Hahn: Enn svigrúm til viðræðna við Ísland

johanneshahn.jpg
Auglýsing

Johannes Hahn, sem í sept­em­ber var til­nefndur sem nýr stækk­un­ar- og nágranna­stefnu­stjóri Evr­ópu­sam­bands­ins, segir full­ljóst að aðild­ar­við­ræður við Ísland hafi verið erf­ið­ar. Sér­stak­lega hafi þetta átt við við­ræðukafla um land­bún­að­ar- og sjáv­ar­út­vegs­mál sem ekki hafi tek­ist að loka. Hins vegar sé enn gott svig­rúm til við­ræðna.

Jean-Claude Juncker, verð­andi for­seti fram­kvæmda­stjórnar Evr­ópu­sam­bands­ins, kynnti til­lögu sína að lið­skipan nýrrar fram­kvæmda­stjórnar í sept­em­ber í kjöl­far Evr­ópu­kosn­inga sem voru haldnar í maí. Á meðal þeirra breyt­inga sem Juncker leggur til að gera á fram­kvæmda­stjórn­inni er að sam­eina þá hluta sem fara með stækk­un­ar­mál ann­ars vegar og nágranna­stefnu Evr­ópu­sam­bands­ins hins veg­ar.

Á mánu­dag 29. sept­em­ber hófust svo­kall­aðar yfir­heyrslur Evr­ópu­þings­ins yfir þeim 27 fram­kvæmda­stjórum sem lagt er til að starfi með Juncker. Evr­ópu­þingið þarf að leggja blessun sína yfir til­lögu hans núna í októ­ber svo að nýju fram­kvæmda­stjór­arnir geti hafið störf 1. nóv­em­ber. Hafni Evr­ópu­þingið til­lög­unni þarf að leggja fram aðra lið­skip­an.

Auglýsing

Þingið áhuga­lítið um Ísland



kjarninn_gunnarbragi_vefHahn mætti fyrir utan­rík­is­mála­nefnd þings­ins á þriðju­dag 30. sept­em­ber þar sem hann svar­aði spurn­ingum um hver yrðu stefnu­mál hans næstu fimm árin. Aug­ljóst var að Evr­ópu­þing­menn­irnir höfðu mik­inn áhuga á því hvernig Hahn muni hægja á stækkun Evr­ópu­sam­bands­ins í sam­ræmi við boð­aða stefnu Junckers. Í því skip­un­ar­bréfi sem Juncker sendi Hahn í sept­em­ber leggur hann til að Hahn fram­fylgi við­ræðum við umsókn­ar­ríki á Vest­ur­-Balkanskag­an­um. Hvorki er minnst á umsókn Íslands né Tyrk­lands.

Hahn var þrá­spurður um við­horf hans til mann­rétt­inda­brota í Tyrk­landi og fram­hald aðild­ar­við­ræðn­anna sem sam­þykktar voru árið 2004 en hafa verið í frosti síðan þá. Eng­inn Evr­ópu­þing­maður spurði Hahn aftur á móti út í aðild­ar­ferli Íslands og fram­hald þess. Þvert á móti nefndi Hahn Ísland sem dæmi í svari við spurn­ingu um hvernig hann muni afgreiða nýjar umsóknir og hvort Evr­ópu­sam­bandið hefði farið úr hófi fram í stækkun þess.

Gæði umfram hraða



esb_kjarninn_vefSlag­orð Hahns verður að hafa gæði umfram hraða í afgreiðslu umsókna ríkja að Evr­ópu­sam­band­inu. Hann vill herða kröfur til umsókn­ar­ríkja um að þau lagi sig að reglu­verki þess og upp­fylli öll nauð­syn­leg skil­yrði, svo sem í efna­hags- og mann­rétt­inda­mál­um. Í til­felli Tyrk­lands sagði Hahn vera von­góður um að hægt væri að taka upp þráð­inn að nýju og hugs­an­lega opna nýja við­ræðukafla, enda hefði nýr Evr­ópu­mála­ráð­herra þar kynnt áætlun um hvernig mætti end­ur­vekja aðild­ar­ferl­ið. Í svari Hahns til þing­nefnd­arnnar gaf hann sömu­leiðis til kynna að hann væri reiðu­bú­inn til að hefja við­ræður aftur við Ísland þegar stjórn­völd væru reiðu­bú­in, en að hann myndi ekki hafa frum­kvæði að því að slíta við­ræð­um.

„Reynslan hefur kennt okkur að sumir við­ræðukaflar hafi verið opn­aðir og lokað of snemma. Í Serbíu og Svart­fjalla­landi hafa þessir kaflar verið settir aft­ar­lega á dag­skrá til að tryggja að við­miðum um atriði eins og gagn­sæi, rétt­ar­far og tján­ing­ar­frelsi verði fylgt eft­ir. Þetta eru við­ræður sem stefna að ákveðnu mark­miði sem er að koma á lagg­irnar breyt­ing­um. Ríkin ákveða við­bragðs­hraða þeirra og hversu langan tíma þau þurfa í aðild­ar­ferlið,“ sagði Hahn við þing­nefnd­ina.

Þetta er ekki í fyrsta sinn sem Hahn lætur þessa skoðun í ljós því hann hefur verið fram­kvæmda­stjóri byggða­stefnu Evr­ópu­sam­bands­ins frá 2009 og fór hann í opin­bera heim­sókn til Íslands árið 2012. Þá ræddi hann við íslensk stjórn­völd um hugs­an­lega þátt­töku Íslands í byggða­sjóði Evr­ópu­sam­bands­ins. Í grein sem birt­ist í Morg­un­blað­inu 28. sept­em­ber 2012, skrif­aði Hahn um þátt­töku Íslands í Evr­ópu­málum og hugs­an­lega aðild að sam­band­inu. „Ákvörð­unin um hvort ganga eigi til liðs við ESB er stór og mik­il­væg og alfarið í höndum Íslend­inga. Aðild­ar­við­ræðum miðar vel áfram og nú þegar er við­ræðum lokið í tíu af þeim þrjá­tíu og fimm köflum reglu­verks ESB sem þarf að semja um áður en kemur að ákvörðun um aðild.“

Ekk­ert sér­val í EES



Sam­kvæmt til­lögu Junckers munu sex vara­for­setar stýra allri vinnu fram­kvæmda­stjórn­ar­inn­ar. Stjórn­ar­svið Hahns mun heyra undir utan­rík­is­mála­stjóra Evr­ópu­sam­bands­ins, Feder­icu Mog­her­ini. Samn­ing­ur­inn um Evr­ópska efna­hags­svæð­ið, sem Ísland, Nor­egur og Liechten­stein eru aðilar að og veitir aðgang að innri mark­aði Evr­ópu­sam­bands­ins, hefur hingað til heyrt undir utan­rík­is­þjón­ustu Evr­ópu­sam­bands­ins. Hahn gerði þetta sam­starf sömu­leiðis að umtals­efni.

„Við munum reyna að efla sam­starfið til að tryggja að reglur innri mark­aðs­ins verði virt­ar. Þar verður ekk­ert sér­val,“ sagði Hahn og sendi þar með Íslandi og Nor­egi tón­inn vegna þess hvernig löndin hafa dregið lapp­irnar í inn­leið­ingu til­skip­ana og reglu­gerða frá Evr­ópu­sam­band­inu.

Þetta er ekki að ástæðu­lausu því í sumar birti Eft­ir­lits­stofnun EFTA stöðu­mat sem sagði Ísland standa sig verst í inn­leið­ingu til­skip­ana og reglu­gerða, eins og því ber skylda til í gegnum samn­ing­inn um Evr­ópska efna­hags­svæð­ið. Þrjá­tíu og fjórar til­skip­anir höfðu ekki verið inn­leiddar innan til­tek­ins tímara­mma. Þann 24. sept­em­ber tap­aði Ísland enn­fremur þremur málum fyrir EFTA dóm­stólnum sem komst að þeirri nið­ur­stöðu að Ísland hefði ekki tekið upp þrjár til­skip­anir í sam­ræmi við samn­ing­inn. Dæmi eru um að til­skip­anir velk­ist um í kerf­inu svo árum skiptir áður en þær eru teknar upp á Íslandi og hefur Ísland frestað afgreiðslu margra mála á fundum nefnda Evr­ópska efna­hags­svæð­is­ins, svo sem til­skipun um gagna­geymd og fleiri.

Full­trúar Evr­ópu­sam­bands­ins hafa marg­ít­rekað sagt á fundum þess­ara nefnda að EFTA ríkin verði að bæta inn­leið­ingu til­skip­ana og reglu­gerða og hyggst nýja fram­kvæmda­stjórn end­ur­skoða þetta fyr­ir­komu­lag þegar hún tekur við valda­taumun­um.

Á fundi utan­rík­is­mála­nefndar Evr­ópu­þings­ins var Hahn spurður út í við­horf ríkja til Evr­ópu­sam­bands­ins og hvers vegna rík lönd eins og Nor­egur og Sviss sóttu ekki um aðild heldur aðeins fátæk­ari ríki. Hahn svar­aði því ekki, en sagði að hann myndi gera sitt í því að bæta ímynd sam­bands­ins. „Að­ild­ar­ríkjum hefur fjölgað úr tólf í tutt­ugu og sjö á stuttum tíma. Samt sem áður hefur okkur tek­ist ætl­un­ar­verkið og náð merki­legum árangri. Við ættum að vera stolt og sjálfsör­ugg. Þetta ætti að vera grund­völlur frek­ari við­ræðn­a,“ sagði hann.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rauða kjötið: Áætlunin sem á að bjarga Boris
Pólitísk framtíð Boris Johnson er um margt óljós eftir að hann baðst afsökunar á að hafa verið viðstaddur garðveislu í Downingstræti í maí 2020 þegar útgöngubann vegna COVID-19 var í gildi. „Rauða kjötið“ nefnist áætlun sem á að halda Johnson í embætti.
Kjarninn 17. janúar 2022
Þórhildur Sunna Ævarsdóttir þingmaður Pírata.
Spurði forsætisráðherra út í bréfið til Kára
Þingmaður Pírata spurði forsætisráðherra á þingi í dag hver tilgangurinn með bréfi hennar til forstjóra ÍE hefði verið og hvers vegna hún tjáði sig um afstöðu sína gagnvart úrskurði Persónuverndar við forstjóra fyrirtækisins sem úrskurðurinn fjallaði um.
Kjarninn 17. janúar 2022
Mun meira kynbundið ofbeldi í útgöngubanni
Þrátt fyrir að útgöngubann auki verulega líkur á ofbeldi gagnvart konum og transfólki hefur málaflokkurinn fengið lítið sem ekkert fjármagn í aðgerðum stjórnvalda víða um heim til að bregðast við afleiðingar heimsfaraldursins.
Kjarninn 17. janúar 2022
Heimild til að slíta félögum sett í lög 2016 – Fyrsta tilkynning send út 2022
Fyrir helgi sendi Skatturinn í fyrsta sinn út tilkynningar til 58 félaga sem hafa ekki skilað inn ársreikningum þar sem boðuð eru slit á þeim. Lögin voru sett árið 2016 en ráðherra undirritaði ekki reglugerð sem virkjaði slitaákvæðið fyrr í haust.
Kjarninn 17. janúar 2022
Umfjallanir um liprunarbréf Jakobs Frímanns og „Karlmennskuspjallið“ ekki brot á siðareglum
Hvorki DV né 24.is brutu gegn siðareglum Blaðamannafélags Íslands með umfjöllunum sínum um Jakob Frímann Magnússon annars vegar og „Karlmennskuspjallið“ hins vegar.
Kjarninn 17. janúar 2022
Greiðslubyrðin svipuð og fyrir faraldurinn
Í kjölfar mikilla vaxtalækkana hjá Seðlabankanum lækkuðu afborganir af húsnæðislánum til muna. Þessi lækkun er nú að miklu leyti gengin til baka, þar sem bæði húsnæðisverð og vextir hafa hækkað á undanförnum mánuðum.
Kjarninn 17. janúar 2022
Ármann Kr. Ólafsson hefur verið oddviti Sjálfstæðisflokksins í Kópavogi og bæjarstjóri frá árinu 2012.
Ármann ætlar ekki að gefa kost á sér til endurkjörs í Kópavogi
Ármann Kr. Ólafsson oddviti Sjálfstæðisflokksins og bæjarstjóri í Kópavogi frá árinu 2012 ætlar ekki að sækjast eftir endurkjöri í sveitarstjórnarkosningunum í maí.
Kjarninn 17. janúar 2022
Það að skipa stjórn yfir Landspítala var á meðal mála sem stjórnarflokkarnir náðu saman um í nýjum stjórnarsáttmála.
Sjö manna stjórn yfir Landspítala verði skipuð til tveggja ára í senn
Skipunartími stjórnarmanna í nýrri stjórn Landspítala verður einungis tvö ár, samkvæmt nýjum frumvarpsdrögum. Talið er mikilvægt að hægt verði að skipa ört í stjórnina fólk sem hefur sérþekkingu á þeim verkefnum sem Landspítali tekst á við hverju sinni.
Kjarninn 17. janúar 2022
Meira úr sama flokkiFréttaskýringar
None