Athafna­konan Þór­dís Sig­urð­ar­dótt­ir, fyrrum stjórn­ar­for­maður Teymis og ­systir Hreið­ars Más Sig­urðs­son­ar, segir að bróðir sinn sitji í fang­elsi „af því að þjóðin hefur úthýst hon­um“. Þetta kemur fram í stöðu­upp­færslu sem hún sett­i inn á Face­book í dag. Hreiðar Már, sem er fyrrum for­stjóri Kaup­þings á Íslandi, hefur hlotið nokkra þunga dóma vegna hrun­mála og afplánar nú sex ára fang­els­is­dóm á Kvía­bryggju. Hann bíður auk þess dóms í svoköll­uðu CLN-­máli þar sem sér­stakur sak­sókn­ari hefur farið fram á að ákvæð­i um hegn­ing­ar­auka verði nýtt þannig að Hreiðar fái alls níu ára dóm.

Þór­dís segir að með­ferðin á bróður hennar og fram­kom­a ­gagn­vart honum sé „Íslandi til skammar því aftur og aft­ur hafa grund­vallar reglur rétt­ar­fars­ins verið brotn­ar. Allir hafa horft í gegn­um f­ingur sér með það - þetta er of stórt til að klikka á ein­hverjum laga­leg­um ­at­rið­um. Þjóðin og emb­ætt­is­menn hennar telja sér trú um að þetta sé gert til að ­full­nægja rétt­læt­inu - sefa reiði þjóð­ar­inn­ar. Það hafi verið óeðli­legt hvern­ig og hvað var í gangi á árunum í upp­gang­in­um. Það beri að refsa!.“

Ver­ið að byggja sjúkra­hús fyrir pen­ing­anna úr bank­anum

Hún segir bróður sinn ekki vera sak­aðan um að hafa hagn­ast á gjörðum sínum í einu ein­asta máli sem höfð­að hefur verið gegn hon­um. „Nei, en samt skal hann sitja inni og það eru engir smá ­dómar takk fyr­ir. Í fyrstu var logið upp á að hann hefði stolið öllu verð­mæt­u­m úr bank­anum en hvað hefur komið í ljós - íslenska ríkið er að verða skuld­laust og það sem meira er það á að byggja nýtt sjúkra­hús fyrir pen­inga og eignir sem voru í bank­anum - ég spyr hver er glæpa­mað­ur­inn? Hver stelur hverju frá­ hverj­um?

Á árinu 2016 á ég þá ósk heitasta að illska og hatur hætti, ég á þá ósk að rétt­ar­kerfið og þeir sem ber­a á­byrgð á því átti sig á því órétt­læi og skömm sem hefur við­geng­ist. Ég á þá ósk að þjóðin snúi frá heiftri og hatri. Ég á þá ósk að rétt­læti ein­kenn­i á­kvarð­anir og gjörð­ir. Er það of mik­ið? Ég á þá ósk að ég elski Ísland!“

Þór­dís segir líka frá því að hún og fjöl­skylda hennar hafi fengið hinn hol­lenska Ang­elo í heim­sókn yfir­ há­tíð­arn­ar, en hann bíður örlaga sinna eftir að hafa verið kærður fyrir að smygla 23 kílóum af fíkni­efnum til lands­ins í slag­togi við tvo aðra menn. Frétta­blaðið hafði áður greint frá því að Þór­dís ætl­aði sér að bjóða Ang­elo í mat yfir hátíð­arnar og að Hreiðar Már hefði kennt honum á þvotta­vél á meðan að þeir afplán­uðu saman á Kvía­bryggju.