Fjár­festir­inn Jón Von Tetzhner hefur keypt stóran hlut í fjöl­miðla­fyr­ir­tæk­inu Hring­braut, sem rekur sam­nefnda sjón­varps­stöð, útvarps­stöð og heldur úti vef­síðu. Hann verður annar stærsti eig­andi fyr­ir­tæk­is­ins á eftir Guð­mundi Erni Jóhanns­syni, stjórn­ar­for­manni þess. Auk þeirra tveggja á Rakel Sveins­dótt­ir, fram­kvæmda­stjóri Hring­braut­ar, hlut í fyr­ir­tæk­inu. Í til­kynn­ingu kemur fram að gera megi ráð fyrir að fleiri hlut­hafar verði kynntir til sög­unnar á næst­unni en með kaupum Jóns sé fyrsta þrepi fjár­mögn­unar lok­ið. 

Sam­kvæmt skrán­ingu á eign­ar­haldi Hring­brautar á heima­síðu fjöl­miðla­nefnd­ar, sem er frá því í nóv­em­ber í fyrra, var Guð­mundur Örn áður eig­andi alls hluta­fjár.

Jón segir að það hafi verið áhuga­vert að fylgj­ast með hvernig Hring­braut hafi á rúmu ári náð að verða stærsta sjón­varps­stöð lands­ins sem aðeins sýnir inn­lent efni. „Ég tel mik­il­vægt fyrir íslenskt sam­fé­lag að gróska sé til staðar í sam­fé­lags­um­ræðu og í dag er hægt að reka ljós­vaka­miðla á mun hag­kvæm­ari hátt en áður var. Í þessu geta falist mörg tæki­færi.”  Jón átti áður hlut í Spyr, fyr­ir­tækis sem Rakel Sveins­dóttir stýrði.

Jón von Tetzhner er oft kenndur við Operu, norskt fyr­ir­tæki sem bjó til sam­efndan vef­varfa. Hann seldi sig út úr því fyr­ir­tæki fyrir nokkrum árum og á síð­ustu árum hefur hann fjár­fest í nokkrum íslenskum sprota­fyr­ir­tækjum á borð við Örnu, Hringdu, Dohop og Spyr.is og Innovation Hou­se. Auk þess stofn­aði Jón Vivaldi Technologies, sem þróar Vivaldi vafr­an. 

Jón var í ítar­legu við­tali við Kjarn­ann í fyrra. Það má lesa hér.