Eng­inn af þeim 224 sem var um borð í flug­vél rúss­neska flug­fé­lags­ins Kogalyma­via, í flugi númer KGL9268, komst lífs af þegar flug­vélin fórst í Egypta­landi í morg­un, en hún var á leið frá Sharm el-S­heikh við Rauða­hafið til St. Pét­urs­borg­ar. Hún fórst um tutt­ugu og tveimur mín­útum eftir flug­tak.

Vladímir Pútín, for­seti Rúss­lands, hefur lýst yfir þjóð­ar­sorg í Rúss­landi og fyr­ir­skipað rann­sókn á orsökum þess að vélin fórst. Nær allir um borð voru Rúss­ar, aðal­lega ferða­menn. Þrír ein­stak­lingar frá Úkra­ínu voru um borð, af þeim 217 far­þegum sem voru í vél­inni. Áhöfnin vél­ar­innar taldi sjö tals­ins. 

Sam­kvæmt fréttum breska rík­is­út­varps­ins BBC voru 138 konur í vél­inu og sautján börn á aldr­inum tveggja til sautján ára. Aðstæður á vett­vangi slyss­ins er sagðar skelfi­leg­ar. Hin svo­kall­aði svarti kassi, sem geymir upp­lýs­ingar um sam­skipti og aðgerðir flug­manna, er þegar fund­inn og hefur verið fjar­lægður af vett­vangi til rann­sókn­ar. 

Pútín hefur farið fram á að rúss­neskt rann­sókn­arteymi fari strax á vett­vang til að stýra sjálf­stæðri rann­sókn. Ekk­ert hefur verið gefið upp um ástæður þess að vélin fór­st, enda rann­sókn á frum­stigi.