Icelandair hríðfellur við opnun markað eftir fréttir af slysi og WOW air

Flugslys í Eþíópíu og tíðindi af WOW air eru bæði þættir sem gætu haft þau áhrif að gengi bréfa í Icelandair hríðféllu við opnun markaða í morgun.

icelandair_737MAX_big2.jpg
Auglýsing

Hluta­bréf í Icelandair Group hafa lækkað um 9,42 pró­sent í virði það sem af er degi. Tvennt gerð­ist um helg­ina sem er lík­legt til að vera áhrifa­valdur á gengi bréfa í félag­inu. Ann­ars vegna hrap­aði Boeing 737 MAX 8 vél í Eþíópu um helg­una með þeim afleið­ingum að 157 fór­ust. Þetta er í annað sinn á skömmum tíma sem vél af þess­ari teg­und hefur farist, en sams­konar vél fórst í Jakarta í fyrra­haust.

Icelandair á þrjár MAX 8 vélar og á von á fleirum í nán­ustu fram­tíð. Kín­versk loft­ferð­ar­yf­ir­völd hafa gripið til þess ráðs að kyrr­setja allar vélar af MAX 8 gerð sem kín­versk flug­fé­lög um ótil­tekin tíma, eða þar til að ástæður slysanna tveggja liggja fyr­ir. Cayman Air­lines hefur tekið sömu afstöðu varð­andi vélar af MAX 8 gerð­inni sem það félag á. Icelandair ætlar hins vegar ekki að kyrr­setja sínar vél­ar. 

Auglýsing
Haft er eftir Jens Þórð­ar­syni, fram­kvæmda­stjóra rekstr­ar­sviðs hjá Icelanda­ir, í Frétta­blað­inu í dag að ótíma­bært sé að tengja slysin tvö saman og að enn sem komið er sé engin ástæða til að ótt­ast MAX 8 vél­arn­ar.  

WOW air í önd­un­ar­vél, en á lífi

Hin tíð­indin sem urðu um helg­ina og snerta Icelandair snú­ast um fjár­hags­lega end­ur­skipu­lagn­ingu sam­keppn­is­að­il­ans WOW air. Á laug­ar­dag sendi WOW air frá sér til­kynn­ingu til skulda­bréfa­eig­enda sinna um nýja skil­mála sem Indigo Partners hefur farið fram á að þeir sam­þykki til að aðkoma þeirra að WOW air geti gengið eft­ir.

Indigo hefur hug á að fjár­festa allt að 90 millj­ónir dala, um ell­efu millj­arða króna, í WOW air en for­svars­menn Indigo vilja að eig­endur skulda­bréfa­flokks, sem var gef­inn út í sept­em­ber í fyrra sam­þykki marg­þættar breyt­ingar á skil­málum hans sem feli í sér að end­­­ur­heimt­ur þeirra verða bundn­ar rekstr­­­ar­frammi­­stöðu fyr­ir­tæk­is­ins á næstu árum. Þannig geti end­­­ur­heimt­ur þeirra orðið 50 til 100 pró­­sent af upp­­­haf­­­legu virði bréf­anna. Jafn­­framt er óskað eftir því að vextir skulda­bréf­anna verði lækk­­aðir úr 9 pró­­sent í 7 pró­­sent. Auk þess verði lengt í skulda­bréf­un­um, í stað þriggja ára eins og upp­­­haf­­­lega var lagt upp með er nú miðað við að bréf­in end­­­ur­greið­ist nú á fimm árum. Farið er fram á að ábyrgðir tengdar skulda­bréf­unum verði felld niður auk þess að skulda­bréfin verði afskráð. Breyt­ingar sem skulda­bréfa­eig­end­­urnir höfðu áður sam­­þykkt runnu úr gildi um síð­­­ustu mán­aða­­mót. Sam­­­kvæmt hinum nýju skil­­málum gæti hlut­ur Skúla Mog­en­sen, stofn­anda og eina eig­anda WOW air, orðið á bil­inu 0 til 100 pró­­sent allt eft­ir því hvernig fé­lag­inu reiðir af á kom­andi árum. Fjár­­­­­fest­ing Indigo mun fela í sér, að hann eign­ist hluta­bréf í fé­lag­inu en veiti því einnig lán með breytirétti sem síð­­­ari geti orðið stofn að hluta­fé í fé­lag­inu.

Enn frem­ur kveðið á í til­­kynn­ing­unni að víkj­andi lán sem fjár­­­­­fest­ing­­­ar­­­fé­lag Skúla Mog­en­sen, Tít­an, veitti WOW air og stefnt var að yrði end­­­ur­greitt verði af­­­skrif­að. Fjár­­­hæð láns­ins sem nú er af­­­skrifað nam 6 millj­­­ón­um doll­­­ara, jafn­­­v­irði tæp­­­lega 730 millj­­­óna króna.

Auglýsing
Viðmælendur Kjarn­ans á mark­aði telja að til­kynn­ingin gefi til­efni til meiri bjart­sýni um að það tak­ist að bjarga WOW air. Miklar sögu­sagnir voru á floti í síð­ustu viku um að Indigo Partners væri farið frá samn­inga­borð­inu í kjöl­far þess að frestur til að ná nið­ur­stöðu í samn­ings­við­ræðum við skulda­bréfa­eig­endur var fram­lengdur í mánuð 28. febr­úar síð­ast­lið­inn og út spurð­ist að WOW air hefði leitað til Icelandair eftir því að end­ur­vekja við­ræður um kaup þess síð­ar­nefnda á WOW air. Þá fór ekki fram­hjá neinum að WOW air átti í vand­ræðum með að greiða út laun um síð­ustu mán­að­ar­mót og er í van­skilum með greiðslu á fram­lagi iðgjalda til líf­eyr­is­sjóða. 

Skulda­bréfa­eig­endur eiga enn eftir að sam­þykkja hina breyttu skil­mála, en stærstur þeirra er banda­ríska eigna­stýr­ing­ar­fyr­ir­tækið Eaton Vance. Skúli Mog­en­sen keypti auk þess hluta bréf­anna sjálfur og það gerðu sjóðir í stýr­ingu hjá GAMMA líka. Valdi­mar Ármann, for­stjóri GAMMA, sagði í við­tali við RÚV i gær að nýju skil­mál­arnir væru ákveðin von­brigði en að nið­ur­staðan væri þó skárri en hann hafði ótt­ast.

Miklar sveiflur í gengi yfir lengri tíma

Sveiflur á gengi bréfa í Icelandair hafa verið tíðar und­an­farin miss­eri. Ástæðan fyrir miklum sveiflum á gengi bréfa félags­­ins á und­an­­förnum mán­uðum má að miklu leyti rekja til tíð­inda af WOW air og rekstr­ar­erf­ið­leikum Icelanda­ir, sem gaf út afkomu­við­var­anir á síð­asta ári þegar ljóst var að áætl­anir voru ekki að fara að stand­ast.

Mark­aðsvirði Icelandair hrundi til að mynda niður um 16 pró­sent eftir að upp­gjör félags­ins var birt snemma í febr­ú­ar, en félagið tap­aði alls 6,7 millj­örðum króna á síð­asta ári. Eigið fé Icelandair var 56,5 millj­arðar króna í lok síð­asta árs en mark­aðsvirði félags­ins við opnum mark­aða í dag var ein­ungis 39,8 millj­arðar króna. Gera má ráð fyrir því að um tæp­lega fjórir millj­arðar króna hafi skaf­ast af virð­inu það sem af er degi.

Mark­aðsvirði Icelandair fór yfir 180 millj­arða króna í apríl 2016 og því hefur virði félags­ins dreg­ist saman um rúm­lega 140 millj­arða króna á tæp­lega þremur árum.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Halldór Benjamín Þorbergsson er framkvæmdastjóri Samtaka atvinnulífsins.
Samtök atvinnulífsins segja ekki upp kjarasamningum
Eftir að stjórnvöld kynntu 25 milljarða króna aðgerðarpakka í morgun ákvað framkvæmdastjórn Samtaka atvinnulífsins að atkvæðagreiðsla um Lífskjarasamninginn myndi ekki fara fram. Kjarasamningar gilda því áfram.
Kjarninn 29. september 2020
Vísindamennirnir telja að enn eigi töluverður fjöldi eftir að greinast með COVID-19 í þessari bylgju faraldursins.
Reikna með 800-1.650 smitum í þriðju bylgjunni
Í þriðju bylgju faraldurs COVID-19, sem hófst 11. september, hafa 506 greinst með sjúkdóminn. Vísindamenn við Háskóla Íslands spá því að næstu daga haldi áfram að greinast 20-40 ný smit á dag.
Kjarninn 29. september 2020
Rúmlega þrjátíu Íslendingar hafa greinst með veiruna í landamæraskimun
Af þeim 119 sem greindust með COVID-19 í landamæraskimun frá 15. júní til 18. september voru 32 með íslenskt ríkisfang, 23 frá Póllandi og 13 frá Rúmeníu og færri frá 23 ríkjum til viðbótar.
Kjarninn 29. september 2020
Drífa Snædal er forseti ASÍ.
ASÍ mótmælir lækkun á tryggingagjaldi – Efling segir opinberu fé ausið til efnafólks
ASÍ mótmælir fyrirhugaðri lækkun á tryggingagjaldi og segir að það sé „nánast eini skatturinn sem fyrirtæki greiða“. Sambandið vill að ríkisstjórnin gefi vilyrði um hækkun atvinnuleysisbóta samhliða því að nýjum aðgerðarpakka verði hrint í framkvæmd.
Kjarninn 29. september 2020
Katrín Jakobsdóttir forsætisráðherra kynnti nýja aðgerðarpakkann í dag.
Tryggingagjald lækkað og ráðist í beina styrki til fyrirtækja sem hafa orðið fyrir tekjuhruni
Ríkisstjórnin kynnti nýjan aðgerðarpakka í dag. Hann er metinn á 25 milljarða króna en sá fyrirvari settur að ekki liggi fyrir hversu vel aðgerðirnar, sem eru átta, verði nýttar.
Kjarninn 29. september 2020
Í gær voru tekin yfir 2.300 sýni.
Tveir á gjörgæslu með COVID-19 – 32 ný smit
32 ný smit af kórónuveirunni greindust í gær, mánudag, og eru 525 eru nú með COVID-19 hér á landi og í einangrun. Tveir sjúklingar eru nú á gjörgæslu.
Kjarninn 29. september 2020
Yfirmaður Økokrim hefur lýst sig vanhæfan til að fara með rannsókn á bankanum DNB. Málið verður fært til annars embættis.
Æðsti yfirmaður Økokrim segist vanhæfur til að rannsaka DNB
Nýlega ráðinn yfirmaður hjá norsku efnahagsbrotadeildinni Økokrim hefur lýst sig vanhæfan til þess að koma að rannsókn á bankanum DNB, sem fór af stað eftir umfjöllun um Samherjaskjölin í fyrra. Málið verður fært til annars embættis.
Kjarninn 29. september 2020
Verðbólgan komin upp í 3,5 prósent
Verðbólgan í september er sú hæsta sem mælst hefur á árinu og hefur nú náð svipuðum hæðum og í fyrra.
Kjarninn 29. september 2020
Meira eftir höfundinnÞórður Snær Júlíusson
Meira úr sama flokkiFréttaskýringar