„Við höfum auð­vitað veru­legar áhyggj­ur,“ sagði Katrín Jak­obs­dóttir for­sæt­is­ráð­herra að loknum rík­is­stjórn­ar­fundi í hádeg­inu þegar hún ásamt Willum Þór Þórs­syni heil­brigð­is­ráð­herra kynntu hertar sam­komu­tak­mark­anir að loknum rík­is­stjórn­ar­fundi í hádeg­inu.

20 manna sam­komu­bann tekur gildi á mið­nætti annað kvöld, og gildir næstu þrjár vikur eða til 13. jan­ú­ar. Þá verða 200 manna hólf verða skil­greind á fjölda­sam­komum og þar verður nei­kvæðra hrað­prófa kraf­ist. Katrín segir þetta ekki skemmti­leg tíð­indi að flytja þjóð­inni í aðdrag­anda jóla. Mark­miðið sé samt sem áður að halda sam­fé­lag­inu gang­andi eins og kostur er. Reglur á landa­mærum verða óbreyttar til 15. jan­ú­ar.

Í minn­is­blað­inu sem sótt­varna­læknir skil­aði til heil­brigð­is­ráð­herra í gær er lagt til aðgrunn­skól­ar, fram­halds­skólar og háskólar hefji ekki starf­semi fyrr en 10 jan­ú­ar. Ekki var fall­ist á þá til­lögu en Willum segir að ráð­herra skóla­mála muni ræða við skóla­stjórn­endur um skóla­hald að loknu jóla­fríi. Ekki hefur komið til tals að loka leik­skól­um.

Sund­laugar og lík­ams­rækt­ar­stöðvar mega taka við helm­ingi færri gestum en vana­lega og afgreiðslu­tími veit­inga- og skemmti­staða verður styttur enn frek­ar. Þá verður tveggja metra nálægð­ar­regla tekin upp í stað eins metra reglu nú. Um átta mán­uðir eru síðan 20 manna sam­komu­tak­mark­anir voru síð­ast í gildi hér á landi.

Blanda af tveimur far­öldrum

Thor Aspelund, pró­fessor í líf­töl­fræði við Háskóla Íslands, segir stöð­una ískyggi­lega í færslu á Face­book í morgun þar sem hann fjallar um vöxt far­ald­urs­ins. Thor talar um nýjan Covid-veru­leika þar sem tvö­föld­un­ar­tími ómíkron-af­brigð­is­ins sé nær því að vera tveir til þrír dag­ar, auk þess sem delta-af­brigðið sé enn að grein­ast og því sé um blöndu af tveimur far­öldrum að ræða.

12 sjúk­lingar liggja á Land­spít­ala með Covid-19 og er með­al­aldur þeirra 58 ár. Tveir eru á gjör­gæslu og annar þeirra í önd­un­ar­vél. 2.035 eru í eft­ir­liti á Covid göngu­deild spít­al­ans, þar af 718 börn. Frá því að fjórða bylgja far­ald­urs­ins hófst í lok júní hafa 235 lagst inn á Land­spít­ala.

57 pró­sent þjóð­ar­innar mót­tæki­leg fyrir alvar­legum veik­indum af völdum ómíkron

Þórólfur Guðna­son sótt­varna­læknir segir í nýjum pistli á covid.is að ósk­hyggja megi ekki blinda sýn okkar þó að bólu­setn­ing gegn Covid-19 hafi vissu­lega skilað miklu í bar­átt­unni við far­ald­ur­inn.

77 pró­sent lands­manna hafa fengið tvær bólu­setn­ingar og um 43% þrjá skammta eða svo­kall­aða örv­un­ar­bólu­setn­ingu. Þórólfur segir þessa góðu þátt­töku skila árangri en stað­reyndin sé samt sem áður sú að 57 pró­sent þjóð­ar­innar er mót­tæki­leg fyrir alvar­legum veik­indum af völdum ómíkron-af­brigð­is­ins þar sem nið­ur­stöðu rann­sókna sýna að vernd að völdum fyrri sýk­inga og vernd af bólu­setn­ingum eru hins vegar minni en gegn delta-af­brigð­inu.

„Við verðum að nýta okkur þær upp­lýs­ingar sem liggja fyrir um raun­veru­legan árangur bólu­setn­ing­anna og leggja þannig mat á þá hættu sem stafar af COVID-19. Sam­fé­lags­legum aðgerðum þarf jafn­framt að beita á hóf­legan og skyn­sam­legan máta til að vernda heil­brigði almenn­ings,“ segir Þórólfur í pistli sín­um.