Klúðrið í kringum Reykjavíkurmaraþonið

marathon-reykjavik.jpg
Auglýsing

Hinn fót­frái Arnar Pét­urs­son varð fyrstur Íslend­inga í enda­mark Reykja­vík­ur­mara­þons­ins, sem fram fór í miðbæ Reykja­víkur laug­ar­dag­inn 23. ágúst síð­ast­lið­inn. Sigur hans var afger­andi, en hann kom í mark rúmum níu mín­útum á undan næsta sam­landa hans, sem var lang­hlaupar­inn Pétur Sturla Bjarna­son sem sigr­aði Reykja­vík­ur­mara­þonið árið áður.

Við kom­una í enda­markið var Arnar krýndur Íslands­meist­ari karla í mara­þoni. Skömmu eftir að hlaup­inu lauk kærði Pétur Sturla úrslit hlaups­ins til yfir­dóm­nefndar Reykja­vík­ur­mara­þons­ins, þar sem hann sak­aði Arnar um að hafa svindlað í hlaup­inu og krafð­ist þess að þátt­töku­réttur hans í hlaup­inu yrði ógilt­ur.

Reglur kveða á um bann við fylgd hjól­reiða­manna



Í kærunni var Arnar sak­aður um að hafa notið lið­sinnis tveggja hjól­reiða­manna í hlaup­inu, svo­kall­aðra héra, sem hafi hjólað með Arn­ari og hvatt hann áfram í hlaup­inu. Með athæf­inu hafi Arnar brotið reglur Reykja­vík­ur­mara­þons­ins og þar með ógilt þátt­töku­rétt sinn.

Í 10. grein reglna Reykja­vík­ur­mara­þons­ins, sem aðgengi­legar eru á heima­síðu hlaups­ins seg­ir: "Hlaupa­brautin er ein­göngu ætluð kepp­end­um. Ekki er heim­ilt að fylgja hlaup­urum gang­andi, hlaup­andi, á hjóli eða öðrum far­ar­tækjum (und­an­þága fyrir fylgd­ar­menn fatl­aðra). Það er á ábyrgð þátt­tak­enda að vísa frá þeim sem fylgja." Þá segir í 18. grein regln­anna: "Brot á ofan­greindum reglum ógilda þátt­töku­rétt í hlaup­in­u."

Auglýsing

Sam­kvæmt heim­ildum Kjarn­ans var 10. greinin sett inn í reglur Reykja­vík­ur­mara­þons­ins, vegna þess að hjól­reiða­menn höfðu truflað fram­gang hlaups­ins í gegnum tíð­ina. Reyndir hlauparar sem Kjarn­inn hefur rætt við eru þó á einu máli um að nán­ast ómögu­legt sé að fram­fylgja regl­unni, þar sem hlaupa­braut­inn, sé ekki afgirt alla hlaupa­leið­ina og svo liggi hún um göngu- og hjóla­stíga. Þá eru hlaupararnir sam­mála um að það fylgi því óum­deilt for­skot að hafa hjól­reiða­menn með sér til að stjórna hlaupa­hraða og hvetja sig áfram.

[em­bed]https://vi­meo.com/105774205[/em­bed]

Við­ur­kennt að reglur mara­þons­ins voru brotnar



Yf­ir­dóm­nefnd Reykja­vík­ur­mara­þons­ins tók kæru Pét­urs Sturla til efn­is­legrar með­ferðar á fundi sínum 28. ágúst síð­ast­lið­inn. Á meðal gagna í mál­inu sem lágu til grund­vallar nið­ur­stöðu yfir­dóm­nefnd­ar­innar voru ásamt kæru máls­ins, ljós­myndir af Arn­ari Pét­urs­syni ásamt hjól­reiða­mönnum á fimm mis­mun­andi stöðum í hlaup­inu, mynd­bands­upp­taka af hinum kærða ásamt hjól­reiða­mönnum á göngu­stíg við Suð­ur­lands­braut, mynd­brot úr þætti RÚV af hlaup­urum við Hörpu á Geirs­götu þar sem hinn kærði sést hlaupa ásamt hjól­reiða­mönn­um, og and­mæli og grein­ar­gerð kærða og full­trúa hans.

Pétur Hrafn Sig­urðs­son, faðir Arn­ars, skrif­aði grein­ar­gerð­ina, sem lögð var fyrir yfir­dóm­nefnd­ina, fyrir hönd sonar síns. Pétur Hrafn hefur starfað innan íslensku íþrótta­hreyf­ing­ar­innar í fjölda ára og gegnir nú stöðu deild­ar­stjóra hjá Íslenskri get­spá. Í grein­ar­gerð­inni er öllum ásök­unum á hendur Arn­ari um svindl í Reykja­vík­ur­mara­þon­inu vísað á bug. Þó við­ur­kennir Pétur Hrafn í grein­ar­gerð­inni að hann og bróðir Arn­ars hafi hjólað með Arn­ari hluta hlaups­ins sér til skemmt­un­ar.

Ekki sannað að Arnar hafi notið aðstoðar í hlaup­inu



Yf­ir­dóm­nefnd Reykja­vík­ur­mara­þons­ins við­ur­kennir í nið­ur­stöðu sinni að hjól­reiða­menn hafi fylgt Arn­ari þrjá fjórðu hluta hlaupa­leið­ar­inn­ar, sem sé vissu­lega óheim­ilt sam­kvæmt reglum Reykja­vík­ur­mara­þons. Dóm­nefnd­inni þótti engu að síður ekki sannað að Arnar hafi notið aðstoðar hjól­reiða­mann­anna og vís­aði því kæru máls­ins frá. Í nið­ur­stöðu dóm­nefnd­ar­innar sagði jafn­framt að borið hafi á því í hlaup­inu að hjólað hafi verið með kepp­end­um. "Svo virð­ist sem fylgd á hjólum sé atriði, sem stjórn­endur Reykja­vík­ur­mara­þons þurfi að taka á í fram­tíð­inni. [...] Það er álit yfir­dóm­nefndar að reglur hlaups­ins mætti birta með skýr­ari hætti m.a. í leik­skrá hlaups­ins ásamt því að vara um að brot á þeim geti leitt til brott­vís­unar úr hlaup­in­u."

Pétur Sturla undi ekki nið­ur­stöðu yfir­dóm­nefndar og áfrýj­aði henni til dóm­stóls ÍSÍ. Eftir að kæran barst dóm­stólnum óskaði hann eftir grein­ar­gerð frá yfir­dóm­nefnd Reykja­vík­ur­mara­þons­ins. Íþrótta­banda­lag Reykja­víkur (ÍBR) skil­aði inn umbeð­inni grein­ar­gerð yfir­dóm­nefndar Reykja­vík­ur­mara­þons­ins, en fram­kvæmd hlaups­ins er á ábyrgð ÍBR. Þar seg­ir: "Kæran lýtur að úrslitum í Íslands­meist­ara­móti í mara­þoni sem Reykja­vík­ur­mara­þon tók að sér að fram­kvæmd fyrir hönd Frjáls­í­þrótta­sam­bands Íslands (FRÍ). Slík keppni heyrir undir reglur Alþjóða frjáls­í­þrótta­sam­bands­ins (IAAF) um fram­kvæmd götu­hlaupa og mara­þons sem við lítum svo á að séu reglum hlaups­ins æðri. Yfir­dóm­nefnd hlaups­ins kemst að þeirri nið­ur­stöðu að ekki liggi fyrir sann­anir um að þeir sem hjól­uðu með Arn­ari Pét­urs­syni hafi veitt honum aðstoð."

Klúð­urs­leg þýð­ing FRÍ á keppn­is­reglum IAAF



FRÍ hefur þýtt reglur IAAF yfir á íslensku marg­sinnis und­an­farin ár og birtir þær bæði á ensku og íslensku á heima­síðu sinni. Reglur IAAF varða fyrst og síð­ast keppni á frjáls­í­þrótta­leik­vangi, það er keppn­is­svæði sem venju­lega er afgirt og aðgengi tak­markað við kepp­endur og þá ein­stak­linga sem hafa leyfi til að vera innan svæð­is­ins. Þar af leiðir að ekki er hægt að leggja að jöfnu afmarkað keppn­is­svæði eins og frjáls­í­þrótta­leik­vang ann­ars vegar og hlaupa­braut í kringum Reykja­vík hins veg­ar.

Í íslenskri þýð­ingu regln­anna, nánar til­tekið í 144. grein um almennar keppn­is­reglur segir um aðstoð, ráð­gjöf eða upp­lýs­ing­ar: "Hver sá kepp­andi sem veitir eða fær aðstoð innan keppn­is­svæð­is­ins meðan á keppni stendur skal yfir­dóm­ari aðvara og benda á að ef slíkt end­ur­taki sig verði hann gerður leik­ræk­ur." Þá segir enn­fremur í íslenskri þýð­ingu reglna IAAF: "Fyrir til­gang þess­arar reglu er eft­ir­far­andi talið aðstoð og því ekki leyft. a) Leiða hlaup í hlaupum af kepp­endum sem taka ekki þátt í keppn­inni eða ef hlauparar eða göngu­kepp­endur sem hafa verið hring­aðir eða eru um það bil að verða hring­að­ir, gera það eða tækni­legum hlutum (nema þeim sem eru leyfð skv. gr. 144.2(g)).

Í reglum IAAF er hvergi kveðið á um blátt bann við fylgd­ar­mönnum á hjól­um, enda svo aug­ljóst að hjól­reiða­menn eiga ekk­ert erindi inn á frjáls­í­þrótta­leik­vang að ekki hefur þótt til­efni til að taka það fram.

Ekki verður annað séð en að orða­lag íslensku þýð­ing­ar­innar sé í besta falli ein­kenni­legt, sér í lagi orða­lag­ið: "Leiða hlaup í hlaupum af kepp­endum sem ekki taka þátt í keppn­inn­i..." Í sömu grein í reglum IAAF á ensku seg­ir: "For the pur­pose of this rule, the foll­owing examp­les shall be considered assistance, and ther­efore not all­owed: a) Pacing in races by per­sons not part­icipat­ing in the same race..."

Þýð­andi, sem jafn­framt er hlaupari, ­sem Kjarn­inn ræddi við gerir athuga­semdir við íslenska þýð­ingu reglna IAAF. Hann segir frá­leitt að orðið "pacing" hafi verið þýtt sem "leiða" í íslenskri þýð­ingu FRÍ. Hið rétta sé að orðið pacing merki hraða­stjórn­un. Umrædda setn­ingu hefði því átt að þýða: "a) Hraða­stjórn í keppni af hálfu aðila sem eru ekki þátt­tak­endur í við­kom­andi keppn­i." Reg­in­munur er á aðila og kepp­anda, þar sem hjól­reiða­maður á braut­inni er ekki kepp­andi og þar með und­an­þeg­inn regl­un­um. Ef hjól­reiða­maður væri hins vegar skil­greindur sem aðili, það er "per­son" eins og segir í enskri útgáfu reglna IAAF, þá á hann ekk­ert erindi inn á hlaupa­braut­ina.

Sorg­legt mál fyrir Arnar Pét­urs­son



Hlauparar sem Kjarn­inn hefur rætt við í tengslum við málið harma að málið hafi komið upp í tengslum við sigur Arn­ars Pét­urs­sonar í Reykja­vík­ur­mara­þon­inu og vona að málið muni ekki hafa nei­kvæð áhrif á feril hans. Arnar sé afbragðs hlaup­ari sem hefði að öllum lík­indum sigrað í hlaup­inu án fylgdar hjól­reiða­manna. Þá hafi verið hægt að kæra úrslit Reykja­vík­ur­mara­þons­ins mörg árin á und­an, þar sem fylgd­ar­menn á hjól­u­m hafi verið áber­andi í hlaup­inu und­an­farin ár. Þeirra mat er að Reykja­vík­ur­mara­þon hafi sett reglur sem það geti ekki fram­fylgt, og að klúð­urs­leg þýð­ing á reglum IAAF liggi að baki nið­ur­stöðu dóm­stóls ÍSÍ.

Pétur Sturla Bjarna­son, sem kærði úrslit Reykja­vík­ur­mara­þons­ins, hefur enn ekki tekið ákvörðun um hvort hann áfrýjar dómi dóm­stóls ÍSÍ til áfrýj­un­ar­dóm­stóls sam­bands­ins. Frestur hans til þess rennur út á þriðju­dag­inn. Hins vegar er ljóst að málið er allt hið vand­ræða­leg­asta fyrir Reykja­vík­ur­mara­þonið og til þess fallið að kasta rýrð á trú­verð­ug­leika hlaups­ins á alþjóða­vísu.

 

 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
„Algeggjuð“ hugmynd um sameiningu banka
Í Vísbendingu, sem kom til áskrifenda á föstudaginn, er fjallað um þá hugmynd að sameina tvo af kerfislægt mikilvægu bönkum landsins.
Kjarninn 15. desember 2019
SMS og MMS ganga í endurnýjun lífdaga
Eftir að hafa lotið í lægra haldi fyrir nýjum samskiptaforritum á borð við Messenger og WhatsApp eru gömlu góðu SMS- og MMS-skilaboðin að eiga endurkomu. Þeim fjölgar nú eftir áralangan samdrátt.
Kjarninn 15. desember 2019
Ferðalag á mörkum ljóss og myrkurs, í átt til dögunar
Rökkursöngvar Sverris Guðjónssonar kontratenórs eru að koma út. Safnað er fyrir þeim á Karolina Fund.
Kjarninn 15. desember 2019
Ársreikningaskrá heyrir undir embætti ríkisskattstjóra.
Skil á ársreikningum hafa tekið stakkaskiptum eftir að viðurlög voru hert
Eftir að viðurlög við því að skila ekki ársreikningum á réttum tíma voru hert skila mun fleiri fyrirtæki þeim á réttum tíma. Enn þarf almenningur, fjölmiðlar og aðrir áhugasamir þó að greiða fyrir aðgang að ársreikningum.
Kjarninn 15. desember 2019
Hin harða barátta um sjónvarpið og internetið
Síminn fékk nýverið níu milljóna króna stjórnvaldssekt fyrir að hafa margbrotið ákvæði fjölmiðlalaga, með því að í raun vöndla saman sölu á interneti og sjónvarpi. Brotin voru sögð meðvituð, markviss og ítrekuð.
Kjarninn 15. desember 2019
Réttast að senda pöndubirnina heim
Upplýsingar um fund kínverska sendiherrans í Danmörku með færeyskum ráðamönnum um fjarskiptasamning hafa valdið fjaðrafoki í Færeyjum og meðal danskra þingmanna. Sendiherrann neitar að reyna að beita Færeyinga þrýstingi.
Kjarninn 15. desember 2019
Lilja D. Alfreðsdóttir, mennta- og menningarmálaráðherra.
Drög að nýjum þjónustusamningi við RÚV kynnt
Mennta- og menningarmálaráðherra hefur kynnt nýjan þjónustusamning við Ríkisútvarpið fyrir ríkisstjórn en núgildandi samningur rennur út um áramótin.
Kjarninn 14. desember 2019
Agnar Snædahl
Frá kreppuþakuppbyggingu og myglu
Kjarninn 14. desember 2019
Meira eftir höfundinnÆgir Þór Eysteinsson
Meira úr sama flokkiFréttaskýringar
None