­ar­út­vegs­fyr­ir­tæki og fjöl­skyldur eigi allt atvinnu­líf í land­inu og við hin vinnum hjá þeim.

Störfum hjá fyr­ir­tækj­unum þeirra, verslum mat í búð­unum þeirra, vörur sem fluttar eru til lands­ins með flutn­inga­fyr­ir­tækj­unum þeirra, tryggjum hjá trygg­inga­fé­lög­unum þeirra og förum jafn­vel í sum­ar­frí með ferða­skrif­stof­unni þeirra. Þegar þeir verða búnir að kaupa allt sem þeir geta, munu þeir fá stjórn­mála­öflin sín til að breyta lögum svo þeir geti keypt upp orku­fyr­ir­tækin og aðra inn­viði. Þá munum við hvorki versla vör­ur, þjón­ustu né greiða orku­reikn­ing­ana okkar nema þeir fái sinn hlut af þessum útgjöldum okk­ar.

Til að koma þessum sam­fé­lags­breyt­ingum í gegn fjár­magnar sami sér­hags­muna­hópur heilan fjöl­mið­il, til að halda í krón­una og berj­ast á móti því að við förum í aðild­ar­við­ræður við Evr­ópu­sam­bandið og þjóðin fái að sjá og kjósa um samn­ing­inn. Þannig ætla þeir að tryggja fákeppn­ina og sjá til þess að engin utan­að­kom­andi sam­keppni verði, til að tryggja hámarks hagnað þeirra af eign­inni sinni Íslandi. Þetta er á manna­máli kallað að eiga Ísland með öllum þeim hlunn­indum sem því fylgja eins og Dana­kon­ungur forð­um.

Stöðvum þessa þróun

Ég skora á kjós­endur að átta sig á stöð­unni og hugsa vel sinn gang varð­andi það að kjósa stjórn­mála­flokka sem hafa staðið hafa vörð um þessar þjóð­fé­lags­breyt­ingar og stuðlað að þeim.

Við verðum að stöðva þessa þróun og kjósa við­spyrnu og breyt­ingar ann­ars verður þetta eins og ég lýsti hér að fram­an. Viljum við svona Ísland?

Í kosn­inga­bar­átt­unni hefur verið mikil umræða um ham­faravá í umhverf­is­málum og Við­reisn sett umhverf­is­málin á odd­inn sem for­gangs­mál fyrir okkur og kom­andi kyn­slóð­ir. Hvernig sam­fé­lagið ætlum við að afhenda kom­andi kyn­slóð­um, ég kalla þetta sam­fé­lags­vá.

Hvernig sjáið þið lýð­ræðið virka í sam­fé­lagi þar sem fámenn klíka og nokkrar fjöl­skyldur eiga allt?

Stoppum þessa þróun og kjósum Við­reisn.

Höf­undur er í 4. sæti á lista Við­reisnar í Reykja­vík­ur­kjör­dæmi norð­ur.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jair Bolsonaro hefur verið forseti Braslilíu frá árinu 2019.
Bolsonaro ásakaður um glæpi gegn mannkyni vegna viðbragða sinna við COVID-19
Rekja má dauða um 300 þúsund Brasilíumanna til stefnu forsetans í faraldrinum. Ríkisstjórnin hunsaði yfir 100 tölvupósta frá Pfizer, leyfði veirunni að breiðast út meðal frumbyggja og forsetinn hvatti til fjöldasamkoma er sjúkrahúsin voru að fyllast.
Kjarninn 20. október 2021
Heilt yfir myndi stöðugildum presta fækka um 10,7, samkvæmt þeirri tillögu sem liggur fyrir kirkjuþingi.
Lagt til að prestum landsbyggðar verði fækkað í hagræðingaraðgerðum
Í hagræðingartillögum sem liggja fyrir kirkjuþingi er gengið út frá því að prestum á landsbyggðinni fækki um tíu, en að stöðugildum fjölgi hins vegar um 3,5 í prestaköllum á höfuðborgarsvæðinu.
Kjarninn 20. október 2021
Hrafn Magnússon
Slæmur viðsnúningur í lífeyriskerfinu
Kjarninn 20. október 2021
Í austurvegi
Í austurvegi
Í austurvegi – Aukin samskipti Íslands við Kína: Skjól eða gildra?
Kjarninn 20. október 2021
Nýtt deiliskipulag fyrir reitinn í Sigtúni var samþykkt árið 2015. Síðan þá hefur ekkert hreyfst á svæðinu.
Vonast til að uppbygging á Blómavalsreit geti hafist snemma á næsta ári
Framkvæmdastjóri Íslandshótela vonast til þess að hægt verði að hefjast handa við uppbyggingu á svokölluðum Blómavalsreit bak við Grand Hótel snemma á næsta ári. Þar stendur til að byggja 109 íbúðir í sex fjölbýlishúsum, auk viðbyggingar við hótelið.
Kjarninn 20. október 2021
Allir stóru bankarnir búnir að hækka íbúðalánavexti og heimilin borga meira
Rúmlega helmingur allra sem eru með íbúðalán á Íslandi eru með óverðtryggð lán. Stór hluti þeirra lána er á breytilegum vöxtum og afborganir þeirra hafa hækkað í takti við stýrivaxtahækkanir Seðlabankans undanfarna mánuði.
Kjarninn 20. október 2021
Myndir af kjörgögnum sem starfsmaður Hótels Borgarness birti á Instagram.
Fólk gekk inn og út úr talningarsal á meðan yfirkjörstjórn „brá sér frá“
Á öryggismyndavélum, sem vakta tvo innganga þar sem kjörgögn Norðvesturkjördæmis voru varðveitt í sal í Hótel Borgarnesi, sést hótelstarfsfólk ganga inn og út frá klukkan 7:30 til 11:46 sunnudagsmorguninn 26. september.
Kjarninn 20. október 2021
Kolbeinn Marteinsson
Af hverju skipulag skiptir máli
Kjarninn 20. október 2021
Meira úr sama flokkiAðsendar greinar