Líkamsvirðing er lykillinn að velgengni

6.Steps_.to_.Increasing.Self_.Esteem.jpg
Auglýsing

Að hækka lágt sjálfs­á­lit og auka lík­ams­virð­ingu kvenna gæti verið lyk­ill­inn að jafn­rétti kynj­anna og vel­gengni nútíma­sam­fé­laga. Þetta full­yrðir nýleg rann­sókn á vegum Bristol háskól­ans í Bret­landi. Hún hefur orðið til þess að her­ferðin á vegum Jan­frétt­is­ráðs Breska rík­is­ins og ann­arra styrkt­ar­að­ila sem nefn­ist „Be real“ hefur verið hrint að stað til að sporna við þró­un­inni.

Nið­ur­stöður 25 rann­sókna sem skoð­uðu sam­hengi lík­ams­virð­ingar og vel­gengni, sér­stak­lega hjá konum og ung­lings­stúlk­um, sýndu að konur eyða óeðli­lega miklum tíma í að sinna útliti sínu, sem síðan tekur orku og tíma frá öðrum athöfn­um. Gengið er svo langt að full­yrða að konur myndu fylla fleiri stjórn­un­ar­störf og vera meira áber­andi í sam­fé­lag­inu ef við myndum hafa raun­veru­legri og fjöl­breyti­legri staðalí­mynd­ir.

Á­hyggjur af útliti, stærð, þyngd, lög­un, og því að vera nógu aðlað­andi hel­tekur margar konur og stúlk­ur, allt frá 5 ára aldri til rúm­lega sjötugs.

Auglýsing

 

Áhyggjur af útliti, stærð, þyngd, lög­un, og því að vera nógu aðlað­andi hel­tekur margar konur og stúlk­ur, allt frá 5 ára aldri til rúm­lega sjö­tugs. Léleg sjálfs­mynd og áhyggjur af hold­ar­fari (sem oft eru látnar ósagðar en eiga heima í hug­ar­heimi kvenna, en líka stúlkna og drengja) eru meira áber­andi í dag en fyrir þrjá­tíu árum, þrátt fyrir aukna umræðu í fjöl­miðlum um einmitt þessi mál.

Rann­sóknir sýna að almenn óánægja með sjálfs­mynd og hræðslan um að vera of feit (þó það eigi sér ekki stað í raun­veru­leik­an­um) hefur áhrif á náms­ár­angur ung­lings­stúlkna. Það leiðir ekki til falls en hefur áhrif á sjálfs­á­lit sem minnkar vel­gengni í námi. Ung­lings­stúlkur sem eru óánægðar með lík­ama sinn taka t.d. minna þátt í skól­an­um:



Á liðnum árum hafa verið auknar áherslur á að auka aðgengi kvenna á fjöl­mörgum sviðum og hefur náms­þátt­taka kvenna aldrei verið hærri. Stúlkur sjá menntun sem lyk­il­inn að fram­tíð­ar­mögu­leik­um, en þær hafa mögu­lega þegar misst af tæki­færum, jafn­vel áður en þær hefja fram­halds­nám. Þær hafa verið skot­mark feg­urð­ar­iðn­að­ar­ins frá barns­aldri, sem matar þær með útlits­kröf­um, pakkað inn sem flest allt skemmti­efni sem er aðgengi­legt ungum stúlkum í dag.

Skila­boðin eru skýr: útlitið er það sem tryggir þér örugga fram­tíð. Þessar áherslur hafa skapað óör­ugga ein­stak­linga, sem eyða gríð­ar­legum tíma í útlitstengdar hugs­anir sem valda vanlíðan.

Skila­boðin eru skýr: útlitið er það sem tryggir þér örugga fram­tíð. Þessar áherslur hafa skapað óör­ugga ein­stak­linga, sem eyða gríð­ar­legum tíma í útlitstengdar hugs­anir sem valda van­líð­an. Það jafn­framt dregur úr vits­muna­legri frammi­stöðu þeirra og gæti útskýrt hvers vegna margar konur efast um eigin getu. Það má því velta því fyrir sér hvaða efna­hags­legi ávinn­ingur tap­ast þegar mögu­leikar kvenna eru ekki full­nýttir og hverju þær myndu áorka ef allur tím­inn færi ekki í sjálf­skoðun og gagn­grýni.

Fegð­urð­ar­stað­all­inn hár



Rann­sókn Orbach á sjö­unda ára­tugnum sýnir að konur telja að útlit þeirra eigi stærstan þátt í vellíðan og mögu­legri vel­gengni á lífs­leið­inni. „Feg­urð“ er aðgöngu­miði til að falla inn í hóp­inn og ganga vel í líf­inu. Heilum iðn­aði er varið í að vernda óraun­veru­lega staðalí­mynd, þar sem módel eru fótó­sjoppuð og myndum er breytt áður en þau ná til neyt­and­ans. Og skiptir þar engu máli hvort átt er við kenn­ara, lækna, verk­fræð­ina eða heima­vinn­andi hús­mæð­ur, allar eyða þær miklum tíma í að hugsa og finna að útliti sínu.

Það sem hefur líka breyst er að nú gilda staðalí­myndir ekki ein­göngu fyrir konur en líka fyrir karl­menn og unga drengi.

Þessi rann­sókn var unnin fyrir tíma félags­legra fjöl­miðla eins og tumblr, Face­book, Instagram, og þeirra fjölda tíma­rita og tón­list­ar­mynd­banda sem við sjáum í dag. Það sem hefur líka breyst er að nú gilda staðalí­myndir ekki ein­göngu fyrir konur en líka fyrir karl­menn og unga drengi. Rann­sóknir í Dan­mörku sýna að danskir ung­lingar hafa auknar áhyggjur af útliti sínu og því að falla ekki inn í hóp­inn. Fleiri börn og ung­lingar þjást af kvíða og þung­lyndi í dag en áður og tvö­falt fleiri stelpur en strák­ar.

Áhyggj­urnar stafa af mis­mun­andi toga en það sem sér­fræð­ing­arnir eru sam­mála um er að full­komnun er nýja normið í dag. Allt þarf að vera óvenju­legt, það er „extra-or­din­ar­y,“ og það setur mikla pressu á ung­linga, ekki síst útlits­lega séð. Það sem vekur líka athygli er að það er mikil áhersla á útlit kyn­færa, en Mari­anne Lom­holt, sem rekur hjálp­ar­línu fyrir ung­linga telur að það megi rekja til auknar klám­væð­ing­ar.

„Það er athuga­vert að heyra að hár­leysi og lögun kyn­færa skiptir ung­linga svo miklu máli. Ástæðan er klár áhrif klám­iðn­að­ar­ins. Við vitum frá ótal­mörgum rann­sóknum að nán­ast allir ung­lingar horfa á klám, og þar er lík­am­inn sýndur á mjög sér­stakan og ónátt­úru­legan hátt. Meðal ann­ars eru allir lík­ams­hlutar rak­aðir hjá klám­mynda­leik­urum og kyn­færi karla eru yfir­leitt stærri en með­al­talið.“

Á ung­lings­ár­unum skiptir máli að falla inn í hóp­inn og því eru spurn­ingar um lík­amann og kyn­líf eðli­leg­ar. Hins vegar má spyrja sig hvað svo óraun­veru­legar fyr­ir­myndir gera fyrir sjálfs­á­lit barna og ung­linga þegar til lengri tíma er litið?

Á ung­lings­ár­unum skiptir máli að falla inn í hóp­inn og því eru spurn­ingar um lík­amann og kyn­líf eðli­leg­ar. Hins vegar má spyrja sig hvað svo óraun­veru­legar fyr­ir­myndir gera fyrir sjálfs­á­lit barna og ung­linga þegar til lengri tíma er lit­ið? Konur hafa upp­lifað það á eigin skinni í ára­tugi og nið­ur­stöð­urnar eru ekk­ert til að hrópa húrra fyr­ir. Sam­kvæmt tölum frá Bret­landi er fjórð­ungur sam­fé­lag­ins í megrun á hverjum tíma, stelpur byrja í sinni fyrstu megrun að með­al­tali þegar þær eru 8 ára gamlar og fimmti hver karl­maður um tví­tugt hefur reynt að taka bæti­efni til þess að „massa sig“ upp. Í Banda­ríkj­unum sjást svip­aðar tölur þegar horft er til ung­lingstelpna og skýr tengsl milli lágs sjálfs­á­lits og áhættu­sæknar hegð­un­ar.

Kven­leið­togar verða að líta vel út



Út­lits­kröf­urnar virð­ast skipta minna máli þegar karl­menn ná árangri á ákveðnu starfs­sviði en þær gera fyrir kon­ur. Útlits­kröf­urnar og full­komn­un­ar­áráttan heldur áfram fyrir kon­ur, út allt líf­ið. Og því hærra sem þær ná, hvort sem er í stjórn­sýslu eða til dæmis sem yfir­menn stór­fyr­ir­tækja, því meiri verða kröf­urn­ar.

Tökum Hill­ary Clinton sem dæmi. Útlit hennar er til umræðu reglu­lega, allt frá hári og buxna­drögt­um, til þess hvernig hún lítur út þegar hún grætur eða er reið. Í bók­inni sinni „Li­v­ing History“ hefur hún sjálf minnst á hversu fár­an­legt það sé að hárið á henni sé á milli tann­ana á fólki og hafa buxna­dragt­irnar vakið athygli, meðal ann­ars fyrir að vera lit­rík­ar.

Clinton Klæða­burður Hill­ary Clinton hefur víða orðið að umfjöll­un­ar­efn­i.

 

Hill­ary Clinton er stjórn­mála­maður og getur því verið gagn­grýnd á þeim grund­velli og það er hægt að velta því fyrir sér hversu mikið útlitið skiptir máli þegar talað er um karl­kyns stjórn­mála­menn. Nýlega benti Think Progress á kynja­mis­réttið í frétta­flutn­ingi, þar sem fjallað var um hina „exo­tísku og fal­legu Tulsi Gabb­ard“ sem er demókrati frá Hawai og hefur beitt sér fyrir utan­rík­is­málum í Banda­ríkj­un­um. Sam­kvæmt rann­sókn frá 2013 hefur óeðli­leg umfjöllun um útlit stjórn­mála­kvenna nei­kvæð áhrif á mögu­leika þeirra til kjörs, hvort sem umfjöll­unin er jákvæð eða nei­kvæð.

Háir hælar eru reglu­lega myndefni fyrir greinar sem fjalla um konur í stjórn­un­ar­stöð­um. Margar konur sem ná langt í einka­geir­anum eru reglu­lega gagn­grýndar fyrir útlit sitt. Þær þykja ýmist of kyn­þokka­fullar eða ekki nóg, sýna of mikið af brjósta­skor­unni, eða ekki nóg, þær mega ekki vera of feitar og verða að vera kven­leg­ar. Nýlega var fram­kvæmd­ar­stjóri Yahoo, Marissa Mayer gagn­rýnd fyrir að stilla sér upp eins og ljós­mynda­fyr­ir­sæta í opnu í Vogue.

­Gæti verið að margar konur ein­fald­lega treysti sér ekki í þann frum­skóg sem konur þurfa að fara í gegnum þegar þær sækj­ast eftir stjórn­un­ar­stöðum og þeirri útlits­gagn­rýni sem þær verða fyrir?

Kven­leið­tog­inn á sem sagt að vera aðlað­andi en verður gagn­rýnd ef hún er það um of. Útlitið hjá konum á að gefa í skyn að þær hafi vald­ið. Það er ekki nóg að hafa hæfi­leik­ana. En er krafan eins hjá karl­mönnum sem eru stjórn­end­ur?

Gæti verið að margar konur ein­fald­lega treysti sér ekki í þann frum­skóg sem konur þurfa að fara í gegnum þegar þær sækj­ast eftir stjórn­un­ar­stöðum og þeirri útlits­gagn­rýni sem þær verða fyr­ir? Gæti verið að ef útlits­kröf­urnar væru í sam­ræmi við fjöl­breyti­leikan sem við lifum í, að fleiri konur gætu ein­beitt sér að því sem skiptir máli? Eða er það krafan um hið full­komna útlit sem heldur aftur af konum á þeim fjöl­mörgu sviðum í atvinnu­líf­inu þar sem vantar konur í dag? Í Banda­ríkj­unum eru til að mynda færri konur sem stjórna fyr­ir­tækjum en menn sem heita John, og það sama má segja um karl­menn sem heita Peter í Ástr­al­íu, þeir eru fleiri sem kom­ast upp met­orða­stig­ann en allar kon­urnar til sam­ans.

Sjálfs­ör­yggi og vel­gengni hald­ast í hendur



Í Bret­landi hefur „Be Real“ átak­inu, eða „vertu raun­veru­leg(­ur),“ verið hrint af stað til að reyna að sporna við lík­ams­hatri. Mark­miðið er að auka sjálfs­ör­yggi kvenna og karla með heil­brigðum staðalí­myndum og fá fólk til að líða vel í eigin kroppi. Fram­takið er á þremur svið­um.

„Raun­veru­leg mennt­un“ á að hjálpa börnum og ung­lingum að fá góða sjálfs­mynd frá byrj­un, skora á for­eldra til að vera góðar fyr­ir­myndir og hjálpa ungu fólki að styðja hvort annað til að fá aukna lík­ams­virð­ingu.

„Raun­veru­leg heilsa“ á að ein­blína á heilsu umfram útlit og þyngd. Með því að virkja heilsu­rækt­ar­iðn­að­inn og heil­brigð­is­geir­ann þannig að lang­tíma lausnir fyrir góðri heilsu séu teknar fram fyrir skyndi­lausn­ir.

„Raun­veru­leg fjöl­breytni“ hvetur fjöl­miðla, aug­lýsendur og fyr­ir­tæki til þess að sýna hvernig við raun­veru­lega lítum út. Sýna fjöl­breyti­leik­ann í stærð, lög­un, kyn­þætti, aldri og getu sem heim­ur­inn er gerður úr í stað­inn fyrir að stuðla að óheil­brigðri og óæski­legri útlits­dýrk­un.

Snyrti­vöru­fram­leið­and­inn Dove sem er aðili að átak­inu, hefur hafið sína eigin her­ferð sem nefn­ist „Choose Beauti­ful“ eða „Veldu fal­leg­t.“ Her­ferðin hvetur fólk, og þá konur sér­stak­lega, til þess að sjá það fal­lega í okkur öll­um.

Í einni til­raun­inni voru þáttak­endur beðnir um að velja dyr inn í versl­un­ar­mið­stöð. Yfir ann­ari hurð­inni stóð „Fal­leg(­ur)“ og yfir hinni stóð „í með­al­lag­i.“ Nið­ur­stöð­urnar komu ekki á óvart en margar konur þorðu ekki að ganga í gegnum dyrnar med fal­lega merk­inu.

Dove vill benda á að maður getur valið að vera fal­leg og fal­legur á hverjum degi, allt eftir því hvað maður sjálfur telur vera fal­legt. En við þurfum fyrst að byrja á því að losa okkur undan viðjum staðalí­mynd­anna. Eins og með­fylgj­and­i ­mynd­skeið sýn­ir, erum við oft okkar versti gagn­rýn­andi.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bjarni Benediktsson er fjármála- og efnahagsráðherra.
Frumvarp um Þjóðarsjóð lagt aftur fram – Yrði stofnaður um áramót
Frumvarp um stofnun Þjóðarsjóðs, sem á að taka við arðgreiðslum frá orkufyrirtækjum ríkisins, hefur verið lagt aftur fram. Ekki hefur verið einhugur um hvort að um sé að ræða góða nýtingu á fjármagninu, sem getur hlaupið á hundruð milljörðum á fáum árum.
Kjarninn 16. október 2019
Þjóðlegir þræðir
Þjóðlegir þræðir
Þjóðlegir þræðir - Þjóðbúningamafían
Kjarninn 16. október 2019
Þórður Snær Júlíusson
Ofurstéttin sem er að eignast Ísland
Kjarninn 16. október 2019
Samningar sagðir vera að nást milli Breta og Evrópusambandsins
Fundað hefur verið stíft í Brussel og einnig í London, síðustu daga. Reynt er til þrautar að ná samningi um forsendur útgöngu Breta úr Evrópusambandinu.
Kjarninn 16. október 2019
Flokkar Bjarna Benediktssonar og Loga Einarssonar mælast nánast jafn stórir í nýrri könnun Zenter.
Samfylkingin mælist næstum jafn stór og Sjálfstæðisflokkur
Frjálslyndu miðjuflokkarnir þrír í stjórnarandstöðu mælast með meira samanlagt fylgi en ríkisstjórnarflokkarnir þrír í nýrri könnun. Fylgisaukning Miðflokksins, sem mældist í könnun MMR í síðustu viku, er hvergi sjáanleg.
Kjarninn 16. október 2019
AGS segir hættumerkin hrannast upp í heimsbúskapnum
Alþjóðagjaldeyrissjóðurinn segir að nú séu hagvaxtarhorfur í heimsbúskapnum svipaðar og voru fyrir fjármálakreppuna 2007 til 2009.
Kjarninn 15. október 2019
Rauður dagur á markaði - Arion banki fellur enn í verði
Rauður dagur var í kauphöll Íslands í dag. Öll félögin lækkuðu nema eitt, Origo. Virði þess félags hækkaði um tæplega 2 prósent í dag, í viðskiptum upp á 677 þúsund.
Kjarninn 15. október 2019
Landsvirkjun hækkar raforkuverð um 2,5 prósent
Heildsöluverð á raforku hjá Landsvirkjun mun hækka um 2,5 prósent um næstu áramót.
Kjarninn 15. október 2019
Meira úr sama flokkiFréttaskýringar
None