Katrín Jak­obs­dótt­ir, for­maður Vinstri grænna, mun ekki bjóða sig fram til emb­ættis for­seta Íslands. Þetta kemur fram í stöðu­upp­færslu sem hún birti á Face­book rétt í þessu. Þar seg­ir:

„Kæru vin­ir!

Fjöl­margir hafa haft sam­band að und­an­förnu og hvatt mig til að bjóða mig fram sem for­seta Íslands. Fólk sem ég þekki vel og fólk sem ég þekki ekk­ert, fólk hvaðanæva af land­inu, fólk af öllum stétt­um, konur og karl­ar, fólk á öllum aldri. Að sama skapi hafa birst kann­anir þar sem ein­hverjir virt­ust telja mig heppi­lega í þetta emb­ætti.

Af þessum sökum fannst mér ekki geta annað en hug­leitt málið alvar­lega í nokkra daga. Ég hef líka tekið eftir gagn­rýni frá ein­staka mönnum sem eru dug­legir að tjá sig, virð­ast ótt­ast fram­boð mitt meira en góðu hófi gegnir og ráða ekki almenni­lega við þá hug­mynd að konur taki eigin ákvarð­an­ir.

Það sem stendur hins vegar upp úr eru mörg góð orð frá stórum og fjöl­breyttum hópi fólks sem ég ber virð­ingu fyrir og vil þakka hvatn­ing­una.

Óháð þessum jákvæðu við­brögðum en einnig algjör­lega burt­séð frá þeim nei­kvæðu hef ég hins vegar tekið þá ákvörðun að skipta ekki um skoð­un. Ég mun ekki bjóða mig fram til emb­ættis for­seta Íslands að þessu sinni. Ég vona að kosn­inga­bar­átta þeirra ein­stak­linga sem gefa kost á sér í þetta emb­ætti verði mál­efna­leg og inni­halds­rík og í þetta emb­ætti velj­ist góður þjónn þjóð­ar­innar sem beiti sér fyrir mann­rétt­indum og lýð­ræð­isum­bót­um, vernd nátt­úru og umhverfis og stöðu íslenskrar tung­u."

Í síð­ustu viku greindi Stundin frá því að Katrín væri að velta fyrir sér að bjóða sig fram til for­seta Íslands, í kjöl­far þess að hún hefði verið að fá áskor­anir um slíkt. Þar sagði einnig að Katrín hefði mælst með mestan stuðn­ing í emb­ætti for­seta Íslands í nýrri skoð­ana­könnun sem MMR gerði fyrir Stund­ina. Alls sögð­ust 37,5 pró­sent svar­enda að þeir teldu að Katrín kæmi til greina sem næsta for­seti Íslands og 23 pró­sent sögð­ust lík­legir til að kjósa hana. Katrín sagði í við­tali við Stund­ina að for­seti ætti að leggja áherslu á umhverf­is­vernd, mann­rétt­indi, menn­ingu og lýð­ræði.

Skoð­ana­könnun Stund­ar­innar sýndi sjö til átta pró­senta stuðn­ing við ýmsa aðra fram­bjóð­end­ur. Þeir eru Davíð Odds­son, Stefán Jón Haf­stein, Sal­vör Nor­dal, Ólafur Jóhann Ólafs­son, Þor­gerður Katrín Gunn­ars­dóttir og Andri Snær Magna­son. 23 pró­sent stuðn­ings­manna Sjálf­stæð­is­flokks­ins vilja Davíð Odds­son, rit­stjóra Morg­un­blaðs­ins, sem næsta for­seta.