Í óvís­inda­legri könnun sem Stefán Jón Haf­stein hef­ur fram­kvæmt innan Face­book-hóps­ins „Hlut­verk for­seta“ kemur fram að um 80 pró­sent aðspurðra telja for­seta Íslands áhrifa­vald í íslensku sam­fé­lagi eins og emb­ætt­i hans hefur þró­ast og 70 pró­sent telja mik­il­vægt að for­seti hafi synj­un­ar­vald. Flest­ir vilja þó að það sé notað var­lega eða aðeins í örygg­is­skyni. Þrátt fyrir mik­inn ­stuðn­ing við synj­un­ar­valdið telja flestir þeirra sem svara könnun Stef­áns Jóns að leik­reglur um beit­ingu þess séu óskýrar og meiri­hluti telur að ­synj­un­ar­valdið eigi heima hjá bæði þjóð og for­seta. Um 48 pró­sent þátt­tak­enda telja að for­set­inn eigi að vera áhrifa­valdur í þágu mál­efna sem hann kýs að setj­a á­odd­inn í ræðu og riti en að hann eigi ekki að blanda sér í átaka­mál líð­and­i ­stundar og um helm­ingur segir að starfstengd reynsla og per­sónu­leg­ir eig­in­leikar sem við­kom­andi telur að komi sér vel fyrir þjóð­höfð­ingja skipt­i ­jafn miklu máli þegar kemur að vali á for­seta.

Könn­un­inni var hleypt af stokk­unum með bréfi til um 250 ein­stak­linga í októ­ber sem höfðu vakið athygli Stef­áns Jóns á und­an­förnum árum „fyr­ir­ að villja leggja gott til mála“. Sam­hliða setti Stefán Jón á fót Face­book-hóp­inn „Hlut­verk for­seta“. Í bréf­inu stóð m.a. að for­seta­kosn­ing­arnar á næsta ári get­i ­markað tíma­mót í stjórn­mála­menn­ingu Íslands. „For­­set­i Ís­lands er áhrifa­­vald­­ur, afstaða hans til sam­­fé­lags­­mála er mik­il­væg eins og ráða má af fram­­göngu allra þeirra sem gegnt hafa emb­ætt­inu á lýð­veld­is­­tím­an­­um. Því miður er staðan sú að stjórn­­­ar­­skrá­in gef­ur tals­vert svig­­rúm til­ frjáls­­legr­ar túlkn­un­ar á hlut­verki og fram­­göngu for­­seta. Næsti for­­set­i Ís­lands þarf að hafa skýrt umboð til að tala máli al­­manna­hags­muna og beita á­hrif­um emb­ætt­is­ins til góðs“.

Í gegnum Face­book-hóp­inn „Hlut­verk ­for­seta“ hefur Stefán Jón síðan safnað saman svörum við ýmsum spurn­ingum er varða hlut­verk for­set­ans á und­an­förnum vik­um. Hann hefur nú tekið svörum við þessum spurn­ingum saman og birt. Alls tóku um sjö hund­ruð manns þátt í könn­un ­Stefán Jóns og var þátt­taka val­frjáls. Þ.e. þátt­tak­endur voru ekki valdir með­ slembi­úr­taki. Því er ekki um félags­vís­inda­lega önnun að ræða og svörin ekki ­töl­fræði­lega mark­tæk fyrir þjóð­ina alla. Til­gangur könn­un­ar­innar var enda sá að kanna afstöðu þess hóps sem þátt tók til nokk­urra lyk­il­spurn­inga og í sam­an­tekt ­sem Stefán Jón hefur sent frá sér vegna hennar seg­ir: „Í flestum til­vikum er um mjög afger­andi afstöðu að ræða hjá hópnum svo könn­unin gefur býsna skýra mynd af því hvernig þessir áhuga­menn meta emb­ætt­ið“.

Nið­ur­stöður könn­un­ar­innar má ­lesa í heild sinni hér.

Stefán Jón hefur ítrek­að verið orð­aður við fram­boð til for­seta Íslands, en fimmta kjör­tíma­bili Ólafs Ragn­ars Gríms­sonar lýkur á næsta ári. Hann upp­lýsir þó ekki um hvort hann ætli sér að láta af því verða, hvorki í nið­ur­stöðu­skjal­inu né í aðsendri ­grein sem birt­ist í dag á Kjarn­an­um.