Í kviðum Hómers má lesa um Tróju­hest­inn. Grikkir sátu um borg­ina Tróju og brugðu á það ráð að smíða risa­stóran hest, holan að inn­an. Hest þennan drógu þeir með leynd að borg­ar­hliðum Tróju og földu sig inni í hon­um. Granda­lausir Tróju­menn drógu hest­inn inn fyrir borg­ar­múr­ana. Í skjóli nætur fóru grísku her­menn­irnir úr hest­in­um, opn­uðu borg­ar­hliðin og lögðu undir sig borg­ina. Síðan er hug­takið Tróju­hestur notað um hverskyns beit­ingu svik­semi eða fag­ur­gala til að leyna raun­veru­legum áformum sín­um.

Flokk­ur­inn Við­reisn er slíkur Tróju­hestur nýfrjáls­hyggju. Stuðn­ingur við nokkur áhuga­mál jafn­að­ar­manna gerir Við­reisn ekki að jafn­að­ar­mönn­um.

Auk hefð­bund­innar vel­ferð­ar­stefnu sem jafn­að­ar­menn fyrri tíðar eiga allan heiður af eru fjöl­mörg mál sem á síð­ari árum hafa kom­ist á dag­skrá að frum­kvæði jafn­að­ar­manna. Þar á meðal má nefna Evr­ópu­mál­in, gjald­mið­ils­mál­in, krafan um fullt gjald fyrir afnot af auð­lind­um, krafan um jafnt vægi atkvæða, krafan um nýja stjórn­ar­skrá og fleira mætti telja,. Hægri mönnum hefur sjálf­sagt ekki lit­ist á blik­una þegar ljóst var að þessi mál féllu í góðan jarð­veg. Var því brugðið á það ráð að skipta Sjálf­stæð­is­flokknum upp í tvo flokka og tók annar þeirra upp nokkur vin­sæl stefnu­mál jafn­að­ar­manna og smíð­uðu úr þeim sinn Tróju­hest. Að baki honum biðu helstu áhuga­mál nýfrjáls­hyggj­unn­ar, einka­væð­ing og einka­fram­kvæmd opin­berrar þjón­ustu, arð­væð­ing þjón­ust­unnar á kostnað vel­ferð­ar­kerf­is­ins. Það virð­ist nóg eft­ir­spurn einka­að­ila eftir að ger­ast sníkju­dýr á vel­ferð­ar­kerf­inu.

For­svars­menn Við­reisnar hafa gerst svo ósvífnir – eða fákunn­andi – að halda því fram að arð­væð­ing heil­brigð­is­þjón­ustu hafi eitt­hvað að gera með stefnu sænskra jafn­að­ar­manna. Svo er að sjálf­sögðu ekki enda and­stætt jafn­að­ar­stefnu eins og ungur hag­fræð­ingur og sér­fræð­ingur í nor­rænum vel­ferð­ar­kerfum hefur sýnt ræki­lega fram á í grein í Vísi.

Sú einka­væð­ing sem átt hefur sér stað í Sví­þjóð hefur öll verið að frum­kvæði hægri flokk­anna. Þar eru aug­ljós víti til að var­ast.

Áhugi frjáls­hyggju­manna á gróða­bralli á kostnað hins opin­bera er ekki ein­skorðað við heil­brigð­is­kerf­ið. Annar girni­legur biti er svokölluð einka­fram­kvæmd, bygg­ing­ar­fram­kvæmdir þar sem einka­að­ili byggir en ríkið leigir hús­næðið til langs tíma þannig að leigj­and­inn mjólkar ríkið um fé langt umfram bygg­ing­ar­kostn­að. Dæmi um slíkt eru vænt­an­legt hús­næði Skatts­ins í boði for­manns Sjálf­stæð­is­flokks og bygg­ing Haf­rann­sókna­stofn­unar í Hafn­ar­firði í boði núver­andi for­manns Við­reisn­ar. Menn þekkja spill­ingu þegar þeir sjá hana.

Jafn­að­ar­menn hljóta að hafna arð­væð­ing­ar­hug­myndum Við­reisn­ar. Þær sýna svart á hvítu að í Tróju­hest­inum leyn­ist her manna til­bú­inn að svíkja þjóð­ina í hendur frjáls­hyggj­unn­ar.

Höf­undur er pró­fessor emeritus og jafn­að­ar­mað­ur.