Oddný G. Harð­ar­dóttir var kjör­inn nýr for­maður Sam­fylk­ing­ar­innar í gær. Hún hlaut 59,9 pró­sent af þeim 3.877 atkvæðum sem greidd voru í próf­kjör­inu í alls­herj­ar­kosn­ingu skráðra félags­manna. Þegar Árni Páll Árna­son var kjör­inn for­maður flokks­ins í alls­herj­ar­kosn­ingu árið 2013 greiddu 5.589 manns atkvæði. Því fækk­aði þeim sem tóku þátt í for­manns­kosn­ingum Sam­fylk­ing­ar­innar um 1.713 á milli alls­herj­ar­kosn­ing­anna, eða um 30 pró­sent. Í sig­ur­ræðu sinni sagði Odd­ný: „Brettum upp ermar kæru félag­ar, það er ekki eftir að neinu að bíða. Hrindum í fram­kvæmd 130 daga áætlun fyrir kosn­ing­ar. Við erum til í slag­inn“.

Magnús Orri Schram hlaut næst flest atkvæði í for­manns­kjör­inu, Helgi Hjörvar kom þar á eftir og fæst atkvæði fram­bjóð­enda hlaut Guð­mundur Ari Sig­ur­jóns­son. 

Logi Ein­ars­son, bæj­ar­full­trúi Sam­fylk­ing­ar­innar á Akur­eyri, var kjör­inn vara­for­maður flokks­ins. Sú kosn­ing var ekki alls­herj­ar­kosn­ing heldur tóku ein­ungis lands­fund­ar­full­trúar þátt í henni. Logi fékk 106 atkvæði eða 48 pró­sent þeirra sem féllu. Það dugði honum til að sigra þær Mar­gréti Gauju Magn­ús­dóttur (66 atkvæði) og Semu Erlu Serdar (43 atkvæði) í bar­átt­unni um vara­for­manns­stól­inn.

Sam­kvæmt nýj­ustu kosn­inga­spá Kjarn­ans mælist fylgi Sam­fylk­ing­ar­innar 7,6 pró­sent, sem er tölu­vert fyrir neðan kjör­fylgi flokks­ins frá árinu 2013, þegar hann fékk 12,9 pró­sent. Það var þó lang­versta kosn­inga­nið­ur­staða Sam­fylk­ing­ar­innar í sögu henn­ar.