Um 70.900 erlendir ferða­menn fóru frá land­inu í des­em­ber síð­ast­liðnum sam­kvæmt taln­ingum Ferða­mála­stofu í Flug­stöð Leifs Eiríks­sonar eða 17.100 fleiri en í des­em­ber 2014. 

Aukn­ingin nemur 31,9 pró­sent milli ára. Þetta kemur fram í frétta­til­kynn­ingu frá Ferða­mála­stofu.

Fjöldi erlendra ferða­manna um Kefla­vík­ur­flug­völl var því um 1.262.000 á árinu 2015. Gera má ráð fyrr að töl­urnar nái til um 97 pró­sent ferða­manna sem hingað komu, sam­kvæmt til­kynn­ing­unni. Ótaldir eru þeir sem komu um aðra milli­landa­flug­velli, far­þegar Nor­rænu og skemmti­ferða­skipa, en heild­ar­upp­gjör fyrir árið mun liggja fyrir síðar í mán­uð­in­um.

Þegar ein­staka mán­uðir eru skoð­aðir sét, að mesta fjölg­unin er utan sum­ar­mán­aða. Mesta fjölg­unin milli ára var í októ­ber, en 49,3 pró­sent fleiri ferða­menn fóru um Kefla­vík­ur­flug­völl í þeim mán­uði í fyrra en árið á und­an.

Heilt yfir var fjölg­unin eft­ir­far­andi, skipt niður á mán­uði:

• 34,5% í jan­úar

• 34,4% í febr­úar

• 26,8% í mars

• 20,9% í apríl

• 36,4% í maí

• 24,2% í júní

• 25,0% í júlí

• 23,4% í ágúst

• 39,4% í sept­em­ber

• 49,3% í októ­ber

• 34,1% í nóv­em­ber

• 31,9% í des­em­ber

Bretar og Banda­ríkja­menn 51,5% ferða­manna

Um 76 pró­sent ferða­manna í des­em­ber síð­ast­liðnum voru af tíu þjóð­ern­um, að því er segir í frétta­til­kynn­ing­unni. Bretar voru lang­fjöl­menn­astir eða 34,3% af heild­ar­fjölda og næst­fjöl­menn­astir voru Banda­ríkja­menn (17,2%). Þar á eftir fylgdu Kín­verjar (6,8%), Pól­verjar (3,8%), Þjóð­verjar (2,9%), Jap­anir (2,5%), Danir (2,3%), Frakkar (2,3%), Norð­menn (2,0%) og Kanada­menn (2,0%).

Af ein­staka þjóð­ernum fjölg­aði Bret­um, Banda­ríkja­mönnum og Kín­verjum mest milli ára í des­em­ber en 6.700 fleiri Bretar komu í des­em­ber í ár en í fyrra, um 5.400 fleiri Banda­ríkja­menn og um 1.900 fleiri Kín­verj­ar. Þessar þrjár þjóðir báru uppi 81,9% aukn­ingu ferða­manna í des­em­ber.

Fjöldi ferða­manna í des­em­ber á tíma­bil­inu 2002-2015

Ferða­mönnum í des­em­ber hefur fjölgað veru­lega frá því Ferða­mála­stofa hóf taln­ingar á Kefla­vík­ur­flug­velli árið 2002 og þá einkum síð­ast­liðin fjögur ár. Þannig hefur heild­ar­fjöldi ferða­manna í des­em­ber­mán­uði meira en þre­fald­ast frá árinu 2011 og munar þá mestu um aukn­ingu Breta sem hafa meira en fimm­faldast, N-Am­er­ík­ana sem hafa meira en fjór­fald­ast og þeirra sem flokk­ast undir ,,önnur þjóð­erni“ sem hafa nærri fjór­fald­ast. Ferða­menn frá Mið- og S-Evr­ópu hafa á sama tíma tvö­fald­ast en Norð­ur­landa­búum hefur ein­ungis fjölgað lít­ils­hátt­ar.

Tæp­lega 1,3 milljón á árinu

Á árinu 2015 fóru tæp­lega 1,3 millj­ónir erlendra ferða­manna frá land­inu um Kefla­vík­ur­flug­völl eða um 292.700 fleiri en á árinu 2014. Um er að ræða 30,2% aukn­ingu milli ára. Veru­leg aukn­ing hefur verið frá flestum mörk­uðum nema Norð­ur­lönd­unum sem hafa staðið í stað. Aukn­ingin hefur verið 51,6% frá N-Am­er­íku, 33,5% frá Bret­landi, 19,6% frá Mið- og S-Evr­ópu og 41,7% frá öðrum löndum sem ekki eru talin sér­stak­lega og flokk­ast undir ,,ann­að“.

Ferðir Íslend­inga utan

Um 32.900 Íslend­ingar fóru utan í des­em­ber síð­ast­liðnum eða um 4.800 fleiri en í des­em­ber árið 2014. Á árinu 2015 fóru um 450.300 Íslend­ingar utan eða um 50.300 fleiri en á árinu 2014. Aðeins einu sinni áður hafa ferðir Íslend­inga utan verið fleiri á einu ári en það var árið 2007.