Segir söluna á útgáfunni hafa komið sér mjög á óvart - hefur enn ekkert heyrt í Birni Inga

525181_10201068791621356_1112002431_n-1.jpg
Auglýsing

Ingi­mar Karl Helga­son, rit­stjóri Reykja­víkur viku­blaðs, segir söl­una á útgáfu­fé­lag­inu Fótspori hafa komið sér í opna skjöldu. „Fréttir gær­dags­ins um að útgáfa blaðs­ins hefði verið seld til Vef­pressunnar komu mjög á óvart. Satt að segja hafði útgef­and­inn fyrr­ver­andi nýlega talað um að fjölga síðum í Reykja­vík viku­blaði með haustinu og hef ég heldur verið að hugsa á þeim nótum en öðr­um.“

Þannig hljómar pist­ill sem Ingi­mar Karl skrifar inn á vef­síðu viku­blaðs­ins undir fyr­ir­sögn­inni: Kveðja frá rit­stjóra. „Það blasir við að góðir hlutir hafa verið að ger­ast á Reykja­vík viku­blaði og raunar ýmsum öðrum blöðum Fótspors­út­gáf­unn­ar. Svo til allir aðrir fjöl­miðlar hafa tekið upp fréttir úr næstum hverju ein­asta tölu­blaði Reykja­víkur viku­blaðs allra síð­ustu miss­er­in. Við­brögð les­enda við efn­is­tökum okkar og umfjöllun í Reykja­vík viku­blaði hafa jafn­framt verið mjög mik­il,“ skrifar rit­stjór­inn frá­far­andi.

„Yf­ir­leitt eru þau jákvæð og fólk hefur lýst mik­illi ánægju með gagn­rýna, mál­efna­lega og sann­gjarna blaða­mennsku. Við­brögð úr sumum afkimum ráð­andi afla hafa líka styrkt okk­ur í þeirri trú að við höfum verið að gera eitt­hvað sem skiptir máli. Ég held satt að segja að þessi ­stað­reynd hafi gert að verkum að útgáfu­fyr­ir­tækið Fót­spor hafði eitt­hvað til að selja þegar allt kemur til alls, hvernig sem á það er lit­ið.“

Auglýsing

Í sam­tali við Kjarn­ann kveðst Ingi­mar Karl ekk­ert hafa heyrt frá Birni Inga Hrafns­syni stjórn­ar­for­manni Vef­pressunn­ar, né öðrum hjá félag­inu. „Það eina sem ég veit er að frjóu og skemmti­legu tíma­bili Reykja­víkur viku­blaðs hjá útgáf­unni Fótspori er lok­ið. Ég veit ekki hvað tekur við. Hvorki hjá mér sjálf­um, né hvað verður með blað­ið. Ég frétti þetta bara í gær.“

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Meira úr sama flokkiInnlent
None