Topp 10: Bestu Eurovison lögin

logan.jpg
Auglýsing

Eurovi­son söngvakeppnin er handan við horn­ið, en und­an­úr­slitin fara fram 19. og 21. maí og sjálft úrslita­kvöldið er síðan 23. maí í sjálfu höfu­vígi hámenn­ing­ar­tón­list­ar­inn­ar, Vín­ar­borg. Krist­inn Haukur Guðna­son sagn­fræð­ingur kaf­aði ofan í sögu Eurovi­son og tók saman lista yfir tíu bestu lög keppn­innar frá upp­hafi, að hans mati.





  1. L´amour est bleu – Vicky Leandros







1967, Lúx­em­borg, 4. sæti

Lúx­em­borg var eitt af sig­ur­sæl­ustu þjóðum Eurovision, með alls fimm sigra, þar til þeir hættu snar­lega þát­töku árið 1994. Þessi smá­þjóð reiddi sig þó yfir­leitt á erlenda og þá sér­stak­lega franska laga­höf­unda og flytj­end­ur.L´amour est bleu er draumkennt popp­lag sem samið var af hinum franska André Popp og flutt af hinni grísku Vicky Leandros, sem var ein­ungis 18 ára þegar hún flutti það í Vín.  Það var þó ekki í flutn­ingi Vicky sem lagið öðl­að­ist frægð. Franski hljóm­sveit­ar­stjórn­and­inn Paul Muriat gaf lagið út án söngs þetta sama ár og sú útgáfa varð mjög vin­sæl um allan heim, þá sér­stak­lega í Asíu. Árið 2011 end­ur­flutti Leandros lag­ið, en þá í teknó-­út­gáfu ásamt þýsku raf­hljóm­sveit­inni Scoot­er.

https://www.youtu­be.com/watch?v=nD4i­b9-laGY

Auglýsing

 





  1. Den vilda - One More Time







1996, Sví­þjóð, 3. Sæti

Fyrir keppn­ina í Osló var Den vilda talið eitt sig­ur­strang­leg­asta lagið en tap­aði að lokum fyrir The Voice, einum af mörgum sig­ur­lögum Íra. Síðan hefur lagið fallið í gleymsku. Það var samið af Peter Grön­vall, syni Bennys And­ers­son úr ABBA, og flutt af hljóm­sveit hans One More Time sem hætti skömmu eftir keppn­ina. Lagið er rólegt og draumkennt og sungið af tveimur söng­kon­um. Fær­eyska söng­konan Eivör Páls­dóttir söng lagið með breyttum texta árið 2008 með Frostrósum og hét það þá Dans­aðu vindur. Útgáfa Eivarar var sló heldur betur í gegn hér á landi en þá sem jóla­lag og var loks gefin út sem smá­skífa árið 2013.

https://www.youtu­be.com/watch?v=Evn1biX­eDJ8

 





  1. Wild Dances – Rusl­ana







2004, Úkra­ína, 1. Sæti

Wild Dances er ein­hver ein­kenni­leg­asti bræð­ingur sem unnið hefur keppn­ina. Það er tölvu­popp­lag með þjóð­lagaí­vafi, stórum horn­lúðrum og dynj­andi bumbu­slætti. Flytj­and­inn Rusl­ana Lyzhychko og dans­arar hennar voru klædd í leður og loð­feld sem minnti bæði á neð­an­dals­menn og Mad Max. Með þessu fylgdi svo mikið ljósas­how, eld­tungur og eld­ing­ar. Þetta var nokk­urs konar heimsenda­at­riði. Þrátt fyrir miklar vin­sældir og frægð lags­ins var það langt því frá öruggt með sig­ur­inn í Ist­an­búl. Það var í öðru sæti í und­an­úr­slit­unum og háði harða bar­áttu við serbneska lagið Lane Moje og gríska lagið Shake It í úrslit­un­um. Rusl­ana hefur síðan notið mik­illa vin­sælda í Austur Evr­ópu. Hún vinnur mikið að góð­gerð­ar­málum og hefur setið á úkra­ínska þing­inu.

https://www.youtu­be.com/watch?v=10XR67NQcAc





  1. Nel blu dip­into di blue (Volare) – Domen­ico Modugno







1958, Ítal­ía, 3. sæti

Árangur lags­ins í Eurovision end­ur­speglar á engan hátt vin­sældir þess og áhrif. Af þeim tíu lögum sem tóku þátt, í bænum Hil­versum í Hollandi, end­aði það í þriðja sæti með innan við helm­ing af stigum sig­ur­lags­ins Dors, mon amourfrá Frakk­landi. Flytj­and­inn og laga­höf­und­ur­inn, Domen­ico Modugno, fór svo með lagið vestur til Amer­íku þar sem það sló alger­lega í gegn. Lagið varð marg­verð­launað og topp­aði vin­sælda­listana sem er óal­gengt fyrir lög sem ekki eru á ensku. Fjöl­margir heims­frægir tón­list­ar­menn hafa tekið upp sínar eigin útgáfur af lag­inu og má þar nefna Louis Arm­strong, David Bowie, The Gipsy Kings og Luci­ano Pavarotti. Frægastu útgáfu lags­ins á þó án nokk­urs vafa Dean Mart­in. Lagið er ball­aða og þykir einmitt mjög hentug fyrir Las Veg­a­s-­söngv­ara eins og Mart­in.

https://www.youtu­be.com/watch?v=70PY­IN­Hf­VjI

 





  1. Hold Me Now – Johnny Logan







1987, Írland, 1. Sæti

Írar hafa unnið Eurovision oftar en nokkrir aðr­ir, alls sjö sinn­um. Í raun voru yfir­burðir Íra og Breta ástæðan fyrir því að tungu­mála­notk­unin í keppn­inni var gefin frjáls árið 1998. Síðan þá hefur hvorug þjóðin unn­ið. Johnny Logan hefur unnið keppn­ina þrisvar sinn­um, þar af tvisvar sem flytj­andi. Hápunkt­ur­inn í Eurovision-­sögu Íra er klár­lega Hold Me Now, sem hann flutti í Brus­sel. Hann vann nokkuð örugg­lega og lagið varð vin­sælt í Evr­ópu í kjöl­far­ið. Lagið er kraft­ball­aða sem ein­ungis níundi ára­tug­ur­inn gat fram­kall­að. Hvítu fötin sem Logan klædd­ist voru einnig sér­stak­lega eft­ir­minni­leg. Það er ekki að ástæðu­lausu að hann er kall­aður Herra Eurovision.

https://www.youtu­be.com/watch?v=kSXx7-EceBA





  1. Euphoria – Lor­een







2012, Sví­þjóð, 1. sæti

Euphoria þótti lang­sig­ur­strang­leg­asta lagið fyrir keppn­ina í Azer­bai­jan 2012. Lagið vann með rúm­lega 100 stigum meira en rúss­neska lagið Party for Everybody sem lenti í öðru sæti og það var ekki langt frá því að slá stiga­met Alex­and­ers Rybak frá 2009. Það var samið af þraut­reyndu Eurovision laga­höf­und­unum Peter Boström og Thomas G:son (Gustafs­son). G:son hefur samið alls 68 lög í 11 löndum og 10 af þeim hafa kom­ist í loka­keppn­ir. Euphoria er danslag sem ber keim bæði af níunda og tíunda ára­tug sein­ustu ald­ar. Flutn­ing­ur­inn á lag­inu var stór­brot­inn. Flytj­and­inn Lor­een, sem ættuð er frá Marokkó, var ein á svið­inu í víðum fötum og dans­aði dans sem minnti helst á Kung Fu eða Karate æfing­ar. Í aðdrag­anda keppn­innar komst hún í frétt­irnar fyrir að gagn­rýna mann­rétt­inda­brot stjórn­valda í Azer­bai­j­an, keppn­is­höld­urum til mik­illar gremju.

https://www.youtu­be.com/watch?v=P­fo-8z86x80

 





  1. Satellite – Lena







2010, Þýska­land, 1. Sæti

Satellite var samið af Julie Frost, marg­verð­launum laga­höf­undi sem m.a. hefur unnið með Madonnu, Beyonce Know­les og Black Eyed Peas. Það var flutt af Lenu Meyer-Landrut sem var nýorðin 19 ára á úrslita­kvöld­inu í Osló. Bæði lagið og sviðs­fram­koman þóttu fersk og öðru­vísi. Hér var ekki um neitt ljósas­how, skær­lit­aða bún­inga og trumbu­slátt að ræða. Bak­radda­söngv­ar­arnir voru faldir og Lena var í lát­lausum svörtum kjól og dans­aði að því virt­ist óæfðan dans. Lagið þurfti ein­fald­lega engar umbúð­ir. Bjag­aður og nokkuð sér­stakur ensku­fram­burður Lenu gaf lag­inu einnig mik­inn sjarma. Fyr­ir­fram var búist við að Þjóð­verjar yrðu meðal efstu þjóða en yfir­burðir þeirra komu þó nokkuð á óvart. Þeir unnu með 76 stiga mun en þetta var aðeins annar sigur Þjóð­verja í keppn­inni.

https://www.youtu­be.com/watch?v=-qnsZgQe1tU

 





  1. Eres tu – Moceda­des







1973, Spánn, 2. Sæti

Keppnin 1973 var mjög jöfn og á end­anum stóðu heima­menn í Lúx­em­borg uppi sem sig­ur­veg­arar með lagi sem í dag þykir ekki merki­legt. Í öðru sæti lenti lagið Eres tu sem flutt var af basknesku þjóð­laga­hljóm­sveit­inni Moceda­des. Mögu­lega höml­uðu deilur um höf­unda­rétt lags­ins sigri en lagið þótti líkj­ast júgóslav­neska Eurovision lag­inu Brez besed frá árinu 1966. Lagið varð þó vin­sælt um allan heim og var flutt á ensku sem Touch the Wind. Má t.a.m. heyra lagið í hinni bráð­fyndnu kvik­mynd Tommy Boy. Fjöl­margir tón­list­ar­menn eins og t.d. Bing Crosby og Perry Como hafa spreytt sig á lag­inu. Þó að lagið hafi ekki unnið þykir það almennt vera besta fram­lag Spán­verja í sög­unni.

https://www.youtu­be.com/watch?v=JUQn­lXs­ISvg

 





  1. Love Shine a Light – Katr­ina & The Waves







1997, Bret­land, 1. Sæti

Katr­ina & The Waves var hljóm­sveit sem átti einn mega­hitt­ara á níunda ára­tugn­um. Það var lagið Walking on Suns­hine sem kom út árið 1985 og hélt þeim á floti í nokkur ár. Á tíunda ára­tugnum var bandið aftur á móti nán­ast horfið í gleymsk­unnar dá þar til það tók þátt í Eurovision. Love Shina a Light, sem er gospels­legið popp-rokk lag, vann með tölu­verðum yfir­burð­um. Lagið fékk 227 stig og  var 70 stigum á undan gest­gjöf­un­um, Írum, sem hefðu ann­ars unnið sína fimmtu keppni á sex árum. Þetta var jafn­framt stiga­met í keppn­inni sem átti eftir að standa allt til árs­ins 2004 en þá var und­an­úr­slitum bætt inn í og stiga­gjöfin bólgn­aði út. Eurovision var þó skamm­góður vermir fyrir hljóm­sveit­ina því að hún leyst­ist upp skömmu síð­ar.

https://www.youtu­be.com/watch?v=gJWn­M21JUB8

 





  1. Non ho l´etaá – Gigl­i­ola Cinquetti







1964, Ítal­ía, 1. sæti

Sigur lags­ins í Kaup­manna­höfn er sá stærsti í Eurovision sög­unni. Non ho l´etaá fékk næstum þrefalt fleiri stig en breska lagið I Love the Little Things sem end­aði í öðru sæti. Hin 16 ára gamla Cinquetti var klöppuð upp eftir flutn­ing­inn sem var óvana­legt. Í kjöl­farið varð lagið vin­sælt um alla Evr­ópu. Það varð sér­stak­lega vin­sælt hér á Íslandi, en þá ekki í flutn­ingi Cinquetti heldur Ellýar Vil­hjálms. Heyr mína bæn er einn af allra stærstu slög­urum íslenskrar tón­list­ar­sögu, tekið upp árið 1965 með texta eftir Ólaf Gauk. Lagið hefur sér­staka þýð­ingu fyrir stuðn­ings­menn K.R.  þar sem það er inn­göngu­lag knatt­spyrnu­liðs­ins.

https://www.youtu­be.com/watch?v=Ut­d9cHBPfRA

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Anna Dóra Antonsdóttir
Rammaáætlun sem sáttargjörð
Kjarninn 17. maí 2022
Tekjur ríkisins af kolefnisgjaldi aldrei verið jafn miklar og í fyrra
Ríkið hefur milljarðatekjur af losun gróðurhúsalofttegunda, bæði frá uppboðum á losunarheimildum og af kolefnisgjaldi. Féð er ekki eyrnamerkt loftslagsaðgerðum en fjármálaráðherra áætlar að framlög til loftslagsmála nemi yfir 15 milljörðum í ár.
Kjarninn 17. maí 2022
Helga Þórðardóttir varaþingmaður Flokks fólksins.
„Stjórnvöld hafa svikið leigjendur“
Leigjendur eru jaðarsettir og algerlega berskjaldaðir fyrir hentistefnu leigusala, segir varaþingmaður Flokks fólksins. Stjórnvöld verði að koma með beinar aðgerðir sem stöðva brjálsemi óhefts markaðar sem stjórnist af græðgi einstaklinga.
Kjarninn 17. maí 2022
Jón Gunnarsson er dómsmálaráðherra.
Ráðherra svarar engu um Samherjamálið þar sem það eigi ekki að lúta „pólitískum afskiptum“
Dómsmálaráðherra segir að embætti sem rannsaki sakamál fái ekki auknar fjárveitingar til að sinna rannsókn tiltekins sakamáls. Á ríkisstjórnarfundi í nóvember 2019 var hugað sérstaklega að fjármögnun rannsóknar héraðssaksóknara á Samherjamálinu.
Kjarninn 17. maí 2022
Sigríður Björk Guðjónsdóttir ríkislögreglustjóri mætti á opinn fund í allsherjar- og menntamálanefnd um fræðslu og menntun lögreglumanna um fjölmenningu og fordóma.
Segir að ekki hafi verið um kynþáttamiðaða löggæslu að ræða
Ríkislögreglustjóri segist harma það að ungur drengur skyldi hafa ítrekað orðið fyrir áreiti við leit lögreglunnar að strokufanga í síðasta mánuði. Þó sé í þessu tilviki ekki um kynþáttamiðaða löggæslu eða afskipti að ræða.
Kjarninn 17. maí 2022
Viðmiðunarverðið á bensínlítra yfir 300 krónur í fyrsta sinn
Hlutur olíufélaga í hverjum seldum bensínlítra er með lægsta móti um þessar mundir þrátt fyrir mjög hátt verð. Það bendir til þess að þau séu ekki að skila hækkunum á heimsmarkaðsverði nema að hluta út í verðlagið.
Kjarninn 17. maí 2022
Bjarni Benediktsson fjármálaráðherra lagði fram fjármálaáætlun fyrir árin 2023-2027 í mars.
Spyrja hvort framlögð fjármálaáætlun sé í samræmi við stjórnarsáttmála
ASÍ bendir á það í umsögn sinni við fjármálaáætlun að mjög takmarkað svigrúm sé til aukinna útgjalda næstu árin sem þó er fyrirséð að muni aukast mikið. Vilja efla tekjustofna ríkisins, meðal annars með komugjaldi og hækkun fjármagnstekjuskatts.
Kjarninn 17. maí 2022
Guðmundur Ingi Kristinsson þingflokksformaður Flokks fólksins.
„Á ekki að skila þessum ólöglega ránsfeng?“
Þingflokksformaður Flokks fólksins segir að álag gangi nærri heilsu fólks sem hefur lent í skerðingum á greiðslum. „Er einhver hissa að kvíði, þunglyndi, streita, svefnleysi sé að hrjá þennan hóp í boði ríkisstjórnarinnar?“ spurði hann á þingi í dag.
Kjarninn 16. maí 2022
Meira úr sama flokkiFréttaskýringar
None