Harpa þarf að greiða full fasteignagjöld - Getur það ekki lengur segir forstjóri hússins

Harpa.20082011_Nic.Lehoux_1.jpg
Auglýsing

Hér­aðs­dómur Reykja­víkur hafn­aði í gær kröfu Hörpu að úrskurður yfir­fast­eigna­mats­nefndar frá 30. maí 2012 verði ógilt­ur. Sam­kvæmt úrskurð­inum átti Harpa að greiða 355 millj­ónir króna í fast­eigna­gjöld á árinu 2012. Húsið hefur greitt um einn millj­arð króna í slík gjöld á síð­ustu þremur árum og á að borga yfir 380 millj­ónir króna í þau í ár. Sú álagn­ing, sem gerir það að verkum að rúmur þriðj­ungur af rekstr­ar­tekjum Hörpu fer í fast­eigna­gjöld, mun því standa. Hall­dór Guð­munds­son, for­stjóri Hörpu, segir húsið ekki geta greitt svo háa upp­hæð í fast­eigna­gjöld leng­ur.

Fast­eigna­mat mið­aði við bygg­inga­kostnað



Í maí 2011 var Harpan tekin í notk­un. Í saman mán­uði til­kynnti Þjóð­skrá Íslands rekstr­ar­fé­lagi Hörpu um að fast­eigna­mat tón­list­ar- og ráð­stefnu­húss­ins væri reiknað 17 millj­arðar króna, og var þar miðað við bygg­inga­kostnað þess. Það mat gerði það að verkum að fast­eigna­gjöld sem Harpa þurfti að greiða Reykja­vík­ur­borg voru 355 millj­ónir króna vegna þess árs.  Tekjur af starf­semi Hörpu voru 492 millj­ónir króna árið 2011 og 645 millj­ónir króna árið 2012. Miðað við fast­eigna­matið var því ljóst að þorri rekstr­ar­tekna sem kæmu inn vegna útleigu á hús­inu myndi fara í fast­eigna­gjöld, sem rynnu auk þess í vasa ann­ars eig­anda Hörpu, Reykja­vík­ur­borg­ar.

Halldór Guðmundsson, forstjóri Hörpu. Hall­dór Guð­munds­son, for­stjóri Hörpu­.

Harpa vildi ekki sætta sig við þetta mat og kærði það til yfir­fast­eigna­mats­nefnd­ar. Í kæru Hörpu kemur fram að stjórn­endur Hörpu telji að fast­eigna­mat húss­ins hefði átt að vera 6,8 millj­arðar króna og fast­eigna­gjöld í sam­ræmi við það. Fast­eigna­matið ætti að taka mið af tekju­mögu­leikum húss­ins, ekki bygg­inga­kostn­aði. Yfir­fast­eigna­mats­nefnd komst að þeirri nið­ur­stöður fyrir nærri þremur árum síðan að fast­eigna­matið ætti hins vegar að halda, og Harpa ætti að greiða hin háum fast­eigna­gjöld.

Auglýsing

Í kjöl­farið ákvað Harpa að leita til dóm­stóla og reyna að fá úrskurð yfir­fast­eigna­mats­nefndar ógild­an. Hér­aðs­dómur Reykja­víkur hafn­aði þeirri kröfu í gær.

Það sem er sér­stakt við málið er að þar var lög­mað­ur­inn Ásgerður Ragn­ars­dótt­ir,­fyrir hönd Hörpu, að stefna rík­is­stofn­un­inni Þjóð­skrá Íslands og Reykja­vík­ur­borg. Harpa var því að stefna eig­endum sínum til að reyna að fá að greiða öðrum þeirra minna fé í fast­eigna­gjöld sem hinn eig­and­inn, rík­ið, ákvað hversu há ættu að vera. Einar Karl Hall­varðs­son rak málið fyrir hönd Þjóð­skrár og Vil­hjálmur H. Vil­hjálms­son fyrir hönd Reykja­vík­ur­borg­ar.

Segir Hörpu ekki geta borgað svona há gjöld



Hall­dór Guð­munds­son, for­stjóri Hörpu, segir að Harpa sé að borga þrisvar til fjórum sinnum meira í fast­eigna­gjöld á fer­meter en Kringlan, Smára­lind og Leifs­stöð, svo dæmi séu tek­in. „Okkur fannst þetta mjög órétt­lát álagn­ing og töldum okkur ekki eiga annan kost í stöð­unni en að leita með þetta mál til dóm­stóla. Hér­aðs­dómur hefur nú hafnað því. Í kjöl­farið þurfum við að meta stöð­una en það er alveg jafn ljóst nú og var áður, þótt veltan hjá Hörpu hafi auk­ist mik­ið, að þessi rekstur stendur ekki undir þessum álög­um.“

Hall­dór segir að það verði skoðað gaum­gæfi­lega hvort dómi hér­að­dóms verði áfrýj­að. Nið­ur­staða liggi þó ekki fyr­ir.

Hann bendir á að Harpa hafi þegar greitt yfir einn millj­arð króna í fast­eigna­gjöld á árunum 2012 til 2014. Veltan í dag sé um 1.100 millj­ónir króna á ári og sam­kvæmt álagn­ingu eigi Harpa að greiða yfir 380 millj­ónir króna í fast­eigna­gjöld á þessu ári. Það geti Harpa ein­fald­lega ekki gert og þeim skila­boðum hafi verið komið til eig­enda húss­ins, rík­is­ins og Reykja­vík­ur­borg­ar.

Meira eftir höfundinnÞórður Snær Júlíusson
Meira úr sama flokkiFréttaskýringar
None