Sígaunahöfðinginn fær að vera áfram í Danmörku

Gimi Levakovic.
Gimi Levakovic.
Auglýsing

 

Gimi Levakovic, höf­uð­paur einnar alræmd­ustu glæpa­fjöl­skyld­u D­an­merk­ur, mun fá að vera áfram í Dan­mörku. Hæsti­réttur lands­ins komst að þeirri nið­ur­stöðu í dag. Levakovic hafði áður verið gert að yfir­gefa landið í kjöl­far þess að hann myndi ljúka fimmtán mán­aða fang­els­is­dómi sem hann hlaut í ágúst í fyrra. Levakovic, sem oft er kall­aður „sígauna­stjór­inn“ (e. gypsy boss og d. sigøjner­­bossen) hlaut dóm­inn í  í hér­­aðs­­dómi í Næst­ved fyrir líf­láts­hót­­­an­ir og vopna­­burð. 

Hann varð einn umtal­að­­asti maður Dan­­merkur í jan­úar 2015 eftir að danska sjón­­varps­­stöðin TV2 sýndi tvo sjón­­varps­þætti um Levakovic ­fjöl­­skyld­una. Þætt­irnir voru gerðir með sam­­þykki fjöl­­skyld­unnar og þar eru löng við­­töl við Gimi Levakovic og Jura bróð­­ur­­son hans sem nú afplánar fimm ára dóm og verður vísað úr landi.

Auglýsing

Kjarn­inn fjall­aði ítar­­lega um ­fjöl­­skyld­una í frétta­­skýr­ingu í jan­úar 2015.

Grát­klökkur

Levakovic komst svo aft­ur á for­síður danskra blaða í októ­ber 2015 þegar Eystri-Lands­réttur snéri við dómi hér­aðs­dóms sem hafði vísað Levakovic úr landi. Lands­rétt­ur­inn þyngdi fang­els­is­dóminn­ um þrjá mán­uði en snéri við brott­vís­un­ar­dóm­in­um. Dóm­ur­inn vakti hörð við­brögð í Dan­mörku. 

Danskir fjöl­miðlar sögðu á þeim tíma að Gimi Levakovic, sem venju­­lega er kok­hraust­ur, hafi verið mjög stress­aður í dóm­salnum og svit­inn perlað af hon­­um. „Þeg­ar hann heyrði að sér yrði ekki vísað úr landi grét hann eins og smá­­barn,“ sagð­i eitt dönsku blað­anna. Sak­­sókn­­ari sagði strax að dóms­­upp­­kvaðn­­ingu lok­inn­i að hann myndi freista þess að fá mál­inu skotið til Hæsta­réttar og von­að­ist til að það tæk­ist.

Það tók­st og nú hefur Hæsti­réttur stað­fest þá nið­ur­stöðu og sagt að brott­vísun Levakovic, ­sem er króat­ískur rík­is­borg­ari, sé í and­stöðu við mann­rétt­inda­sátt­mála Evr­ópu. Hér­aðs­dóm­ur­inn yfir Levakovic var dómur númer 27 sem hann hlýtur í Dan­mörku. Á Face­book-­síðu sinni í dag fagnar hann ákvörð­un­inni og seg­ist grát­klökk­ur.

Varð lands­þekkt eftir sjón­varps­þátt

Levakovic-­fjöl­­skyld­an varð lands­þekkt í Dan­mörku í jan­úar 2015 þegar sjón­­varps­­stöðin TV2 sýndi tvo þætti um hana sem byggð­ust að miklu leyti á við­­tölum við ætt­­­ar­höf­uð­ið Gimi. Fjöl­skyldan flutti frá Kró­a­­tíu til Dan­­merkur árið 1972 og hefur alla ­tíð síðan verið á fram­­færi danskra skatt­­borg­­ara og hefur þegið jafn­­­gildi 1700 millj­­óna íslenskra króna sér til fram­­færslu. Fjöl­­skyld­an, ­sem býr á Ama­­ger, hefur stækkað á þessum 43 árum og telur nú fleiri en 40. Eng­inn úr fjöl­­skyld­unni hefur stundað laun­aða vinnu. Fram­­færslu­líf­eyrir hins op­in­bera hefur þó ekki hrokkið til og fjöl­­skyld­an, einkum karl­­arn­ir, virð­ast hafa drýgt tekj­­urnar með ránum og grip­­deild­um, sem þeir hafa stund­um hlotið dóma fyr­ir.

Ætt­­­ar­höf­uðið Gimi Levakovic hefur í við­­töl­u­m ­sagt að fjöl­­skylda sín standi saman í blíðu og stríðu. Afskipti lög­­regl­unn­ar hafa stundum orðið til að trufla heim­il­is­frið­inn. Sjálfur hefur Gimi, sem er 46 ára, setið inni í tæp sjö ár sam­tals og bræður hans og bræðra­­synir hafa margoft setið inni, um lengri eða skemmri tíma. Sumum þeirra hefur oftar en einu sinni verið vísað úr landi en þeir hafa jafn­­harðan snúið aftur til Dan­merk­ur.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiErlent
None