Fjár­laga­frum­varp fyrir árið 2016 er til­búið til ann­arrar umræðu með breyt­ing­ar­til­lögum og nefnd­ar­á­liti. Frum­varpið var tekið úr fjár­laga­nefnd eftir fund hennar fyrir hádegi í dag. Frá þessu greinir Vig­dís Hauks­dótt­ir, for­maður fjár­laga­nefnd­ar, í stöðu­upp­færslu á Face­book. 

Kjarn­inn greindi frá því í gær að umræðum um fjár­laga­frum­varpið verður haldið áfram eftir helgi, von­andi á mánu­dag, sam­kvæmt Ein­ari K. Guð­finns­syni, for­seta Alþing­is. Þá mun hefj­ast önnur umræða um frum­varp­ið, en hún átti sam­kvæmt starfs­á­ætlun þings­ins að fara fram þann 26. nóv­em­ber síð­ast­lið­inn. Á mánu­dag verður því komin 12 daga seinkun á starfs­á­ætl­un­inn­i. 

Árni Páll Árna­son, for­maður Sam­fylk­ing­ar­inn­ar, vakti athygli á því á Alþingi í gær að meiri­hluti fjár­laga­nefndar Alþingis væri ekki búin að skila af sér breyt­ing­ar­til­lögum sínum fyrir aðra umræðu fjár­lag­anna. „Þriðja umræða fjár­laga átti að fara fram í gær og maður spyr sig: Hvað veld­ur?“ Árni Páll sagði ótrú­legan skort á verk­stjórn af hálfu for­ystu fjár­laga­nefndar og rík­is­stjórn­ar­inn­ar. „Ég verð því að spyrja virðu­legan for­seta: Hvenær getur þá önnur umræða fjár­laga farið fram og mun for­seti ekki fara að tryggja það að for­usta fjár­laga­nefndar hætti að móðga fólk úti í bæ og fari að vinna vinn­una sína?“ 

Vig­dís sagði í sam­tali við Kjarn­ann í gær þegar þetta var orðið ljóst að hún væri „al­gjör­lega óstressuð yfir því“ að seinkun væri komin á afgreiðslu fjár­laga. Hún sagði það vera til þess fallið að skapa úlfúð þegar rætt væri um að umræður muni ekki stand­ast starfs­á­ætlun þings­ins og stjórn­ar­and­staðan hugsi ekki um dag­skrá þings­ins þegar hún stund­aði mál­þóf. 

Fjár­laga­nefnd hefur nú afgreitt breyt­inga­til­lögur og nefnd­ar­á­lit, sam­kvæmt því sem for­maður hennar segir á Face­book.