Lið­lega tvö hund­ruð íbúar í Mývatns­sveit lýsa and­stöðu við að byggt verði hótel á bakka Mývatns við Hótel Reykja­hlíð. Fram­kvæmdin er sögð ganga gegn anda laga um verndun Mývatns og Lax­ár. Þetta kemur fram í frétta­til­kynn­ingu.

Bygg­ingin er ­sam­kvæmt teikn­ingu öll langt innan 200 metra vernd­ar­línu lag­anna. Íbú­arn­ir telja að hún muni spilla útsýni til vatns­ins og ímynd sveit­ar­inn­ar. Sam­þykkt á­for­manna skapi hættu­legt for­dæmi varð­andi fram­kvæmdir á vernd­ar­svæð­inu.

Und­ir­skriftum var safnað meðal íbúa með lög­heim­ili í Skútu­staða­hreppi sem eru 18 ára og eldri. Sam­tals skrif­uðu 202 eða 66 pró­sent íbú­anna und­ir. Fimm­tíu og átta, eða 19 pró­sent höfn­uðu þátt­töku. Ekki náð­ist til 45 íbúa og nokkrir tóku ekki þátt vegna trún­að­ar­starfa sem þeir hafa með hönd­um. Sam­tals eru það um 15 pró­sent íbúa, segir í til­kynn­ing­unni.

Söfnun und­ir­skrifta hófst laug­ar­dag­inn 25. júní en lauk 12. júlí þegar Yngvi Ragnar Krist­jáns­son, odd­viti hrepps­nefndar tók við und­ir­skrifta­list­unum úr hendi Ásdísar Ill­uga­dótt­ur. 

Yngvi Ragnar þakk­aði söfn­ur­um und­ir­skrift­anna fyrir að sýna mál­efnum sveit­ar­fé­lags­ins áhuga. Auð­vitað verð­i hlustað á það sem veru­legur meiri­hluti íbú­anna seg­i. „Við und­ir­rit­uð, íbúar í Skútu­staða­hreppi, leggj­um­st ­gegn áform­aðri bygg­ingu við Hótel Reykja­hlíð. Bygg­ingin gengur gegn anda laga um verndun Mývatns og Laxár þar sem 200 metra bakki er frið­að­ur. Hún spill­ir út­sýni til vatns­ins og er brot á þeirri reglu að hefja atvinnu­rekstur ekki vatns­megin veg­ar.  Þótt talað sé um við­bygg­ingu er öllum ljóst að hér er annað og meira á ferð­inni.  Sam­þykki fyr­ir­liggj­andi deilu­skipu­lags­til­lög­u ­myndi setja hættu­legt for­dæmi. Við skorum því á sveit­ar­stjórn og skipu­lags­nefnd að stöðva þegar í stað umfjöllun um hana,“ sagði í text­anum sem fólk und­ir­rit­aði.