Guðni Th. Jóhann­es­son, dós­ent í sagn­fræði við Háskóla Íslands, lýsti í dag form­lega yfir fram­boði sínu til emb­ættis for­seta Íslands. Þetta gerði hann á fundi í Salnum í Kópa­vog­i. 

„Kæru vin­ir, góðir Íslend­ing­ar. Í sumar göngum við til for­seta­kjörs. Ég verð þar í fram­boð­i,“ sagði hann í upp­hafi fund­ar­ins og upp­skar dynj­andi lófa­klapp. Hann þakk­aði svo fund­ar­gestum fyrir kom­una og stuðn­ing­inn. 

Hann sagð­ist bjóða sig fram vegna þess að hann hafi mjög ákveðnar hug­myndir um það hvernig for­seta­emb­ættið ætti að ver­a. 

„For­seti Íslands er málsvari lands­ins á alþjóða­vett­vangi, and­lit okkar í augum heims­ins. Hann á að styðja við menn­ingu og list­ir, atvinnu- og við­skipta­líf. Í þessum atbeina sínum fyrir Íslands hönd á for­seti Íslands að vera stoltur en hóg­vær, hann á að vera kapp­samur án yfir­læt­is, “ sagði Guðni meðal ann­ars. For­set­inn gegni mik­il­vægu hlut­verki í stjórn­skipan lands­ins. For­seti hljóti að láta sig varða end­ur­skoðun stjórn­ar­skrár, í hana verði að koma ákvæði að til­skil­inn hluti kjós­enda geti kraf­ist þjóð­ar­at­kvæða­greiðslu um til­tekin mál. 

„Stjórn­ar­skrár­breyt­ingar skipta engu máli ef vald­hafar bregð­ast trausti og trún­aði fólks­ins. Við öll, almenn­ingur í land­inu, biðjum ekki um mik­ið. Við biðjum ekki um full­komið sam­fé­lag, full­komna vald­hafa. Við biðjum ein­fald­lega um að ráða­menn í sam­fé­lag­inu séu heið­ar­leg­ir, standi við orð sín og hafi ekk­ert að fela.“