Ný útlán Lands­bank­ans juk­ust mest allra við­skipta­bank­anna og spari­sjóða á árinu 2015 eða um 225 millj­arða. Þegar tekið hefur verið til­lit til liði á borð við afborg­anir og virð­is­breyt­ingar þá nemur aukn­ing heild­ar­út­lána bank­ans 84 millj­örðum krona. Sam­tals stóðu útlán bank­ana í tæpum 2.180 millj­örðum í árs­lok 2015. Þetta kemur fram í sam­an­tekt Fjár­mála­eft­ir­lits­ins á heild­ar­nið­ur­stöðum árs­reikn­inga. Morg­un­blaðið greinir frá þessu í dag.

Heild­ar­út­lán við­skipta­banka og spari­sjóða stóðu í tæpum 2.190 millj­örðum króna, um það bil 130 millj­örðum hærra en í lok árs 2014. Lands­bank­inn lán­aði mest allra bank­anna á árinu. Heild­ar­út­lán bank­ans við ára­mót námu 811,5 millj­örðum króna. Stein­þór Páls­son, banka­stjóri Lands­bank­ans, segir í sam­tali við Morg­un­blaðið 14 millj­arða af þess­ari upp­hæð má rekja til sam­ein­ingar tveggja spari­sjóða við bank­ann, Spari­sjóðs Vest­manna­eyja og Spari­sjóðs Norð­ur­lands, og til mik­illa fastein­ga­lána.

„Þá tók fjár­fest­ing atvinnu­veg­anna einnig mikið við sér og er það tölu­verð breyt­ing miðað við fyrstu árin eftir hrun þegar fyr­ir­tæki lögðu alla áherslu á að greiða niður skuld­ir,“ er haft eftir Stein­þóri. „Nú hefur dæmið snú­ist við, fjár­fest­ing tekið við sér og þá miðlum við fjár­magni til upp­bygg­inar á flestum svið­u­m.“

Árið 2016 fari mun hægar af stað þegar kemur að útlánum Lands­bank­ans, að sögn Stein­þórs og nefnir hann líf­eyr­is­sjóð­ina sem dæmi um skýr­ingu. Þeir hafi komið sterkir inn á fast­eigna­lána­mark­að­inn. Bank­inn sé einnig að stýra lausafé sínu með þeim hætti að lausa­fjár­staðan verði sterk­ari þegar kemur að afnámi hafta, sem stjórn­völd vinna nú að. „Lausa­fjár­kröfur Seðla­bank­ans hækk­uðu um 10 pró­sentu­stig milli ára og það hefur vissu­lega áhrif,“ er haft eftir Stein­þóri.

Í skýrslu Fjár­mála­eft­ir­lits­ins segir að hagn­aður við­skipta­bank­anna á árinu 2015 var sam­tals ríf­lega 106 millj­arðar króna. Við­skipta­bank­arnir eru Arion Banki, Íslands­banki, Kvika banki og Lands­bank­inn. Mest hagn­að­ist Arion banki, um tæpa 50 millj­arða, en Kvika skil­aði tapi um tæpar 483 millj­ónir króna. Hagn­aður bank­anna árið 2015 er nokkru meiri en árið 2014 þegar þeir högn­uð­ust um rúman 81 millj­arð króna.

Í skýrsl­unni má einnig lesa um með­al­fjölda starfs­manna fjár­mála­fyr­ir­tækja á árinu 2015 sem var örlítið minni en árið 2015. Í fyrra var með­al­fjöldi starfs­manna 3.905 manns en var 4.038 árið 2014. Þá hefur afgreiðslu­stöðum við­skipta­banka og spari­sjóða fækkað nokkuð síðan árið 2014 þegar þeir voru 95 tals­ins um land allt. Í lok árs 2015 voru þeir 81. Munar þar mest um fækkun spari­sjóða og sam­ein­ingar við við­skipta­bank­ana.

Upp­fært kl. 9:10 - Rang­lega var sagt að útlán Lands­bank­ans hafi aukis um 225 millj­arða á síð­asta ári. Þegar til­lit hefur verið tekið til aðra liða á borð við afborg­anir og virð­is­breyt­ingar þá nemur aukn­ing heild­ar­út­lána bank­ans 84 millj­örðum króna.