Barack Obama, for­seti Banda­ríkj­anna, sagði að loknum fundi sínum með Francois Hollande, for­seta Frakk­lands, í Was­hington DC í dag, að nauð­syn­legt væri að efla sam­starf við Frakka til að berj­ast gegn hryðju­verka­sam­tökum eins og íslamska rík­inu (Da­es­h), en ekki síður til að vinna heild­rænt að örygg­is­málum í heim­in­um. Upp­lýs­inga­flæði þyrfti að grund­vall­ast af trausti og sam­vinnu á mörgum sér­fræðisvið­um. „Aukið sam­starf við Frakka er lyk­ill­inn að árangri,“ sagði Obama, en Hollande hafði áður ítrekað svipuð skila­boð. 

Hollande sagði mik­il­vægt fyrir þjóðir heims­ins að átta sig á hætt­unni sem fylgdi íslamska rík­inu og upp­gangi þess, einkum í Írak og Sýr­land. Aðferðir hryðju­verka­manna væru ómann­úð­legar og ögrun við mann­kyn­ið. Það væri óhjá­kvæmi­legt að berj­ast af hörku gegn þessum upp­gangi, og ekki síður gegn tengsla­neti manna sem til­heyrðu hryðju­verka­sam­tökum og væru til­búnir að beita vopnum gegn sak­lausu fólki. „Hver mín­úta getur skipt máli í þeirri vinn­u,“ sagði Hollande, og ítrek­aði að hann ætl­aði sér að halda áfram að beita sér fyrir auknu sam­starfi þjóða heims­ins. Hann mun funda með Ang­elu Merkel, kansl­ara Þýska­lands, á morg­un, Vladímir Pútín, for­seta Rúss­lands, skömmu fyrir mán­að­ar­mót­in, og fleiri þjóð­ar­leið­tög­um, sem geta lagt sitt af mörkum með hern­að­ar­að­gerð­um.

Hollande hefur opin­ber­lega lýst yfir stríði gegn íslamska rík­inu (Da­esh) eftir að hryðju­verka­menn myrtu 130 manns og særðu hund­ruð til við­bót­ar, í árásum í París 13. nóv­em­ber síð­ast­lið­inn. Gríð­ar­lega umfangs­miklar lög­reglu­að­gerðir eru enn í gangi í Frakk­landi, Belg­íu, Þýska­landi og víð­ar, sem miða að því að draga úr hryðju­verkaógn, upp­lýsa um alla þætti sem tengj­ast árás­unum og ná þeim sem að árás­unum stóðu. Sam­hlið eru hern­að­ar­að­gerðir í Sýr­landi við­var­andi og er loft­árásum beitt gegna víga­mönnum íslamska rík­is­ins.

Obama ítrek­aði í máli sínu að 65 þjóðir heims­ins væru nú að vinn saman að aðgerðum í Sýr­landi sér­stak­lega, en einnig í Írak og Afganist­an. Rúss­land og Íran væru í sam­vinnu með stjórn­ar­her Assads í Sýr­landi, en það væri mikið kapps­mál að Rússar kæmu í sam­starf með banda­lagi þjóð­anna 65 sem væru að starfa sam­an. Assad væri ekki treystandi, og því þyrftu Rússar að taka í sátta­hönd alþjóða­sam­fé­lags­ins svo að sam­eig­in­legar aðgerðir gætu haf­ist. 

Hollande tók undir þetta, og sagði það kapps­mál að auka sam­vinnu í hern­að­ar­að­gerð­um. Þannig væri best tryggt að hryðju­verka­menn næðu ekki að ógna almenn­ing­i.