Sam­kvæmt frum­varpi til fjár­auka­laga fyrir þetta ár, sem hefur verið birt á vef Alþingis, verður tutt­ugu millj­arða afgangur af rekstri rík­is­ins á þessu ári í stað 3,5 millj­arða afgangi eins og fjár­lög gerðu ráð fyr­ir. 

Mestu munar um hærri arð­greiðslur í rík­is­sjóð frá dótt­ur­fyr­ir­tækjum þess, einkum Lands­bank­an­um, en þær nema um fimmtán millj­örð­um.

Þá er ekki tekið til­lit til stöð­ug­leika­fram­lags frá slita­búum hinna föllnu banka, nema 379 millj­örðum króna, í sam­hengi við fram­kvæmd áætl­unar um losun fjár­magns­hafta.

Tekjur verða um 26 millj­örðum hærri en gert var ráð fyr­ir, en arð­greiðslur nema um fimmtán millj­örðum af þeirri fjár­hæð. Skatt­tekjur vegna fjár­magnstekju­skatts og tekju­skatt verða einnig hærri en gert var ráð fyr­ir. 

Útgjöld verða einnig mun hærri en fjár­lög gerðu ráð fyr­ir, og munar þar tæp­lega tíu millj­ör­u­m. 

Vega­gerðin mun fá tæp­lega þriggja millj­arða við­bót­ar­fram­lag, sam­kvæmt fjár­auka­lög­un­um, emb­ætti sér­staks sak­sókn­ara um 400 millj­ónir og fram­kvæmda­sjóður ferða­manna­staða 850 millj­ón­ir. Þá nemur við­bót­ar­fram­lag til Sjúkra­trygg­ina rúm­lega tveimur millj­örðum króna.

Frum­varp­inu var dreift í þing­inu 31. októ­ber síð­ast­lið­inn, og á vafa­lítið eftir að teka frek­ari breyt­ingum við með­förum þings­ins.