Ólaf­ur Ragnar Gríms­son, for­seti Íslands, flutti færri ávörp og ­form­legar kveðjur á þessu ári en nokkru sinni fyrr frá árin­u 1996. Þetta kemur fram í grein Guðna Th. Jóhann­es­son­ar, dós­ents í sagn­fræði við Háskóla Íslands, í Kjarn­anum í dag.

„Í árs­lok er málum því svo komið að hinn sterki, bjart­sýni og óút­reikn­an­legi for­seti hefur helgað sér sviðið og athygl­ina. Efst á lista tíma­rits­ins Man um hund­rað valda­mestu Íslend­ing­ana trón­aði Ólafur Ragnar Gríms­son. Í könn­unum á árinu var naumur meiri­hluti lands­manna einatt ánægður með störf for­seta, um fjórð­ungur ekki og hinir tóku ekki afstöðu. For­seti virt­ist enn í fullu fjöri þótt merkja megi af dag­skrá hans að atorkan er ekki eins mikil og áður. Þannig flutti Ólaf­ur færri ávörp og form­legar kveðjur á þessu ári en nokkru sinni fyrr frá 1996,“ skrifar Guðni í grein­inn­i. 

For­seta­emb­ættið birtir á heima­síðu sinni yfir­lit yfir ræður og ávörp for­set­ans og miðað við þann lista fyrir árið 2015 hafa ræð­ur, fyr­ir­lestrar og ávörp verið 22 tals­ins á þessu ári. Það er þessi listi sem Guðni vísar í. 

Þess er vænst að Ólafur Ragnar til­kynni það í nýársávarpi sínu 1. jan­úar hvort hann hyggst láta af emb­ætti í sumar eða bjóða sig fram til for­seta í sjötta skipti. Hann til­kynnti það raunar í nýársávarp­inu í byrjun 2012 að hann hygð­ist ekki bjóða sig fram en snérist svo hugur eftir áskor­anir um að halda áfram. Árið 2011, árið fyrir síð­ustu kosn­ing­ar, flutti Ólafur Ragnar 42 ávörp og form­legar kveðj­ur.