Don­ald Trump seg­ist sjá eftir ýmsu í kosn­inga­bar­áttu sinni til þess að verða for­seta­fram­bjóð­andi Repúblikana­flokks­ins. Engu að síður segir hann að ef hann hefði ekki komið fram eins og hann gerði, þá hefði hann lík­lega ekki kom­ist svona langt, en fátt getur komið í veg fyrir að hann verði fram­bjóð­andi flokks­ins. 

Þetta var meðal þess sem kom fram í við­tali Megyn Kelly á Fox News við Trump í gær­kvöldi. Kelly og Trump hafa átt í miklum deilum und­an­farna mán­uði. Deil­urnar hófust eftir að Kelly stjórn­aði umræðum í kapp­ræðum milli fram­bjóð­enda í ágúst síð­ast­liðn­um. Þá spurði hún hann um ummæli sín um konur og í kjöl­farið sagði hann að hún hefði ekki verið sann­gjörn gagn­vart hon­um. „Það sást að það kom blóð út úr aug­unum á henni, blóð kom út úr henni – hvar sem er.“ 

Einnig end­ur­deildi Trump ummælum um Kelly á Twitt­er, þar sem hún var kölluð bim­bo, sem á íslensku merkir gála. Kelly spurði Trump hvers vegna hann hefði gert það og hann svar­aði: „Gerði ég það? Ó. Afsak­aðu mig.“ Hann bætti því svo við að Kelly hlyti þó að hafa verið kölluð mun verri nöfn­um. 

Trump sagði í við­tal­inu að hann hefði vissu­lega getað gert ýmis­legt öðru­vísi en hann gerði í þess­ari níu mán­aða kosn­inga­bar­áttu. „Ég hefði getað notað öðru­vísi orða­lag, en yfir það heila verð ég að vera mjög ánægður með nið­ur­stöð­una.“ 

Hann vildi ekki segja frá því hvaða hlutum hann sæi eftir í bar­átt­unni. „Ef ég hefði ekki hagað mér með þeim hætti sem ég hef gert, þá held ég að ég hefði ekki náð árangri.“ Jafn­framt sagði hann að ef hann nær ekki kjöri sem for­seti Banda­ríkj­anna muni hann líta svo á að ferlið hafi verið „al­gjör og full­komin sóun á tíma, orku og pen­ing­um.“