Atvinnu­lausar konur með háskóla­menntun eru fleiri en þær sem ein­ungis eru með grunn­skóla­próf. Fjöldi atvinnu­lausra, háskóla­mennt­aðra kvenna tvö­fald­að­ist á árunum 2012 til 2014. Hlut­fall háskóla­mennt­aðra kvenna sem voru atvinnu­lausar var 15 pró­sent árið 2012 og fór upp í 36 pró­sent árið 2014. Á á sama tíma fækk­aði þeim mikið sem eru án vinnu og ein­göngu með grunn­skóla­próf, úr 58 pró­sent í 34,5. 

Þetta er meðal þess sem kemur fram í nýjum Félags­vísum sem birtir voru í gær. Félags­vísar eru gefnir út af Vel­ferð­ar­ráðu­neyt­inu og Hag­stofu Íslands á hverju ári til að varpa ljósi á þróun og breyt­ingar í sam­fé­lag­inu með því að birta á einum stað tölur og upp­lýs­ingar um til­tekna hópa sam­fé­lags­ins.  

1.550 atvinnu­lausar og mennt­aðar

Séu fjölda­töl­urnar skoð­aðar kemur í ljós að fjöldi atvinnu­lausra kvenna með háskóla­menntun er 1.550 og hafði þeim fjölgað úr 750 frá árinu 2012. Fjöldi atvinnu­lausra kvenna ein­ungis með grunn­skóla­menntun dróst hins vegar mikið sam­an, úr 2.850 árið 2012 í 1.500 árið 2014. 

Atvinnu­leysi mest meðal ómennt­aðra karla

Sé hlufall atvinnu­lausra karla með háskóla­menntun skoðað fyrir sama tíma­bil kemur önnur þróun í ljós. Hlut­fall atvinnu­lausra karla með háskóla­menntun var 14,6 pró­sent árið 2012 og lækk­aði um rúmt pró­sentu­stig árið 2014, þá 13,5 pró­sent. 

Lang­flestir atvinnu­lausir karlar eru ein­ungis með grunn­skóla­mennt­un, eða 52,5 pró­sent. 34 pró­sent þeirra karla sem eru atvinnu­lausir og eru með starfs- eða fram­halds­skóla­menntun og eins og áður seg­ir, 13,5 pró­sent með háskóla­mennt­un. 

Aðra sögu er hins vegar að segja með kon­urn­ar. Fleiri atvinnu­lausar konur eru með háskóla­menntun en ein­ungis grunn­skóla­mennt­un. Hlut­fall kvenna án vinnu sem hafa ein­ungis klárað grunn­skóla er 34,5 pró­sent, en 35,6 pró­sent meðal þeirra sem eru með háskóla­próf. Hlut­fall atvinnu­lausra sem lokið hafa starfs- eða fram­halds­skóla­menntun er 53 pró­sent meðal karla og 35 pró­sent meðal kvenna. 

Fjór­falt fleiri konur heima­vinn­andi

Nær fjór­falt fleiri konur en karlar eru skráðar heima­vinn­andi og því utan atvinnu­mark­að­ar, ell­efu pró­sent kvenna og þrjú pró­sent karla. 

VR sendi frá sér skýrslu í byrjun árs þar sem fram kom að atvinnu­lausum með háskóla­próf hafi auk­ist um 275 pró­sent á síð­ustu 10 árum.