365 miðl­ar, stærsta einka­rekna fjöl­miðla­fyr­ir­tæki lands­ins, tap­aði 1.360 millj­ónum krónum á árinu 2014. Fyr­ir­tækið hagn­að­ist hins vegar um 106 millj­ónir króna á fyrri hluta árs­ins 2015. Þetta kemur fram í til­kynn­ing­u ­sem 365 miðlar sendu frá sér vegna afkomu sinnar í dag. 

Í til­kynn­ing­unni segir að stóran hluta taps­ins á árinu 2014 ­megi  „rekja til kostn­aðar vegna ­sam­ein­ing­ar, end­ur­skipu­lagn­ing­ar, nið­ur­færslu dag­skrár­birgða og sér­stakra af­skrifta sem sam­tals nemur um 1.071 millj­ónum króna“.

Sala jókst um 24 pró­sent á fyrri hluta árs­ins 2015 og nam ­sam­tals um 5,6 millj­örðum króna. Á fyrri hluta árs­ins 2014 nam sala 365 4,5 millj­örðum króna.

Þá segir að 365 hafi nýlega ákveðið að fara í útboð með öll banka­við­skipti sín "og þar með und­ir­búa félagið betur fyr­ir­ ­mögu­lega skrán­ingu félags­ins í Kaup­höll Íslands­". 

Í kjöl­farið valdi félagið að ganga til samn­inga við Arion ­banka og segir að það muni minnka fjár­magns­kostnað félags­ins "veru­lega" frá árinu 2014. 

365 greiddi 372 millj­ónir vegna öfugs sam­runa

Í til­kynn­ing­unni kemur fram að Yfir­skatta­nefnd hafi úr­skurðað að 365 hafi ver­ið  óheim­ilt að ­draga vaxta­gjöld frá skatt­skyldum tekjum árin 2009-2014. Málið snýst um nið­ur­fell­ingu vaxta á lán­um ­sem eru til­komin vegna öfugs sam­runa Rauð­sólar ehf. og 365 miðla þann 1. jan­ú­ar 2009. Rauð­sól, sem þá var í eigu Jóns Ásgeirs Jóhann­es­son­ar, keypti 365 miðla af 365 ehf. í nóv­em­ber 2008 á 1,5 millj­arð króna og með yfir­töku á hluta af skuldum félags­ins. Gamla 365 ehf., sem var end­ur­nefnt Íslensk afþrey­ing ehf., fór í þrot og kröfu­hafar þess töp­uðu 3,7 millj­örðum króna. Í dag er Ingi­björg Pálma­dótt­ir, eig­in­kona Jóns Ásgeirs, aðal­eig­andi 365 miðla. 

Í árs­reikn­ingi 365 miðla fyrir árið 2013 sagði að ef málið myndi tap­ast gæt­i „það haft veru­leg áhrif á eig­in­fjár- og lang­tíma­stöðu félags­ins“.

Nú hefur málið tap­ast og 365 miðlar hafa þurft að greiða 372 millj­ónir króna í end­ur­á­lagn­ingu. Í til­kynn­ing­unni sem send var út í dag seg­ir að stjórn 365 hafi „ákveðið að fara með málið fyrir dóm­stóla enda málið að mat­i ráð­gjafa félags­ins frá­brugðið þeim málum sem þegar hafa komið til kasta ­dóm­stóla. 365 hefur greitt álagn­ing­una en mun höfða dóms­mál til að fá henn­i hnekkt“.

Árið 2014 um margt sér­stakt

Í frétta­til­kynn­ing­unni er haft eftir Sæv­ari Frey Þrá­ins­syni, for­stjóra 365 miðla, að árið 2014 hafi verið um margt sér­stakt. " 365 hafði þá ný hafið starf­semi á fjar­skipta­mark­aði, sem hafði tíma­bundið í för með sér­ ­aukin kostnað fyrir félag­ið. Tekju­vöxtur var tölu­verður eða 13% í áskrift­ar­sölu sjón­varps, aug­lýs­inga­sala var und­ir­ vænt­ingum en jókst um 3%, fjar­skipta­tekjur juk­ust umtals­vert eða um 877% milli ára í kjöl­far sam­ein­ingar við Tal. ­Mörgum mik­il­vægum verk­efnum lauk á síð­asta ári sem styrktu rekstr­ar­grund­völl 365 til lengri tíma. Þar ber fyrst að telja sam­ein­ing við Tal sem rennir enn frek­ari stoðum undir fjar­skipta­rekstur félags­ins. Gengið var frá­ end­ur­fjár­mögnun félags­ins og á árinu voru sam­ein­aðir A- og B-flokkar hluta­fjár og hlutafé aukið í nýjum B-flokki hluta­fjár um 445 millj­.kr. Jafn­framt var gripið til umfangs­mik­illa hag­ræð­ing­ar­að­gerða, skorið niður í manna­hald­i og yfir­stjórn sem og kostnaðarlækk­unum náð fram í samn­ingum við birgja.[...]. Horfur í rekstri eru góðar en seinni hluti árs­ins er að jafn­aði betri en fyrri."