Þann 17. sept­em­ber sl. var Nas­daq First North mark­að­ur­inn á Íslandi sam­þykktur af Fjár­mála­eft­ir­liti Seðla­bank­ans sem Vaxt­ar­mark­aður lít­illa og með­al­stórra fyr­ir­tækja (e. SME Growth Market), sem er ný teg­und af mark­aðs­torgi sem kom til sög­unnar með MiFID II Evr­ópu­reglu­verk­inu. Nas­daq First North hefur í sjálfu sér alltaf verið vaxt­ar­mark­að­ur, í þeim skiln­ingi að til­gangur mark­að­ar­ins hefur verið að liðka fyrir fjár­mögnun vaxt­ar­fyr­ir­tækja, en nú fyrst hefur hann hlotið þennan stimpil hér á land­i. 

Án þess að fara mikið út í tækni­leg smá­at­riði þá hefur Evr­ópu­sam­bandið verið að stíga skref í þá átt að gera skrán­ingu á almenn­ings­mark­aði (e. public markets) meira aðlað­andi fyrir lítil og með­al­stór fyr­ir­tæki, með vísan til þeirra jákvæðu áhrifa sem fylgja því að fleiri vaxt­ar­fyr­ir­tæki noti hluta­bréfa­mark­aði til að sækja sér fjár­magn. Þessu á að ná fram með að sníða reglu­verkið betur að þörfum slíkra fyr­ir­tækja og draga úr ýmissi skrif­finnsku, án þess að það komi niður á fjár­festa­vernd. 

Vaxt­ar­mark­aðir eru ein varða á þeirri veg­ferð. Áhrifin koma helst fram á tveimur víg­stöðv­um. Ann­ars vegar í inn­herja­reglu­verk­inu og hins vegar þegar kemur að svoköll­uðum lýs­ing­um, en lýs­ingar eru skjöl sem fyr­ir­tæki geta þurft að birta vegna almenns útboðs eða við skrán­ingu á markað – og geta verið mjög umfangs­mik­il. 

Í inn­herja­reglu­verk­inu snýr málið að inn­herj­a­list­um, en minni form­kröfur eru gerðar til slíkra lista hjá fyr­ir­tækjum á vaxt­ar­mark­aði. Þegar kemur að lýs­ingum opn­ast mögu­leiki fyrir lítil og með­al­stór félög á Nas­daq First North að gefa út svo­kall­aða vaxt­ar­lýs­ingu vegna útboða, þar sem gerðar eru minni kröfur um efni og for­m. 

Eins er þeim gert kleift að nýta sér ein­fald­ara form lýs­ingar ef þau kjósa síðar að óska eftir flutn­ingi yfir á Aðal­mark­að, en það er nokkuð algengt að fyr­ir­tæki vilji nýta sér Nas­daq First North mark­að­inn til að vaxa og „út­skrif­ast“ svo upp á Aðal­mark­að. Iceland Seafood International og Kvika banki eru góð inn­lend dæmi um þetta.

Annað mik­il­vægt atriði snýr að reglu­gerð um Kríu – sprota- og nýsköp­un­ar­sjóð. Kría er sjóður á vegum stjórn­valda sem fjár­festir í sér­hæfðum fjár­fest­ing­ar­sjóð­um, svoköll­uðum vís­i­sjóðum (e. venture capi­tal funds), sem sjálfir fjár­festa í nýskap­andi sprota­fyr­ir­tækj­um. Í dag má vís­i­sjóður sem hefur fengið fjár­fest­ingu frá Kríu ekki fjár­festa í fyr­ir­tæki sem er skráð á venju­legt mark­aðs­torg fjár­mála­gern­inga  á þeim tíma sem fyrsta fjár­fest­ing við­kom­andi vís­i­sjóðs í fyr­ir­tæk­inu er gerð. 

Þessi tak­mörkun kemur beint úr Evr­ópu­reglu­gerð um vís­i­sjóði. Umræddri Evr­ópu­reglu­gerð var aftur á móti breytt á sínum tíma og opnað á fjár­fest­ingar slíkra sjóða í litlum og með­al­stórum fyr­ir­tækjum sem eru skráð á vaxt­ar­mark­að. Umrædd breyt­ing var ekki bara við­ur­kenn­ing á mik­il­vægi vaxt­ar­mark­aða í fjár­mögn­un­ar­um­hverfi sprota­fyr­ir­tækja heldur einnig til marks um að það sé í reynd eðli­legt og æski­legt að vís­i­sjóðir fjár­festi einnig í fyr­ir­tækjum sem eru skráð á slíka mark­að­i. 

Nú þegar vaxt­ar­mark­aðs­hug­takið hefur verið inn­leitt í íslensk lög og Nas­daq First North hlotið við­ur­kenn­ingu sem slíkur stendur til að breyta reglu­gerð um Kríu til sam­ræmis við Evr­ópu­reglu­gerð­ina. 

Nýlegar skrán­ingar Fly Play og Solid Clouds á Nas­daq First North sýna að spenn­andi vaxt­ar­fyr­ir­tæki geta átt fullt erindi inn á mark­að. Við­ur­kenn­ing Nas­daq First North sem Vaxt­ar­mark­aður lít­illa og með­al­stórra fyr­ir­tækja er jákvætt skref í átt að betra fjár­mögn­un­ar­um­hverfi fyrir slík fyr­ir­tæki og við erum full­viss um að þetta geri mark­að­inn að enn betri vett­vangi fyrir lítil og með­al­stór fyr­ir­tæki að afla fjár­magns og vaxa.

Höf­undur er fram­kvæmda­stjóri sölu- og við­skipta­tengsla hjá Nas­daq Iceland.