Viðhorfskönnun Gallup – Trúmál

Árni Jensson skrifar um könnun Gallup um trúmál og segir að kjósi fólk hægri flokka þá kjósi það stjórnmálaflokka sem séu mest andvígir áhrifum trúarbragða Islam á íslenska menningu.

Auglýsing

Nú eru 20 liðin ár frá árás Al Qaeda á World Trade Cent­er. Þessi árás mark­aði upp­haf stríðs gegn hryðju­verkum - stríðs gegn öfga­sam­tökum Islamskrar hug­mynda­fræði. Mér er þessi glæpur í fersku minni enda fylgd­ist ég með far­þega­flug­vél­unum lenda á tví­bura­t­urn­unum í beinni útsend­ingu - eins og nán­ast heims­byggðin öll. Mér er það einnig minnistætt hvað fór í gegnum huga minn í kjöl­far­ið. Að nú myndu Banda­ríkin stíga í gildru öfga­sam­tak­anna og bregð­ast við með umfangs­miklum hern­að­ar­að­gerðum og inn­rásum í stað þess aug­ljósa – að elta uppi þá ein­stak­linga sem að þessum hryðju­verkum stóðu og draga til ábyrgð­ar. Banda­ríkin höfðu sann­ar­lega getu til að finna alla þá sem tengd­ust skipu­lagn­ingu hryðju­verk­anna ef vilji hefði verið fyrir hendi að fara þá leið. En slíkt var ekki gert fyrr en seint og um síð­ir. Síðan hefur heims­byggðin mátt fylgj­ast með hörmu­legum afleið­ingum styrj­alda í Írak, Afganistan, Sýr­landi og Líbýu. Styrj­öldum sem var ætlað að upp­ræta öfga­sam­tök sem sækja kenn­ingar sínar í hug­mynda­fræði sem dreifir sér nú hraðar en nokkru sinni fyrr um heims­byggð­ina. Styrj­öldum sem í raun áorka litlu meira en að valda tjóni á þjóð­fé­lags­kerfum og fólki á sama tíma og rót vand­ans, öfga­túlkun hug­mynda­fræð­inn­ar, fær­ist í auk­ana.

Hver er afstaða Íslend­inga til Islam?

Auglýsing
Gallup var falið að vinna könnun grund­vall­aða á hlut­lausri aðferða­fræði um við­horf Íslend­inga til trú­mála og útbreiðslu Islam. Könn­unin fór fram 27. ágúst – 6. sept­em­ber 2021. Úrtakið var 1624 manns af öllu land­inu, 18 ára og eldri, handa­hófs­valdir úr við­horfa­hópi Gallup. Nið­ur­staða þess­arar könn­unar varpar ljósi á mik­il­vægi henn­ar.

Vert er að taka fram, að svar­endur í Gallup könn­un­inni eru Íslend­ingar á öllum aldri og af mis­jöfnum trú­ar­brögð­um, þ.m.t. Kristni og Islam - en einnig þeir sem aðhyll­ast enga trú. Svörin end­ur­spegla því við­horf Íslend­inga, óháð upp­runa, kyni, stöðu, stjórn­mála­skoð­un, efna­hag, menntun eða trú.

Spurt var:

Hversu hlynnt(­ur) eða and­vígur ertu útbreiðslu Islam­trúar á heims­vísu?

Spurning 4.

Hvað kaustu í alþing­is­kosn­ing­unum 28. októ­ber 2017?

Spurning 4.

Hversu hlynnt(­ur) eða and­vígur ertu útbreiðslu Islam­trúar á Íslandi?

Spurning 6.

Hvað kaustu í alþing­is­kosn­ing­unum 28. októ­ber 2017?

Spurning 6.

Nið­ur­staðan er afger­andi. Mik­ill meiri­hluti svar­enda er and­vígur Islam og lít­ill minni­hluti er hlynntur Islam. Við­horf milli and­vígra og hlynntra er nán­ast tífald­ur. 

Hvað veld­ur? Eru menn­ing­ar­heimar trú­ar­bragð­anna, Kristni og Islam svo ólíkir að þeir geti ekki aðlagast? 

Snúa við­horf Íslend­inga í könn­un­inni um vernd og tryggð við Kristna trú? Um verndun tján­ing­ar­frels­is­ins? Um verndun lýð­ræð­is­ins? Um verndun á rétt­indum kvenna og virð­ingu fyrir þeim? Um verndun á rétt­indum stúlkna til jafns drengja? Um verndun á litlum drengjum gagn­vart umskurn? Um verndun rétt­inda hinsegin fólks? Um verndun dýra? Um varúð gegn póli­tískum og rétt­ar­fars­legum áhrifum sharia laga gegn um trú­ar­brögð?

Hver er reynsla ann­arra þjóða?

Hér er mörgum spurn­ingum ósvarað og þess vegna mik­il­vægt að almenn­ingur og stjórn­mála­fólk hafi kjark til að taka þátt í opinni for­dóma­lausri umræðu um mál­efni sem þjóðin hefur jafn sterka skoðun á. Til þess var könn­unin gerð og um þetta snýst lýð­ræðið og tján­ing­ar­frels­ið. 

Ef til vill hefur þessi afger­andi nið­ur­staða hér heima eitt­hvað með sögu okkar og menn­ingu að gera. En íslensk þjóð tók frið­sam­lega upp kristna trú fyrir rúm­lega þús­und árum síðan og hefur því verið kristin frá land­námi eða því sem næst. Kristni er því sam­ofin þeirri þjóð­fé­lags­gerð sem við búum við í dag og flestu fólki líkar við.

Þegar heims­byggðin horfir til þeirra sam­fé­laga sem til fyr­ir­myndar telj­ast í lífs­kjörum, s.s. tekju­jöfn­uði, rétt­ar­kerfi, rétt­indum hinsegin fólks, jafn­rétti kvenna og karla, rétt­indum stúlkna og drengja, vel­ferð dýra, jöfnum aðgangi að heil­brigð­is­þjón­ustu og mennt­un, tján­ing­ar­frelsi og lýð­ræði, er gjarnan bent á Norð­ur­löndin sem fyr­ir­myndir ann­ara þjóð­ríkja.  Af hverju? Hvað er það sem ein­kennir þessar þjóð­ir? Jú, þessar þjóðir grund­valla þjóð­fé­lags­skipan sína á friði og mann­helgi – setja heilsu og vel­ferð ein­stak­linga og fjöl­skyldna í for­grunn. Það er því ekki til­viljun að Norð­ur­löndin öll; Ísland, Nor­eg­ur, Sví­þjóð, Dan­mörk og Finn­land und­ir­striki menn­ing­ar­legar rætur sínar með því að heiðra tákn kristn­inn­ar, sjálfan kross­inn í þjóð­fánum sín­um.

Mynd 1.

Nú skal árétt­að, að könnun þessi hefur ekk­ert með við­horf Íslend­inga til inn­flytj­enda eða flótta­manna af ýmsum trúa­brögðum að gera, heldur við­horf til hug­mynda­fræði trú­ar­bragða og menn­ing­ar­legra áhrifa þeirra. Könn­unin leggur heldur ekk­ert mat á afstöðu höf­und­ar, né hvor menn­ing­ar­heim­ur­inn er betri eða síð­ri; núver­andi menn­ing Íslend­inga eða Islam. Heldur hvorn menn­ing­ar­heim­inn Íslend­ingar kjósa sem sinn, eða öllu heldur EKKI sem sinn.

Í aðdrag­anda kosn­ing­anna 25. Sept­em­ber 2021

Lýð­ræði byggir á frjálsu vali almenn­ings til mál­efna gegnum stjórn­mála­flokka á fjög­urra ára fresti. Þegar skoðað er við­horf almenn­ings til þessa til­tekna mál­efnis með til­vísun í stjórn­mála­skoð­an­ir, má draga þá ályktun að val­kostir kjós­enda séu nokkuð skýr­ir: Kjósi fólk vinstri flokk­ana; Sam­fylk­ingu, VG, eða Við­reisn (ekki vinstri flokk­ur), mun það kjósa flokka sem eru MINNST and­vígir áhrifum trú­ar­bragða Islam á íslenska menn­ing­u. 

En kjósi fólk hægri flokka; Sjálf­stæð­is­flokk (xD) og miðju­flokk­ana; Fram­sókn og Mið­flokk ásamt Flokk fólks­ins, mun fólk kjósa stjórn­mála­flokka sem eru MEST AND­VÍGIR áhrifum trú­ar­bragða Islam á íslenska menn­ingu.

Höf­und­ur, (sem kost­aði könnun þessa), er óflokks­bund­inn áhuga­maður um tján­ing­ar­frelsi, virkt lýð­ræði, Kristna trú og betra líf svo fátt eitt sé nefnt.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Eggert Gunnþór Jónsson er hér til vinstri í leik gegn Hvíta-Rússlandi á Evrópumóti U-21 landsliða árið 2011.
Eggert Gunnþór segist saklaus
Knattspyrnumaðurinn Eggert Gunnþór Jónsson hafnar ásökunum um kynferðisbrot í Kaupmannahöfn árið 2010 og segist fullkomlega saklaus.
Kjarninn 22. október 2021
Ingrid Kuhlman
Munurinn á dánaraðstoð og sjálfsvígi er mikill
Kjarninn 22. október 2021
Sérfræðingar frá Syndis og Advania hafa tekið þátt í að skoða málið undanfarna daga.
Hætta á að tölvuþrjótar hafi komist yfir tölvupósta frá starfsmönnum HR
Rektor HR tilkynnti starfsfólki skólans það eftir hádegi í dag að möguleiki væri á því að tölvupóstar, jafnvel ár aftur í tímann, væru í höndum tölvuþrjóta. Ekki er þó ljóst hvort svo sé eða ekki, eða hvort afleiðingar af því verði einhverjar.
Kjarninn 22. október 2021
Ari Trausti Guðmundsson
Rafmagnað Grænland og Ísland?
Kjarninn 22. október 2021
Biður hagsmunasamtök að tjá sig ekki um verðhækkanir
Samkeppniseftirlitið brýnir fyrir forsvarsmönnum hagsmunasamtaka að taka ekki þátt í umfjöllunum um hækkandi vöruverð, þar sem samtökin eiga að fara gætilega þegar kemur að umræðu sem hefur áhrif á verðlagningu fyrirtækja.
Kjarninn 22. október 2021
Saga Japans
Saga Japans
Saga Japans – 44. þáttur: Drukkni sjóguninn
Kjarninn 22. október 2021
Samherji hf. er á lista yfir framúrskarandi fyrirtæki og raunar einnig Samherji Ísland ehf. og fleiri dótturfélög Samherja. Hins vegar er Samherji Holding ehf. ekki á lista, líklega þar sem félagið hefur ekki enn skilað ársreikningi fyrir árið 2019.
Bæði Samherji og Init ofarlega á listum yfir „framúrskarandi fyrirtæki“ ársins
Alls eru 878 fyrirtæki á lista CreditInfo yfir Framúrskarandi fyrirtæki árið 2021. Sum þeirra sem skipa efstu sætin á listum hafa verið til umfjöllunar undanfarin misseri fyrir hátterni sem erfitt er að tengja við það að skara fram úr.
Kjarninn 22. október 2021
Hallgrímskirkja
„Við eigum sögu sem við þurfum heldur betur að læra af“
Sam­skipta­stjóri Bisk­ups­stofu segir að það sé skylda kirkj­unnar að læra af sögu hennar er varðar við­brögð við kyn­ferð­is­legri áreitni og ofbeldi. Ein formleg ásökun hefur borist á borð Biskupsstofu frá því Agnes M. Sigurðar­dóttir tók við embætti.
Kjarninn 22. október 2021
Meira úr sama flokkiAðsendar greinar