Svanur Krist­jáns­son, pró­fessor í stjórn­mála­fræði við Háskóla Íslands sem stýrði kosn­inga­bar­átt­u P­írata í síð­ustu sveit­ar­stjórn­ar­kosn­ingum ásamt öðrum, segir engan í röð­u­m P­írata sem hann þekki ganga að kosn­inga­sigri flokks­ins sem vís­um­. ­Kosn­inga­þát­taka ungs fólks, þar sem stuðn­ingur við Pírata mælist mjög mik­ill, hafi verið mjög léleg í sveit­ar­stjórn­ar­kosn­ing­unum í Reykja­víkur 2014, þar sem ein­ungis 40 pró­sent ungs fólks undir 30 ára hafi kos­ið. Kosn­inga­sigrar vinnist ekki í sýnd­ar­ver­öld netheima heldur með ötulli vinnu margra í „kjöt­heim­um“. Þetta kemur fram í stöðu­upp­færslu sem Svanur birti á Face­book í gær. Þar seg­ir einnig: „Þegar upp er staðið skipta „li­kes" og pistlar á net­in­u (eins og þessi)fremur litlu. Atkvæðin í kjör­köss­unum skipta þar öllu máli. Nenn­i unga fólkið ekki að kjósa sigra flokkar hins gamla Íslands.“

Yfir helm­ingur ungs fólks ætlar að kjósa Pírata

Píratar hafa nú mælst stærsti flokkur lands­ins, og með­ ­meira en 30 pró­sent fylgi, í meira en ár. Fylgið hefur verið að aukast und­an­farna mán­uði og í síð­ustu könn­unum hefur það mælst á bil­inu 35 til 42 ­pró­sent.

Í könnun MMR sem gerð var á tíma­bil­inu 12. til 20. jan­ú­ar 2016 var greint hvernig fylgi flokka skipt­ist milli ýmissa hópa, meðal ann­ar­s ald­urs­hópa. Þar koma fram að meira en helm­ing­ur ungs fólks, á aldr­inum 18 til 29 ára segj­ast myndu kjósa Pírata í næst­u Al­þing­is­kosn­ing­um, eða 54 pró­sent. 15 pró­sent aðspurðra í sama ald­urs­hópi ­segj­ast myndu kjósa Sjálf­stæð­is­flokk­inn. Fylgi ann­arra flokka meðal ungs fólks ­mæld­ist undir tíu pró­sent­um; Sam­fylk­ing er með fjögur pró­senta fylgi, Vinstri­hreyf­ing­in - grænt fram­boð með níu pró­sent, Fram­sókn­ar­flokkur með sex pró­sent, Björt fram­tíð fimm pró­sent og „ann­að” með sex pró­sent.

Fylgi Pírata er lang­mest í þessum ald­urs­flokki sem, líkt og Svanur bendir á í pistli sín­um, er ólík­leg­astur til að skila sér á kjör­stað.