Uppvakningar

Úlfar Þormóðsson skrifar um hræðslu þriggja opinberra launamanna sem hann segir ekki aðeins vera að blekkja okkur þegar þau tala um nauðsyn herverndar, heldur séu þau að búa til falsfrétt, ljúga.

Auglýsing

Úlfar Þor­móðs­son skrifar um hræðslu þriggja opin­berra launa­manna sem hann segir ekki aðeins vera að blekkja okkur þegar þau tala um nauð­syn her­vernd­ar, heldur séu þau að búa til fals­frétt, ljúga.

„Það sem þau voru að biðja mig um var að ég reyndi að hunskast til að fara loks­ins að finna upp á ein­hverjum lygum sem pössuðu við þeirra hug­myndir um heim­inn.” (Juan Pablo Villa­lobos, Ef við værum á venju­legum stað, bls. 105, Angústúra 2021.)

23.06.´22, tæpum sól­ar­hring eftir að ég horfði á 2. þátt BBC um Lífið í Írak, lífið eftir inn­rás Nató undir fána Banda­ríkj­anna í landið árið 2003, og sá aug­ljósa sam­svörun við hrotta­skap Rússa og yfir­gang í Úkra­ínu, las ég eft­ir­far­andi í Morg­un­blað­inu

Auglýsing

End­ur­vekja ung­liða­hreyf­ingu 

Fyrsti opni fund­ur ný­­stofn­aðrar ung­liða­nefnd­ar Varð­bergs, sam­­taka um vest­ræna sam­vinnu og alþjóða­mál, verður hald­inn í Há­­skól­an­um í Reykja­vík í dag. Fund­­ur­inn ber yf­ir­­skrift­ina Staða varn­­ar- og ör­ygg­is­­mála á Íslandi og hefst klukk­an 17.

Ekki hef­ur verið starf­andi ung­liða­hreyf­­ing inn­­an fé­lags­ins frá því að Varð­berg og Sam­tök um vest­ræna sam­vinnu sam­ein­uð­ust árið 2010 en áður var starf­andi ung­liða­hreyf­­ing inn­­an Varð­bergs.

Auk­inn áhugi

Frá því að stríð braust út í Evr­­ópu hef­ur áhugi ungs fólks á varn­­ar­­mál­um, ekki síst varn­­ar­­mál­um Íslands, auk­ist um­tals­vert. Þetta lýsti sér til að mynda í góðri þátt­­töku ungra í NATO-­skóla Varð­bergs sem hald­inn var í fyrsta sinn í lang­an tíma í vet­­ur.

Til að bregð­ast við aukn­um áhuga hef­ur ung­liða­nefnd inn­­an Varð­bergs hafið virk störf og und­ir­­búið stofn­un ung­liða­hreyf­­ing­ar fé­lags­ins.

Á fund­in­um mun Geir Ove Øby, fasta­­full­­trúi Íslands í Atl­ants­hafs­banda­lag­inu, halda fram­­sög­u­er­indi um við­brögð banda­lags­ins við inn­­rás Rússa í Úkra­ínu og setja í sam­hengi við varn­­ar­­mál á Íslandi.

Í pall­­borði verða, auk Geirs, Bald­ur Þór­halls­­son, Björn Bjarna­­son og Þor­­gerður Katrín Gunn­­ar­s­dótt­­ir.

Þarna eru engin smá­menni á ferð; tveir fyrr­ver­andi ráð­herrar og einn starf­andi pró­fessor við Háskóla Íslands; þrír opin­berir launa­menn.

Fund­ur­inn 

Klukku­tíma eða svo eftir að fund­inum lauk mátti lesa á mbl.is:

„Ís­lend­ing­ar verða að láta af tepru­­skap í umræð­unni um varn­­ar- og ör­ygg­is­­mál hér á landi. Heims­­mynd­in er að breyt­­ast og við því verður að bregð­ast. Ef um­­mæli for­­sæt­is­ráð­herra Eist­lands reyn­­ast sönn, um að það taki allt að þrjá mán­uði fyr­ir Atl­ants­hafs­­banda­lag­ið  (NATO) að bregð­ast við inn­­rás í Eystra­salts­­rík­ið, þurfa Íslend­ing­ar að fara að íhuga stöðu sína sem smá­ríki með ekk­ert varn­­ar­lið. Mik­il­vægt er að skoða varn­­ar­­samn­inga og hefja sam­­töl, m.a. við Evr­­ópu­­sam­­bandið eða Banda­­rík­­in, um aukið varn­­ar­­sam­­starf.

Þetta kom fram í máli Þor­­gerðar Katrín­ar Gunn­­ar­s­dótt­­ur, for­­manns Við­reisn­­­ar, í pall­­borði á fundi ung­liða­nefnd­ar Varð­bergs, Staða varn­­ar- og ör­ygg­is­­mála á Íslandi, sem fór fram í Há­­skól­an­um í Reykja­vík fyrr í dag.  …

All­ir við pall­­borðið voru sam­­mála um mik­il­vægi þess að gera út­­tekt á varn­­ar- og ör­ygg­is­­mál­um á Íslandi. Þá töldu þau varn­­ar­­mál al­­mennt hafa verið van­­rækt hér á landi.

Norð­ur­­­floti Rússa sá öfl­­ug­­asti

Björn sagði að því hefði rang­­lega verið haldið fram að stríðið í Úkra­ínu myndi ekki snerta ör­ygg­is­­mál í Norður Atl­ants­hafi. 

Sagði hann Ísland þurfa að hafa í huga að ef land­her Vla­dimírs Pútíns Rús­s­lands­­for­­seta færi illa út úr stríð­inu – líkt og stefn­ir í núna – þá ætti for­­set­inn flot­ann sinn eft­ir og af hon­um er Norð­ur­­­flot­inn sá öfl­­ug­­asti. Gæti Pútín gripið til hans til að sýna hern­að­ar­mátt Rússa. 

Að sögn Björns er ekk­ert sem seg­ir hvað við eig­um að gera þegar vegið er að ytra ör­yggi þjóð­ar­­inn­ar og er þörf á úr­­bót­um í þeim efn­­um. Hann var þó ekki sam­­mála Þor­­gerði Katrínu um að skyn­­sam­­legt væri að leita til ESB upp á varn­­ar­­sam­­starf.

Aukið um­­svif við Ísland áhyggju­efni

Aukið um­­svif rús­s­­neska flot­ans í kring­um Ísland er áhyggju­efni, sagði Bald­ur Þór­halls­­son. Þá sagði hann enn meira áhyggju­efni að ráða­menn í Kreml væru óút­­­reikn­an­­legri en áður og að ekki væri hægt að vera með kenn­ing­ar um þeirra næstu skref, líkt og á tím­um Sov­ét­­ríkj­anna. Mög­u­­lega gæti steðjað hætta að sæ­­strengn­­um.

Að sögn Bald­­urs er Ísland eina NATO-­ríkið sem ekki er með lítið varn­­ar­lið sem get­ur gripið til og var­ist óvina­­sveit á meðan stærri sveit kem­ur til lands­ins. Al­var­­legt er ef nokkr­ir mán­uðir líði hjá áður en NATO komi til aðstoð­ar.”

Já, pró­fess­or, bara svona lítið og sætt „varn­ar­lið”!

Hræddi Björn

Björn Bjarna­son fyrr­ver­andi hitt og þetta hefur verið hræddur við komm­ún­ista allt sitt líf að því er virð­ist. Og nú er hann hræddur við Rússa þótt þeir séu ekki kommar leng­ur. Sjá­iði til dæmis þetta, sem hann skrifar í blogg­inu sínu, bjorn.is, nú í morgun 24.06.´22:

„Eina sem stöðvar Pútin er her­vald og fæl­ing­ar­máttur þess sem hann kann að ágirn­ast. Vegna þess hve hann er óút­reikn­an­legur verða allir nágrannar hans að gæta sín, líka við sem erum úti í Norð­ur­-Atl­ants­hafi. Rúss­neski Norð­ur­flot­inn kann að verða hald­reipi Pút­ins vilji hann sýna mátt sinn.”

Á tímum Sov­ét­ríkj­anna var því haldið fram að mikil ógn staf­aði af her­skipa­flota Rússa. Í blaða­grein eftir grein, leið­urum eftir leið­ara í „frjálsum” fjöl­miðl­um, í ræðum „sjálf­stæð­is­manna” margra flokka var þessu haldið fram. Svo féllu Sov­ét­ríkin saman og þá kom í ljós að hinn „öflugi” her­skipa­floti þeirra var sam­safn af ryð­kláf­um, tæp­lega sjó­fær­um.

Drauga­bragð

Í „varn­ar”­þrí­eyk­inu er tveir fyrr­ver­andi mennta­mála­ráð­herrar og einn starf­andi háskóla­pró­fess­or. Því skyldi eng­inn ætla að þau Þor­gerð­ur, Björn og Baldur viti ekki að litla sæta her­stöðin sem þau vilja fá vekur áhuga her­vædds óvinar á land­inu. Ef við ættum óvin. Hún gæti hvatt hann til þess að eyða henni með her­valdi. Þetta er þekkt og hefur við­geng­ist í árþús­und­ir. 

Þau þrjú eru ekki aðeins að blekkja okkur þegar þau tala um nauð­syn her­vernd­ar, þau eru að skrökva, búa til fals­frétt, ljúga. Af hverju þau gera það er ekki auð­velt að sjá, en vert að velta því fyrir sér hvort það sé eitt­hvað meira en hræðsla við eigin skrök­sögur sem veldur ótta þeirra, hvort það sé und­ir­lægju­háttur við her­veldi, smá­sál­ar­skap­ur, von um hagnað af hermangi eða bara sér­stakt og óleyfi­legt glímu­bragð, drauga­bragð, sem beitt er með­vit­að. Ekk­ert veit ég en mig grunar margt.

Hitt er ljóst að þrí­eykið á sjö­tugs- og átt­ræð­is­aldri hefur hvatt ung­lið­ana „sína” til þess að reyna að hunskast til að fara loks­ins að finna upp á ein­hverjum lygum sem passa við þeirra hug­myndir um heim­inn.

Höf­undur er rit­höf­und­ur.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Meghan og Harry kynntust á Instagram. Hljómar kannski ekki eins og ævintýri, enda hafa þau sagt skilið við slík, að minnsta kosti konungleg ævintýri.
Sannleikur Harrys og Meghan – frá þeirra eigin sjónarhorni
Harry og Meghan fundu sig knúin til að segja „sinn eigin sannleika“ af samskiptum þeirra við konungsfjölskylduna og ákvörðun þeirra að segja skilið við allar konunglega skyldur. Sannleikurinn er nú aðgengilegur á Netflix en sitt sýnist hverjum.
Kjarninn 9. desember 2022
Ingrid Kuhlman
Sjö tegundir hvíldar
Kjarninn 9. desember 2022
Tillaga Andrésar Inga Jónsson, þingmanns Pírata, um að fresta umræðu um breytingu á lögum um útlendinga fram yfir áramót var felld við upphaf þingfundar. Stjórnarandstaðan sakar meirihlutann um að setja fjölda mála í uppnám með þessu.
Segja stjórnarmeirihlutann stilla öryrkjum upp á móti útlendingum
Tillaga þingmanns Pírata um að taka af dagskrá frumvarp um alþjóðlega vernd var felld á Alþingi. Stjórnarandstöðuþingmenn segja það fáránlegt að afgreiða eigi frumvarpið áður en eingreiðsla til öryrkja verði tekin fyrir á þingi.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Ekki upplýst formlega en leitað til hennar „í krafti vináttu og persónulegra tengsla“
Forsætisráðherra segir að hún hafi ekki verið upplýst formlega um að ráðherra hafi sýnt af sér vanvirðandi framkomu. Þegar leitað sé til hennar sem trúnaðarvinar sé um persónuleg málefni að ræða sem kalli ekki á að hún setji þau í farveg stjórnsýslumála.
Kjarninn 9. desember 2022
Hægt er að horfa á sjónvarp með ýmsum hætti.
Myndlyklum í útleigu fækkað um 25 þúsund á fimm árum
Þeim sem leigja myndlykla fyrir nokkur þúsund krónur á mánuði af fjarskiptafyrirtækjum til að horfa á sjónvarp hefur fækkað um tíu þúsund á einu ári. Fleiri og fleiri kjósa að horfa á sjónvarp í gegnum app.
Kjarninn 9. desember 2022
Hér sést annar mannanna vera leiddur inn í héraðsdóm eftir handtöku í september.
Búið að birta ákæru gegn tveimur mönnum fyrir að skipuleggja hryðjuverk
Í september voru tveir menn handteknir grunaðir um að hafa ætlað að fremja hryðjuverk á Íslandi. Þeir eru taldir hafa ætlað að ráðast að Alþingi og nafngreindum stjórnmálamönnum. Búið er að birta lögmönnum þeirra ákæru.
Kjarninn 9. desember 2022
Litla-Sandfell stendur um 95 metra upp úr Leitahrauni í Þrengslunum.
Náma í Litla-Sandfelli veldur „miklum neikvæðum umhverfisáhrifum“
Skipulagsstofnun telur Eden Mining vanmeta umhverfisáhrif námu í Litla-Sandfelli. Að fjarlægja fjall velti upp þeirri hugmynd „hvort verið sé að opna á þá framtíðarsýn að íslenskar jarðmyndanir verði í stórfelldum mæli fluttar út til sementsframleiðslu“.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Fullyrt að stjórnvöld hafi breytt reglugerð til að aðstoða Pussy Riot eftir beiðni Ragnars
Mikil leynd hefur ríkt yfir því hverjir hafa fengið útgefin sérstök íslensk vegabréf á grundvelli reglugerðarbreytingar sem undirrituð var í vor. Nú er fullyrt að hennii hafi verið breytt eftir að Ragnar Kjartansson leitaði til Katrínar Jakobsdóttur.
Kjarninn 9. desember 2022
Meira úr sama flokkiAðsendar greinar