Árni Páll Árna­son, for­maður Sam­fylk­ing­ar­inn­ar, er hættur við að bjóða sig fram til for­manns á nýjan leik. Þetta kemur fram í tölvu­pósti sem hann sendi til flokks­manna Sam­fylk­ing­ar­innar rétt í þessu. 

Í póst­inum segir Árni Páll að hann geti ekki horft fram­hjá því að um hans per­sónu og sýn sé ekki ein­ing og atburða­rásin á og frá síð­asta lands­fundi flokks­ins veki honum efa­semdir um að ein­ing geti skap­ast með hann sem for­mann. „Mín byði því erfið bar­átta, innan flokks sem er í sárum, sem eng­inn veit hverju myndi skila.“

Hann segir að staða flokks­ins sé óásætt­an­leg. „Sem fyrr vara ég flokks­fólk við að halda að á henni séu ein­faldar lausn­ir. En hug­sjónir jafn­að­ar­manna þurfa sam­hentan og skyn­saman flokk sem ber þær fram og per­sónur geta ekki staðið þeim fram­ar. Ég hef því ákveðið að bjóða mig ekki fram til end­ur­kjörs sem for­maður flokks­ins.“ 

Hann seg­ist óend­an­lega þakk­látur öllu stuðn­ings­fólki sínu um land allt fyrir stuðn­ing og hvatn­ingu. „Þjóðin á skilið að eiga öfl­ugan jafn­að­ar­flokk, sem styður þann for­mann sem flokks­menn velja til for­ystu í alls­herj­ar­at­kvæða­greiðslu. Ég mun gera mitt til að svo verði. Von­andi birt­ist sá flokkur þjóð­inni 4. júní næst­kom­andi og sýnir sig til­bú­inn til verka.​“ 

Árni Páll til­kynnti í síð­ustu viku að hann myndi sækj­ast eftir end­ur­kjöri sem for­maður flokks­ins. 

Þetta þýðir að fjórir fram­bjóð­endur munu berj­ast um for­manns­stól­inn í Sam­fylk­ing­unni í byrjun júní. Helgi Hjörvar, Oddný Harð­ar­dótt­ir, Magnús Orri Schram og Guð­mundur Ari Sig­ur­jóns­son eru öll búin að lýsa yfir fram­boði til for­manns.