Helm­ingur komufluga hjá WOW Air kemur of seint, sam­kvæmt nýjum tölum frá Dohop. Icelandair er stund­vís­asta flug­fé­lagið í febr­ú­ar, en nokkrar breyt­ingar urðu á milli mán­aða. EasyJet, sem var stund­vís­asta flug­fé­lagið í jan­úar 2016, er nú óstund­vís­ast þegar kemur að brott­förum úr Kefla­vík, en er aftur á móti stund­vís­ast við lend­ing­ar. 

Icelandair stund­vís­ast heilt yfir

WOW Air kemur ekki vel út úr könnun Dohop, en helm­ingur komufluga fyr­ir­tæk­is­ins eru sein og er með­alseinkun tæpur hálf­tími, eða um 26 mín­út­ur. Þegar allt flug er skoðað eru 60 pró­sent véla WOW Air á réttum tíma. 

Tæp 80 pró­sent brott­fara hjá Icelandair eru á réttum tíma, tæp 70 pró­sent hjá WOW Air og rúm 65 pró­sent hjá EasyJet. 70 pró­sent lend­inga Icelandair er á réttum tíma og 80 pró­sent hjá EasyJet. 

Í til­kynn­ingu frá Dohop segir að þegar allt flug í febr­úar er skoðað sést að Icelandair er stund­vís­asta flug­fé­lagið og aðeins munar tveimur pró­sentum á Icelandair og EasyJet. Þó munar heilum 15 pró­sent á stund­vísi Icelandair og WOW Air. 

Ánægja með Leifs­stöð þrátt fyrir fram­kvæmd­ir 

Þó að hlut­fall óstund­vísra véla sé nokkuð hátt þegar á heild­ina er litið virð­ist það ekki koma mikið að sök því Kefla­vík­ur­flug­völlur lenti í þriðja sæti í alþjóð­legri þjón­ustukönnun fyrir árið 2015 sem gerð er á vegum alþjóða­sam­taka flug­valla, ACI. Í til­kynn­ingu frá Isa­via, sem send var fjöl­miðlum í morg­un, kemur fram að Kaupa­manna­hafn­ar­flug­völl­ur, Heat­hrow í London, flug­völl­ur­inn í Porto og Vín­ar­flug­völlur deila þriðja sæt­inu með Kefla­vík­ur­velli. Í fyrsta sæti voru þrír flug­vellir jafn­ir, Sher­em­etyevo flug­völlur í Moskvu, Pul­kovo flug­völlur í Pét­urs­borg og Sochi flug­völl­ur. 

Haft er eftir Birni Óla Hauks­syni, for­stjóra Isa­via, í til­kynn­ing­unni að árið 2015 hafi verið stærsta ár í sögu flug­vall­ar­ins og háanna­tímar sum­ars­ins hafi á stundum verið erf­iðir fyrir far­þega og starfs­fólk vegna mik­ils far­þega­fjölda og yfir­stand­andi fram­kvæmda. Gert er ráð fyrir 37 pró­sent fleiri far­þegum í ár en fóru um flug­völl­inn í fyrra. Því séu nið­ur­stöður könn­un­ar­innar sér­stak­lega ánægju­leg­ar. 

Í könn­un­inni eru far­þegar spurðir um sína upp­lifun af þjón­ustu flug­vall­ar­ins og gefa ein­kunn í fjöl­mörgum flokk­um. Könn­unin nær yfir alla þætti ferð­ar­innar um flug­völl­inn, hvort sem er inn­rit­un, örygg­is­leit, þjón­usta í versl­unum og veit­inga­stöð­um, vega­bréfa­eft­ir­lit, toll­skoðun og aðra þjón­ustu.