Djúp spor í baráttu við ást, áföll og fyrirgefningu

Karolina fund verkefni vikunnar er leikverkið Djúp spor.

Jenný Lára og Jóel.
Jenný Lára og Jóel.
Auglýsing

Djúp spor er nýtt heim­ild­ar­verk um bar­átt­una við ást­ina, áföll og fyr­ir­gefn­ing­una. Verkið er unnið upp úr við­tölum við ein­stak­linga sem þekkja afleið­ingar ölv­un­arakst­urs af eigin raun. Verkið er unnið og leikið af Jennýju Láru Arn­órs­dóttur og Jóel Sæmunds­syn­i. 

Byggir það á raun­veru­legum atburð­um, en Jenný Lára hefur áður unnið verkið Elska með þess­ari aðferð. Elska var unnið upp úr við­tölum varð­andi hug­myndir fólks um ást­ina og sam­bönd. Það var sýnt víða á Norð­ur­landi, í Reykja­vík og á Act Alone leik­list­ar­há­tíð­inni og hlaut góðar við­tök­ur. Leik­stjóri er Bjart­mar Þórð­ar­son en hann hefur komið víða við sem leik­stjóri, drama­t­úrg og leik­ari, nú síð­ast með eigin verki, Gripa­hús­inu, í Tjarn­ar­bíói, sem var frum­sýnt í gær, og í 90(210) Garðabæ í Kassa Þjóð­leik­húss­ins. Jóel hefur aðal­lega verið að vinna við sjón­varps­þætti og kvik­myndir und­an­farið og lík­leg­ast kann­ast ein­hverjir við hann úr sjón­varps­þátt­unum Ófærð þar sem hann fór með hlut­verk Þórs.

Hver er bak­grunnur leik­hóps­ins Artik?

Leik­hóp­ur­inn Artik var stofn­aður af þeim Jennýju Láru Arn­órs­dóttur og Unn­ari Geir Unn­ars­syni árið 2012. Þá voru þau bæði til­tölu­lega nýút­skrifuð frá leik­list­ar­skól­anum KADA í London og lang­aði bæði til að flytja heim til Íslands. Þau voru á rölt­inum í miðbæ London þegar talið barst að því hvernig best væri að bera sig að þegar heim kæmi. Þar sem þau lærðu leik­list erlendis kann­að­ist lítið af bransa­fólki við þau þannig að þau vissu að ekki yrði auð­velt að fá starf við leik­húsin strax. Þau höfðu ekki heldur nein sam­bönd í kvik­mynda­iðn­að­in­um. 

Auglýsing

Þeim var því ljóst að eina leiðin væri að stofna sjálf­stæðan leik­hóp þar sem þau myndu skipt­ast á að leika og leik­stýra og fá svo aðra lista­menn til sam­vinnu. Þau hopp­uðu því næst inn í næsta Tesco, keyptu Pros­ecco og skál­uðu á Trafalgar Squ­are. Nokkrum vikum síðar fluttu þau bæði til Íslands og fljót­lega hófust æfingar á Hinum full­komna jafn­ingja eftir Felix Berg­son, þar sem Unnar lék og Jenný leik­stýrði. Verkið var svo frum­sýnd seinna um haustið á Norð­ur­pólnum og ferð­að­ist síðan á Act Alone ein­leikja­há­tíð­ina á Suð­ur­eyri sem og á alþjóð­lega hinsegin leik­list­ar­há­tíð í Dublin. 

Þá var komið að Unn­ari að leik­stýra og Jennýju að leika. Leik­verkið Blink eftir Phil Porter varð fyrir val­inu. Þriðji leik­ar­in, Haf­steinn Þór Auð­uns­son bætt­ist í hóp­inn en Sús­anna Svav­ars­dóttir þýddi verkið á íslensku. Kall­að­ist það Blik á okkar ylhýra. Og nú er komið að næsta verki, Djúpum spor­um. Í þetta sinn var ákveðið að búa til sýn­ingu alveg frá grunni, skrifa hand­ritið sjálf. Stuttu seinna var Unnar ráð­inn í stöðu for­stöðu­manns Menn­ing­ar­mið­stöðvar Fljóts­dals­hér­aðs og sá sér því ekki fært að taka þátt í upp­setn­ing­unni. En í hóp­inn bætt­ust þá þeir Jóel Sæmunds­son leik­ari og Bjart­mar Þórð­ar­son leik­stjóri.

Af hverju bar­áttan við ást, áföll og fyr­ir­gefn­ing?

Í verk­inu  eru báðar hliðar máls­ins skoð­að­ar. Við kynn­umst bæði ger­and­anum og aðstand­anda fórn­ar­lambs­ins. Í Djúpum sporum kynn­umst við Selmu og Alex sem hafa ekki hist í fimm ár. Þegar þau hitt­ast fyrir til­vilun standa þau frammi fyrir því að þurfa að gera upp drauga for­tíð­ar, ákveða hvort þau séu til­búin til að axla ábyrgð á gjörðum sínum og fyr­ir­gefa. Smám saman rað­ast saman sú atburð­ar­rás sem varð til þess að þau slitu sam­bandi og er ástæða þess að þau eiga erfitt með að halda áfram með líf sitt. 

Eitt af því þung­bærasta sem við förum í gegnum í líf­inu er þegar þegar ein­hver svíkur okkur eða gerir á okkar hlut, einkum ef það er mann­eskja sem við elsk­um. Þörfin fyrir að fyr­ir­gefa er næstum óbæri­leg – en spurn­ing hvort það er bara hægt. Stundum tekst það og stundum ekki. Það fara lang­flestir í gegnum slíkan til­finn­inga­rús­sí­bana ein­hvern­tím­ann á lífs­leið­inni. Þess vegna ættu allir að geta sam­samað sig verk­inu. Jafn­vel þótt aðstæður séu nokkuð rosa­legar í verk­inu skiljum við öll slíka til­finn­inga­á­rekstra. Fyr­ir­gefn­ing er mjög sterkt afl og við erum stöðugt að taka afstöðu til henn­ar, ekki síst í hvers kyn bata­ferl­u­m. 

Alvar­legar afleið­ingar ölv­un­arakst­urs geta verið all-rosa­legar og bata­ferlið sem fylgir er langt og strangt. Í raun­inni lýkur því aldrei. Það er alveg sama frá hvaða sjón­ar­horni þú skoðar það. Það er svo fjarri íslenskri þjóð­ar­sál að taka líf ann­arrar mann­eskju. Við erum ein frið­sælasta þjóð heims, með engan her og lög­regly sem er sjaldn­ast vopn­uð. Það var mjög sterk reynsla að skoða hvaða áhrif það hefur á mann­eskju að taka líf? Getur hún lifað með því? Fyr­ir­gefur hún sjálfri sér? Og hvað með aðstand­endur fórn­ar­lambs­ins? Hvaða áhrif hefur þetta á líf þeirra? Geta þau nokkurn tíman fyr­ir­gef­ið? Hvernig er bata­ferlið? Okkur lang­aði til að skoða hvernig áföll móta okkur og hafa áhrif á allt okkar líf. Hvernig ákvarð­anir teknar af hugs­un­ar- eða kæru­leysi geta umturnað lífi okk­ar; hvernig við tök­umst á við slíkt. Og það hefur verið ansi magnað að skoða hvað manns­sálin er ótrú­lega öfl­ugt fyrirbæri.

Hvar munu sýn­ingar á leik­verk­inu Djúp spor fara fram?

Fum­sýn­ing á Djúpum sporum verður í Tjarn­ar­bíói 31. mars næst­kom­andi, en leik­hóp­ur­inn fékk sam­starfs­samn­ing við leik­húsið með sýn­ing­una. Einnig stendur yfir söfnun á Karol­ina Fund þar sem hægt er að tryggja sér miða með því að styrkja sýn­ing­una fyr­ir­fram og þar með hjálpa hópnum við að búa sem best um sýn­ing­una.

Verk­efnið er að finna hér.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þriðjungsfjölgun í Siðmennt á rúmu einu og hálfu ári
Af trúfélögum bætti Stofnun múslima á Íslandi við sig hlutfallslega flestum meðlimum á síðustu mánuðum. Meðlimum þjóðkirkjunnar heldur áfram að fækka en hlutfallslega var mesta fækkunin hjá Zúistum.
Kjarninn 11. júlí 2020
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Eldishús með Aviary Pro 10 varpkerfi frá Hellmann sambærilegt kerfum sem verða í notkun að Vallá.
Stjörnuegg vill fjölga fuglum í allt að 95 þúsund að Vallá
Fyrirtækið Stjörnuegg hf. áformar breytingar á eldishúsum sínum að Vallá á Kjalarnesi sem yrðu til þess að hægt væri að koma þar fyrir 95 þúsund fuglum í stað 50 þúsund nú. Slíkum fjölda fylgja um 3.500 tonn af hænsnaskít á ári.
Kjarninn 11. júlí 2020
Kristján Þór Júlíusson, sjávarútvegs- og landbúnaðarráðherra.
Kvótaþak óbreytt í tillögum – sem og hvað aðilar þurfi að eiga hvor í öðrum til að teljast tengdir
Lokaskýrsla verkefnastjórnar um bætt eftirlit með fiskveiðiauðlindinni hefur litið dagsins ljós og hefur hún verið afhent Kristjáni Þór Júlíussyni, sjávarútvegsráðherra. Einn stjórnarmeðlimur setur sérstakan fyrirvara við skýrsluna.
Kjarninn 10. júlí 2020
Pottersen
Pottersen
Pottersen – 39. þáttur: Naumlega sloppið!
Kjarninn 10. júlí 2020
Meira úr sama flokkiFólk
None