Sam­tals fá 17 eft­ir­lits­stofn­anir rík­is­ins um 13.134 millj­ónir króna á næsta ári úr rík­is­sjóði. Það er 5,8 pró­sent meira en þær ­fengu á þessu ári, þegar 12.409 millj­ónir króna runnu til þeirra. Alls aukast ­út­gjöld til eft­ir­lits­stofn­ana því um 725 millj­ónir króna á næsta ári. Mesta  aukn­ingin er til Sam­göngu­stofu (144 millj­ónir króna) og Mat­væla­stofn­unar (136 millj­ón­ir króna). Frá þessu er greint í Morg­un­blað­inu.

Þar er rætt við Guð­laug Þór Þórð­ar­son, þing­mann Sjálf­stæð­is­flokks­ins og vara­for­mann fjár­laga­nefnd­ar. Hann segir rík­is­stofn­an­ir ­sporna við sparn­aði með öllum til­tækum ráð­um. „Það gengur erf­ið­lega að spara hjá stofn­un­um. Kerfið ver sig með öllum ráð­um. Það skortir skiln­ing á mik­il­væg­i þess að gæta aðhalds í rík­is­fjár­málum og hafa í þessu til­felli ein­falt og skil­virkt eft­ir­lits­kerfi. Þetta er útlagður kostn­aður skatt­greið­enda og það er líka í þessu fólg­inn mik­ill óbeinn kostn­aður fyrir atvinnu­lífið og fólkið í land­inu, eins og allir vita... Fjár­lögin eru ill­skilj­an­leg og það er iðu­lega verið að ræða smærri mál í stað þess að ræða stóru mál­in.“

Guð­laugur Þór segir að tregðu­lög­málið sé hrika­lega ­sterkt. Til að taka á þessum hlutum þurfi að vera sam­spil fram­kvæmda­valds og ­þing­meiri­hluta. „Það virð­ist vera svo að þótt menn séu í orði kveðnu til­búnir í breyt­ingar þá vantar upp á að þeim sé hrint í fram­kvæmd.“